|
اسئلة التلفزيون شي بسمّ البدن
ليش مذيعاتنا دائما عندون نفس الأسئلة؟؟
ليش كل الشعب حفظان شو هي الأسئلة؟؟ ليش ما بتتغير هالأسئلة؟؟ يعني المذيعة بتروح على شي حديقة أو شي مطرح متجمعين فيه الأولاد الصغار بالعيد و بتهجم.....وبتبلش بالأسئلة الفذة تبعونها اشتريت لبس جديد على العيد حبيبي؟؟؟ يعني شوبتتوقع يقولها؟؟ لأ...ما اشتريت لبس جديد....هادول سرقة من على حبل الغسيل تبع الجيران ولا ولا بتتوقع يقولها... أخدت لبس أخي الكبير تبع السنة الماضية ولبستو...؟؟ طيب بركي فعلا كان في ولد هيك وضعو....ليش حتى تسألووتكسرلو نفسيتو قدام بقية الأولاد شو بتشتري بالعيد...شوكولاته وأكلات طيبة؟؟ لاوالله...على العيد بشتري 10 غرام حشيش...وبنقعد نصطهج فيون أنا ورفقاتي.....وبعدين بنأرجل....وبناخدلنا كاسين يعني الولد الصغير شو بيحب يشتري وياكل؟؟مجدرة ولا عدس بحامض؟؟ شو بتعمل بالعيد احكيلناحبيبي....بتلعب بالمراجيح؟؟ لأ أبدا...مابقرب صوب المراجيح....بالعيد بروح بلعب مصارعة رومانية...وشوية تايكواندو.... بتلعب مع أصحابك بالعيد؟؟ أعوذ بالله...شو مع أصحابي...أبدا...بنزل بلعب مع شوفيرية التكاسي والزعران... مع مين بتحب تروح بالعيد؟؟ مع ماما ولا بابا؟؟ الله ياخد الـ 2....الـ 2 أسئل من بعضون....مابينطاقو.... احكيلنا ...وين بتروحوبالعيد إنت ورفقاتك... حبيبي....؟ ما بدها سؤال...على الكباريه...لترين عرق.... 4 رقاصات .....2 على اليمين و2 على اليسار.... طيب مذيعاتنا المهمات...ما ملاحظين كيف الولد بيتلعثم...وبيتلبك...وما عبيعرف يحكي...ومابدو يحكي....وبلشت تشط ريالتو من العبطة...وما بيطلع صوتو....وما بيحكي شي....؟؟؟ هالمذيعة الحنونة هاي....ما بيطلع من خاطرها تترك الولد بحالو؟؟ ما بتلاحظ إنو الولد ما بدويحكي....؟؟ لك اتركيه بحالو.... ما بتلاحظ المسكين قديش انعبط ومتدايق وعلى شوي راح يبكي بدو ماما...نزعتلو العيد وأبو العيد....إي شو هالحنية الزايدةهاي؟؟ يلعن ديبون عهالاسئلة يلي بتعمل نخر بالدماغ |
مشكورة والله يعطيكي العافية
:D :D |
اقتباس:
:o :o :o eh wallah metel FATENA MUHAMAD... AKRAH MUZE3A 3AL AREEED :yahoo: |
مشكورة والله يعطيكي العافية
|
ليش مشان الله قوليلي
في شي متل العالم بالتلفزيون السوري يعني غير برمضان ما بينحط لا عالقناة الاولى ولا عالتانية ولا حتى عالفضائية(لاحظي الخيارات الواسعة) يعني بتحطي عالأولى بتلاقي حاطين ارضنا الخضراء, بتقلبي عالتانية بتلاقي حاطين اخي العامل, ابتقلبي عالفضائية بتلاقي حاطين ابن خالتي الموظف....... وخود على برامج بتشهي ودعايات احلى واحلى |
شكرا للكل عالمرور :D :D
و نسيت اذاعة الشام (مشان تكمل الخيارات):lol: |
هههههههههههههههههههههههههههههههههههههههههههههههههه ههههههههههه
|
لك بزمتي فشيتولي قهريييييييييييي
|
انا وقت حطيت هادا الموضوع قالولي مكرر :lol:
بس في شغلة اسمها ثوابت وطنية و هاي اللي ذكرتيها وحدة منهن |
| الساعة بإيدك هلق يا سيدي 22:32 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون