أخوية - بدون عنوان

هاااااااااي

حبيت حط شوية أرقام قياسية قريت عنها
أطول امرأة
لسه عم تتنفس(يعني عايشة)اسما زينغ جينليان صينية وعمرها 42 سنة أما طولها فهو 240 سم بس
طيب أقصر امرأة
هاي كمان صينية واسما تشو هاي عمرها 19 سنة وطولها 79 سم
أما وزنها 10 كيلوغرام........مكترة ما؟
أما بالنسبة للوزن التقيل
أتقل النسوان في العالم هي امريكية اسمها بيرسي بيرل أما وزنها فهو.................362 كيلو بس
أما أخف وحدة
لوسيا زاريت وهي مكسيكية أما وزنها فقد بلغ 6 كيلو في عمر العشرين وعطتكون عمرا بعمر ال26(أنا بقول أنو ماتت من الجوع)
ولما منجي عالسجن..............قصدي القفص الدهبي منلاقي أنو أطول زواج بالعالم تم لمدة 87 سنة فقط لا غير بين تنين هنود(ما بدي قول أسماؤن لأنو صعبة)
المهم هالزواج انتهى بعد ما أرتحمت الزوجة عن عمر 101 سنة وتركت المسكين زوجها مع 3 ولاد و4 بنات و15 حفيد ومدري كم واحد من أولاد الأحفاد
أما أقصر زواج تم لمدة 90 دقيقة
والعروسين السعيدين انجليز بعد ما تزوجوا راحوا على حانة وسكروا هونيك.... قامت العروس بلشت تضرب العريس بالنفاضة والتاني ما سكتلها ....حمل علاقة الجواكيت ونزل فيا
وبعدين خلصت القصة عند الشرطة وكل واحد رجع عبيتو

طيب بتعرفوا مين هيي المرأة اللي جابت أكتر عدد من الفصاعين.....قصدي الأطفال؟
وحدة روسية جابت 69 ولد و ولدت 27 مرة منون 16 مرة توأمين و7 مرات 3 توائم و4 مرات 4 توائم لأ وكل هالشي و أجهضت 27 مرة
أي شو صاير بالدنيي!!!!!!!!!!!!
أما أئل عدد فما في داعي أذكروا لأنو يمكن ها يمكن بتعرفوه
أما أكبر أم بالعالم
فهي امريكية اسمها روث كيستلر وجابت بنت لما كان عمرها 57 سنة وأربع شهور
وأصغر أم بالدنيي(مستحيل تصدئوها لأنو أنا نفسي ما صدئتا)
الطفلة البيروفية لينا ميدينا وجابت ولد لما كان عمرها............. 5 سنين و 7 شهور!!!!!!!!!!!!
ما بعرف إزا كان كل شي مر صح
بس بتوقع 99,99 % يكون مزبوط

يا ريت ما تكونوا مليتو من اللت و العجن
وإزا مليتو سامحوني
سلاااااااااااااام