|
لولا المصالح ما حياك انسان
لولا المصالح ما حياك انسان ... من اقوال احد الاصدقاء والزملاء باخوية
حابه اعرف شو رايكون بهالموضوع بالذات... انو نحنا كل حياتنا مصالح بمصالح..ومستحيل حد يقول للتاني مرحبا الا اذا كان في مصلحة من هالشي... طيب انا مصلحة الشغل بفهمها..انو مافيني صرخ بوجه مديرتي مصالح... مشان ما تقلعني..مافيني رد بوجه دكتور الجامعه مشان ما نحمل الماده ( بدنا نشيل هون الاحترام ع جنب .. ) طيب علاقتي انا ورفيقتي مثلا؟؟؟ شو المصلحة بالموضوع؟ كنت عم اتناقش بهالموضع من شخص عزيز .. ولقيت انو هوي بفكر بالجنوب وانا بالشمال.. انو معقول في متل هيك؟ قال حتى علاقتي مع رفيقتي .. مصلحة .. طيب ليش ما هيي لا عم اطعميني ولا تصرف عليي ولا تشغلني.. بس شو طلعت المصلحة .. قال مصلحة اجتماعية بحته ... حتى علاقتو مثلا مع مرت اخو .. ما بقلها مرحبا لو ما الو مصلحة مع اخوه... انو معقول.. بالنهايه .. وصلنا لشي... هوي ما عندو ابدا ولا ذرة اعتقاد انو لسا في علاقات اجتماعية انسانية بين البشر... وكل الحياة مصالح * مصالح... وانا بقول .. انو لا فيى علاقات انسانية بين البشر خاليه من المصالح... انت شو بتقول؟ :D |
اي أنا بقول انو ممكن تكون مصالح
بس مصالح عن مصالح بتفرق هلأ ممكن تكون المصلحه انك تحكي مع رفيقك و تشوفو كل يوم و تنبسط معه المصلحه ممكن تكون انو الواحد بدور ع انسان تيفضفضلو و يشكيلو آلامه المصلحه ممكن تكون انو يحاول الهرب من حاله إلى حاله أخرى أفضل ما بلا قيها غير مع رفيقه و المصلحه قد تكون........... و قد تكون .............. وقد تكون............. بس هدوله المصالح اللي مع الرفقات يمكن الإطلاق عليهن اسم مصالح بريئه أما المصالح بين الموضف و مديره و الطالب و الدكتور يمكن الإطلاق عليها اسم مصلحة تبادل في المنفعه هيدا رأيي أنا ما بعرف ازا صحيح أو لأ بس فيو شيء من الصحه على ما اظن:D |
على قولة ابوالتكسي
(( لولا المصالح ماحدا صالح )) :pos: |
متل ما قلللك رفيقك هل الحكي صح
الدنيا كلها مصالح هي هية دنيتنا اللي عايشين فيها الحمد لله على السلامة :D |
اقتباس:
اقتباس:
فيك تقول قلت تقريبا متل ما رفيقي قال... انو حتى مصلحتك مع رفيقتك ..لما بتسمعيلها وهيي زعلانة..فهاد لانو رح يجي يوم وتحتاجي او هيي تسمعلك يعني مصالح اقتباس:
اقتباس:
اييييييييه حكم حكم اقتباس:
اقتباس:
انو معقول وصلنا لهلوقت؟:cry: ؟؟ قال حتى العلاقة مع الحبيبة مصلحة...انو بدو يكون اسرة .. ويشعر بامان بالحب وشعور الحب... ومصلحةممتده يعني:shock: الله يسلمك:D |
الدنيا مو كلها مصالح
اي انعم انه الانسان في بعض الاحيان بيكون في بينه وبين شخص مصلحه بس هادا ما بيعني انه كل العلاقات تصير مصلحه :pos: |
شوفي ريمي
هالحكي اللي حكاه رفيقك انا اختي قالتلي اياه مرة بس انا ما قدرت اتقبل هالشي يعني بالبداية صار فيي متلك تمام:shock: :? شغلة المصالح كتير كتير منتشرة بشكل خيالي :pos: بس الانسان ما فيو يعيش بدون علاقات اجتماعية خالية من نسبة جيدة من الصدق يعني الواحد بتصدفو بحياتو علاقات مصلحة بس انو كل شي بهالدني مصلحة بمصلحة ف نحنا ما عدنا بمجتمع انساني نحنا صرنا بغابة:D |
اقتباس:
ومعو حق ... |
كل الدنيا مصالح بس بيبقى عندي شك انو في شي بجوز يكون صداقة او اي شي تاني بدون مصلحة لا اجتماعية ولا نفسية
|
| الساعة بإيدك هلق يا سيدي 02:24 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون