|
والله العظيم شي بحير .. البكالوريا برا
بصراحة انا هالشغلة اللي بدي اطرحا شغلة بصراحة صلا فترة محيرتني مالي عرفان شو اعمل مشانا
وهي الشغلة اكيد بعاني منا كتيررررر وكتيرررر من الشباب اللي متغربين على سوريا وهالشغلة هي كالتالي: هلأ بمعلوم الجميع انو اي الطالب اللي بدرس البكالوريا ((التالت ثانوي)) براة سوريا لما بجي بدو يسجل بالجامعة او بأي كلية حكومية بنقصولوا من المعدل 10% يعني بطريقة ابسط اذا كان هالطالب هالأبن الحلال حكيك ودريس ومعدلو 99% فلما هالبني ادم بدي يجي يقدم على شي جامعة حكومية بسوريا فرح يجو وينقصولو 10%من المعدل فرح يصفي معدلو لهالطالب المعتر 89% وطبعا 89% على ماظن مابطلعلوا فيا طب ولا حتى هندسة ((طبعا لانو اغلب الناس بتحلم تدخل بهالأختصاصات)) فبهالحالة بطلع الزلمة متل صبي الحمام ايد من ورا وايد من قدام وبعد ماكان الأول بالبلد اللي هو عايش فيا صار ماعبطلعلو شي ببلدو وطبعا في على الكلام أمثلة كتيررررررر طيب ياسيدي بجي واحد بقلك خلي هالطالب يدرس البكالوريا بسوريا بعدو مابنقصولو شي طبعا بمعلوم الجميع انو المنهاج عنا بسوريا من اقوى المناهج بالوطن العربي وطبعا هلأ واحد متل حالتي عبدرس بقطر فالمنهاج هوووووون بقطر مهما كان صعب فهو ارحم ب60 مرة من المنهاج الدراسي بسوريا وكل اللي كانو عايشين بالخليج بيشهدوا بهالشي وطبعا انا بالمنهاج هوووون بقطر مالي مجمع وشوية تانية بنضرب فيو فمبالكون اذا جيت درست في سوريا فأنا متأكد مية بالمية اني بدا تشد معي شي سنتين تلاتة على اقل تقدير وطبعا رح يجي واحد تاني يقلي طيب ياسيدي خلي بالبلد اللي انت فيا ودروس الجامعة فيا وريح بالك هو اقتراح كويس بس متل مابتعرفوا الدراسة بدول الخليج لغير المواطنين بمصاري يعني مو ببلاش وبكونوا المبالغ فيا من قلال يعني والظروف المادية ممكن ماتساعد الواحد انو يدفع اقساط سنوية مكلفة شوي اللهم الا بحالة واحدة اذا جبت معدل عاااااااااالي كتير فبهالحالة بدللوك كتيررررررررررررر وبيعطوك منحة للدراسة مجانا وكمان ممكن يبعتووووك بعثة لبرات البلد وبتكيف وطبعا هادا الشي ضرب من المستحيل بالنسبة لمحسوبكن :p لانو انا بالعاشر مالي مظبط فبدي ظبط بالباكلوريا وطبعا هي المشكلة اللي طرحتا هلأ مشكلة بعاني منا كتيرررررررررررررر من الطلاب السوريين اللي عبيدرسوا برات سوريا وانا واحد منن بقى ورجونا شو رأيكن بهالمشكلة اللي عويصة وبركي منستفيد منكن شوي فتأمل يا رعاك الله ولا تواخذونا على الأطالة :D ومية وردة للجميع |
متل مشكلتي :cry: :cry: :cry:
انا كمان بكلوريا وبدي ادرس بالشام يعني حرام جيب بال90 صير بال 80 قولولي شو اعمل :melody: |
اقتباس:
اي والله عنجد شي بحير كتيرررررر وكتير من الطلاب السوريين اللي هوووون بعانو من المشكلة حتى الحكيكة اللي معدلاتو فوق ال 95% |
مرحبا
اتركوها لله بهالقصة الله وكيلكن انا درست التاسع بالشام وجبت 250 وصارت ظروف وطلعت عالسعودية وجبت بالبكالوريا هون 98 من مية نزلت على هالشام مشان شوف شو بيطلعلي ( كتير واثقة من حالي ) قال ما بيطلعلي شي وهي انا عم ادرس بالسعودية كمبيوتر وماشي حالي هو صحيح مصروف بس شو بدنا نعمل |
المعدلات بسوريا عالية لانو اعداد الطلاب اللي عم تتخرج كل سنة من البكلوريا عم تكون كبيرة وازا كل واحد جاب معدل ماشي حالو ...بيروح بوشو على الطب والصيدلة والهندسة وبيترك بقية الفروعة اللي بتكون اكيد منيحة بس برستيجا مابيسمحلو انو يدرس فيا
مشان هيك الوزارة بترفع العلامات مشان يصير في توازن بين كل الفروع وكل التخصصات هلئ هنن صحي بيرفعو المعدل كتير بالنسبة للي عم يدرس بسوريا وبيخصمو 10% بالنسبة للي جاي من برا سوريا ..بس بالمقابل في بديل واللي هو التعليم الموازي ..نفس التخصص بتدرسو بنفس الجامعة اللي عم يدرس فيا رفيقك ببلاش ولكن بمبلغ من المال وهالمبلغ بعتقد بيكون قليل وماالو كتير كبير وخاصة ازا بدك تقارنو بالتعليم بالجامعات اللي بدول الخليج في حل تاني واللي هو التعليم المفتوح ...كمان بتدرس فيا تخصصات حلوة وبمبالغ قليلة ومالها كتير مكلفة والشغلة التالتة اللي صارت هلئ جديد بسوريا وكتير عم تنتشر اللي هي الجامعات الخاصة ... متل جامعة المأمون بحلب والقيروان بالشام والجامعة الاوروبية كمان بالشام وغيرا كتير بس ماكلن بعرفن باختصار ...الله بيسكرا من باب بيفتحا من باب تاني وكل اللي عليك تشد الهمة وتجيب معدل عالي ترفع راسنا فيه سلاااااااااااااام |
اقتباس:
بس مو كل الناس معا تحط هالمصروف |
اقتباس:
حلوووووووووة هي تبعت التعليم الموازي بس يعني بالمحصلة كلوووووووووووووو بدو دفع مصاري اما بالنسبة للجامعات الحكومية فرح ضل المشكلة متل ماهي :D :D :D |
معك حق مو الكل بيقدر
الله يوفق الكل يارب بصراحة هي مشكلة كبيرة للشباب والصبايا وياريت لو يلتقى شي حل |
انا لسا صغير وما بعرف شي والحمد لله :p
|
هههههههههه يعني أديش عمرك؟
حييجي يوم وتفوت عالجامعة محا تضل صغير |
العمىىىىىىىى :shock: :shock:
راحت فرصة الدراسه بسوريا :cry: :cry: :cry: :cry: :cry: :cry: :cry: :cry: :cry: :cry: ولك حسن :cry: :cry: :cry: :cry: |
اقتباس:
اوووووووووووووووووف ليش بقى على ماأتوقع هادا الكلام بس على الطلاب اللي بالخليج اللي بفلسطين والأردن على ما أظن على ما أظن مابنطبق عليهن هالكلام والله اعلم |
اقتباس:
يا ريت ما ينطبق عليهم :cry: |
أكيد ما بتطبق علينا
يعني هيني جبت السنة بالبكالوريا 97 والحمد لله بس لما جيت أقدم اني أدرس في جامعة دمشق حكولي معدلك كتير كويس وحتى بيأهلك تاخد منحة بس في طلب صغير أنا كيفت الا هو هادا الطلب الصغير انه لازم أدفع حق الطلب 9000 دولار!!!! يعني لا تتعب حالك عيون ما رحنقدر على الدراسة هونيك!!!! |
حبيب قلبي حسن هي المشكل محلوله من زمان بس بدا شويه مصاري يلي بخلص بكلوريا خارج سوريا قدامو 4حلول 1.ان يدخل في الحامعات الحكومه بخصم 10% (بعرف هادا مو حل) 2.ان يدخل ما يسمى "التعليم الموازي" وه ان يقوم الطالب بدفع مبلغ مالي بالتالي تبقى النسبه كما هي 3.ان يدخل الجامعات الخاصه والتي تستقبل جميع النسب تقريبا 4.ان يجرب في البعثات وهو ان يذهب للخارج للتعليم بدفع مبلغ رمزي للجامعه أخوكم : أبووديع |
سمعان محمد
بسيطة بس 900 دولار على فكرة انا اول مرة بسمع بهالشغلة |
اقتباس:
انا اكتر الشي عجبني التعليم الموازي وأحلى اب وديع الموضوع نور بوجودك ياغالي :D |
اقتباس:
|
| الساعة بإيدك هلق يا سيدي 06:15 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون