|
قرّب عالطيب مسابقة الكلمات المتقاطعة
يا اخي ما في احلى من نفس اركيلة هيك عند المسويات قاعد على هالبرندة برا وحاطط كاسة الشاي حدك ونسمة الهوا عم تلعب بالفحم لعب وانتي عم تغب وتغب وتحس حالك كتير خفيف خفيف (الله يزكرك بالخير يا خفيف ) ...................................
شو صرنا على الهوا :? السادة والسيدات الاخوة والاخوات ladies and gentlemen شالوم عليكم وحشيشة الله وفحماتو تفخر مؤسستنا بتقديم مسابقة جديدة وهي مسابقة الكلمات المتقاطعة اكيد المسابقة غنية عن التعريف يعني اكيد كلنا منعرف شو هيي الكلمات المتقاطعة هيي هيك مجموعة مربعات بيض وسود موزعين بشكل (منظم - غير منظم ) يعني كيف بدي قلك ياها انو اذا طلعت عليهن هيك بتلاقين مو منظمين بس وقت بتبلش تحل الشبكة بتلاقين منظمين وهيك يعني بالاضافة لكزا كلمة محطوطين تحت الشبكة بدك تلاقي المعاني تبعيتن وتوزعن باماكنن الصحيحة بالشبكة فهاي هيي المسابقة كل فترة محددة على الارجح كل اربع وعشرين ساعة رح نزل شبكة جديدة ومعاكن اربع وعشرين ساعة لتحلوا طبعا اللي بيحل اول بينحسبلو نقطة اللي بيجمع عدد كبير من النقط بيربح المسابقة هلأ اكيد يعني المسابقة رح تتدرج من سهل لاصعبر لاصعبر للاصعبيست طبعا بعرف انا انو عقلكن شرد بالجائزة هلأ اي اخواتي الجائزة مبدئيا وبصراحة يعني رح دجا دج اسا مو معروفة يعني اسعتنا عم نتناقش بامرا (يعني فيك تقول عاملين جلسة انا وعقلي وحالي ونفسي وشخصي وافكاري وهيك حاطين الاركيلة وعم نتناقش بالموضوع طبعا عم نتناقش بامور غير لهيك ممكن تاخد شوية وقت لتطلع هالجائزة الصميدعية بس اكيد من هون لتاني شبكة بتكون تحددت الجائزة وصرنا عم نشتغل بالسليم ) المسابقة رح تبلش بعد اربع وعشرين ساعة من هلأ لبين ما زبط هالشبكات اللي بين ايديي الشبكات رح تنزل بحيث تنفتح على برنامج microsoft word فاللي ما عندو ال office يلحق حالو وينزلو احسن ما تروح علي المسابقة والجائزة وشو اسا شو اسا بدي احكي يمكن خلص وضحت كل شي يللا عطوني شجن وحطولنا شريط عرب مسكولي حلقة وعقدولي الدبكة من هون لموعد نزول اول شبكة ووقتا عاد كل واحد بيروح بيدرس و بيحضر منيح مشان يعرف يجاوب صح يللا شيل الله حيو راعي الاول روح يا داعور ترت ترت ترت ترت ترت ترت ترت ترت ترت ترت ترت :gem::gem::gem::gem::gem::gem::gem::gem::gem::gem: :gem::gem::gem::gem: |
عمو هاني ...كيف بدنا نحط الحلول ؟؟؟
يعني ممكن انا احلها ...ويجي واحد ورايي يعمل كوبي وبيست ...:jakoush: كيف رح تكون الطريقة ؟؟:D |
مش فاهم كيف اللعية :shock:
ووين اللعبة:shock: :shock: |
اقتباس:
اقتباس:
وبجوز بس تنزل اول شبكة تفهمو عليي |
وقتيش بتبلش اللعبة ؟:shock:
|
هاني سجل اسمي من ضمن المتسابقين ... يــــــــــــاهووووووو :yahoo:
صحيح نسيت سؤال ... شو زمان المسابقة؟ يعني ايمتى بتنتهي المسابقة ؟ |
انا ما تسجل اسمي :p
|
اقتباس:
للاسف ما بقي معي وقت رد على التساؤلات هلأ اي تساؤل برد علي بس ارجع من شغلي وقت بدي بلش اللعبة يعني بعد تسع ساعات بالضبط :D |
اوك بس ما تطول :clap:
|
اي أمتين بتبلش اللعبه؟؟؟
|
اقتباس:
|
اقتباس:
انو عنجد في عالم ما بتقدر تدخل كل يوم ع اخوية .. يعني حرام كل 24 ساعة تنزل وحدة وتحط حل اللي قبلها .. اي ما بنلحق يا اخي !! يعني بحبح عدد الايام شوي بين الشبكة والتانية ، مشان نقدر نشارك ... حباب ( هي رشوة ) :p :D |
يا جماااااااااااااااعة ما عم يطلع عندي شي
كل ما اكبس على اللينك يطلع الماكري سوفت وورد بس يرد يسكر شو اعمل:x على فكرة انا شاطرة كتييير بالكمات المتقاطعة:p |
اقتباس:
اولا انتي منزلة عندك المايكرو سوفت اوفيس اذا لاء نزلي اذا اي قليلي شلون يعني عم يفتح معك ويرد يسكر يعني عم ينزل الملف عندك عالجهاز وما عم تقدري تفتحي او ما عم ينزل او شو القصة بالضبط شرحيلي الوضع مشان اقدر ساعدك :D |
لك وين اللعبة يحرء حريشكون
اقتباس:
|
بسم الله
والله شلعت كلبي وين المسابقة اريد اشترك وياكم |
يابه مشكور بس وين المشاركه
|
اقتباس:
ومشكور انت ع الاهتمام .. :D |
| الساعة بإيدك هلق يا سيدي 04:11 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون