|
قصة ليلى والذئب بالخليلي !!!
هادا زماان، كانت ليلى بتلعب حجله في الكروم في عز الصيف ايام الدبس والخبيصة والعنطبيخ
إلا ابوها لليلى إعتاز شوية حور، ام نادى ليلى : يا ليلاااااا، الله يؤصف عمرك بكفيكي حجل، تعالي هوني أوام ضفر يخلع نيعك - اايوا يااابا، شو بييدك - أوام زي الطلأ عضار ستك جيبيلنا كمشة حور بدنا نسوي هالراووء. واوعي تعدي طريء الكرومات، يالله أوام فطي إلا ليلى استطولت الطريء و ألت، طب مهي طريء الكرومات أأرب، وماحدا شايف حدا، خليني أزرء ويا ضار ما دخلك شر. وفي الطريء، انتبه الزئب انو ليلى رايحه عضار سيدها، ام سبئها ووصل ابلها عضار سيدها، والا هوو دفش الباب بإجره وكانت ستها لليلى اعده بتطبء ورء دوالي... سمعت الباب انفتح.. الت.. انووو هادا... الا الزءب رد بصوطه الحنون.. هادا انا يا ستي.. ليلى.. الجده: ليلاااا.. اعبري يا ستي الا الزئب دخل البرنده وغافل ستها لليلى وكوفلها بشرشف الطاوله ودحشها تحت الدوشك... واتخبى في الفرشه محل ما بتنام. شوي.. الا ليلى وصلت.. دئت الباب.. الا الزئب رد عليها وهو يألد صوت ستها... الجدة: أعبري يا ستي ، اطرشي الباب بعد ما تدخلي . ليلى: كيفك يا ستي ........ منيحة الجدة: اه يا ستي ، منيحة ليلى: يا الله مأكبر منخارك يا ستي ، ليش هيكد . الجدة: علشان أعرف أشم الطبيخ يا ستي ليلى: طب ليش إدنك كبيرة يا ستي . الجدة: علشان أعرف أصنطلك يا ستي ز ليلى: وليش عنيكي كبرانات الجدة: شو الدعوة يا ستي ، كماتك مش عارفتيني ، هذا عشان اعرف اشوف خرم الابرة لما اطرز. ليلى: طب ليش بوزك هيك يا ستي الجدة: علشان اعرف اكلك يا الستي ولا الذئب نط على ليلى ، وصارت تصيح ، وتصيح ........ ولا اخوها كاين في المنطقة ......... وفزع على الصوت وهو ماسك هالهراوة ودخل على البيت ونزل تكسر في الذئب وخبط علي لما شرد الذئب وهيك بكون فزع لاختو ولولا عليها كان اكلها الذئب ورجعوا على الدار هم وستهم والحور ، وعملوا عين طبيخ ودبس وملبن وزبيب وعملو عزايم ومناسف وعاشو بثبات ونبات . :p :p :p تحياتي :D |
من الصالون ....
|
مشكور تايجر على المرور :D
|
ههههههههههههههههههههههههه ههههههههههههههههههههههههه
بالخليلي يا خالي :lol: :lol: |
شايف يا خالي بعين الله:lol: :lol:
مشكور على المرور اللطيف :D :D
|
ارجو من شلة اخوية غروب الدخول والمشاركة :D
|
هههههههههه خالي مكرر يا خالي هي مكررة
;-) ;-) مشكور :D |
مشكور على مرورك بس مش مكرر واظني انا كتبتو قبل مرة :p
|
ههه خلص بعديلك اياها هي المرة :p :p
|
:cry: وين الردود
|
بس حلوة القصة ما عجبتك :cry: :cry:
|
بتجنن كتير كتير
يسلمو ايدك عليها |
شكرا على المرور :D
|
هههههههههههههههههه احلا ضار واحلا خليلي هيكد منيح ولا لاااااااااء
|
منيح جدا هههههههه
مشكورة على مرورك :D
|
ههههههههههههه
مشكور على الموضوع |
شكرا على مرورك الحلو :D
|
يسلموا يا إيهاب
و يسلمولي كل الخلايلة |
| الساعة بإيدك هلق يا سيدي 12:37 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون