|
غزل بالحلبي
غزل بالبحلبي شفتك أول مرة جنب بيتنا بالحديقة الزغنوطة وقلبي لما طسّيتك طرق أحلى زغلوطة شقد كنتي نهارا متلبكة وشكلك معبوطة وانهزمتي مني !! ايه بدي الحقك لو لفيت متل ابن بطوطة أبوس شناق وش الحجي اذا بخطبني ياكي والله يستر يقوم ما يستحمل كتر كرّي وعلاكي يأنو يا خيتو بزت حالي من فوق السجرة اذا بدي اعيش بلاكي بقا انشالله يصير بيت أبوي هو بيت حماكي!! ويا يوم على ايشربك البني لما طيرو الهوا وأنا شفت وشك طبيت بأرضي وأكلت هوا وقلت يحالي علوا نبقا العمر أنا وانت سوا ولا نمرض ونروح حكيم ولا يوصفلنا دوا وبكرا يا بتصيري حجة وانا الحجي ومنخلّف عجيان وبطلعو كلون عاقلين إلا واحد بطلع سعدان وبفرط معلاقنا وبفضحنا بالحارة وبتعربش عالحيطان وببهدلنا قدام الخلق وكل يوم بضرب ولاد الجيران وانا بقلو يلعن ابوك وانت بتلحقيه بشحاطة وانا بضربو بالقشاط وانتي حصريه عالبلاطة وبحرمو من المصروف لا بياخد صحاح ولا فراطة ولي عليكي وعلى هالخلفة ... يقطع عمرك على عمر أهلك ... بطلت أتجوز !! ================================================ شرح الألفاظ |: الزغنوطة : الصغيرة طسيتك : طلعت فيكي زغلوطة : الزغرودة بزت : برمي السجرة : الشجرة كري : الحكي الكتير |
حلوة كتير شكلك رايقة الليلة :oops:
|
أشكرك بنوتة حلب على الغزل الراقي والأصيل
والله بدك زلغوطة كبيرة وطويلة على هالكلام الرائع |
لك دخيلون شباب حلب شو .........
مهضومين يعني أحلى بنت بتطبأ معون بدقايق :o |
يا اهلا باحلى اعضاء
نورتو وبتشريفكم يتم سرورنا\ جنة الاطفال بيوتها ههههههههههههههههههه |
بس لو اعرف مين هالمعلّم لي افلم هالقصيدة
|
رد
 حلوه وربي بس تستاهين بوسه:D |
مين هاي القمر :o :hart: :o
|
شو عم تعرضوا صور هيفا بمواضيعي
ههههههههههههههههههه حذفوا صورتا عما امزح طولول بالكون |
ههههههههههههههه
والله ضحكتيني من قلبي وانا ببلاد الغربة يحرق حريشك على هالقصيدة.... اه خيتو هل الى رؤياكي جاره وقد اشعلتي فصط القلب نارة اه خيتو يفتح بجسدك يسلمووووخيتوووو على هل القصيدة الحلوة |
اي تسلم ايد خيتو انو طجيتي هالشعرورة هوني
وكمان عا ذكر حلب وشعارير حلب طسيتك مرة بالحارة .....عم تمشي متل القطوقطة طالعة عالموضة وعيطتلك بس..... دخيلك اشقد كنتي مبسوطة وماسكة بايدك الضنضرمة بالشوكولاطة..... بركتي بالحديقة عم تستنيني.......... والكمالة ضيعتها |
هههههه اهلين بشباب حلب
شباب بلدي نورتوااا |
مشكورة حلو كتير مجهود جميل :hart::hart::sosweet::sosweet::sosweet::hart::hart : |
شكراااااااااا كبك زوئ
|
بتجنننننننننننننننن بنوته والله رح موووووت من القهر بدي ارجع لحلب:cry: :cry: :cry:
الله لا يحرمنا من شبااااااب سوريا |
اقتباس:
|
شو معناة شناق
|
اقتباس:
اتصلت لأهلي بحلب حتى اعرف شو معنا شناق ولووووووو انت غالي علينا شناق ياسيدي يعني خدود صح بنووته |
| الساعة بإيدك هلق يا سيدي 22:51 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون