|
الخيـــــــــــــــــــــ ــانة - دعوة للنقاش!!
يمكن شوي عم كتر عليكم في النقاش بالمواضيع الحساسة ولكن هذا هو طبعي.. احب هذه النقاشات لأنها اقرب ما تكون الى الحقيقة.. وتفيدنا جميعا ما اذا وقعنا في فخ الحياة.. وانا كعضوة في اخوية احب ان اقرأ وجهات النظر والاراء المختلفة حتى اوسع افقي الى ابعد الحدود فاتعلم واناقش مواضيع ربما قد تفيدني في المستقبل!! الموضوع القادم هو موضوع عانيت منه شخصيا.. وانا متأكدة انه يوجد اعضاء غيري عانوا منه. لذلك اتمنى من الجميع المشاركة.. لأنه بردودكم يمكن رح تساعدوني كتير.. الخيـــــــــــــــــــــــــــانـــــــــه هي اقسى نزف للمشاعر واقسى الآم القلب و اعظم حالة يأس يعيشها الانسان الخيانه هي بصوره مبسطه ان تمنح من تحب الثقه الكامله بكل شي وهو يبايعك بها لكن في يوم تكتشف انه بعيد كل البعد عن تلك المبايعه التي بايعها لاجلك تخلى عن كلمته امامك خانك وجرح مشاعرك ربما لايدري او الكثيرين يكونوا متعمدين ولا يهمهم الامر وكأن شيئ لم يكن الخيانه لها اشكال كثيره والاَمها عديده و متنوعه بعضها ربما تستطيع ان تنساها بمرور الايام والبعض استحاله ان تفكر فقط بنسيانها .. !! لانها تكون عظيمه جدا وانا لا اتحدث فقط عن خيانة حبيب لحبيبته او زوج لزوجته... فبكل تاكيد هناك العلاقة بين الصديق وصديقه حين يخونه صديقه ويغدر به في اي امر يتعلق بالوفاء اخوتي كلنا مدعويين هنا لنتحدث عن الخيانه وما هي وجه نظر كل منكم.......؟؟ وهل احدكم وقع في شركها .......؟؟ وما هي انطباعاتكم التي رسمت لكم...؟؟ واذا اكتشفت خيانه من تحب سواء كان حبيب, زوج, صديق.. ماذا تفعل؟؟ هل تسامحه....؟؟ هل تنتقم منه.....؟؟ هل تنفصل عنه....؟؟ |
لدى قناعة تامة بان ليس كل الذين يخونون لايحبون ولاكل الذين يحبون لايخونون فالبعض يخون برغم الحب والبعض يحب برغمالخيانة اسألوا الذين خانوا مااااااااااااااااااذا خسروا حين خانوا؟؟؟؟ |
الخيانة
أيه بالمختصر (قبل أن يتذوق الناس طعم الخيانة كنت قد شبعت من كأسها المر) :( |
أيه ملاحظة معليش لو تقبليها مني
أنتي المواضيع تبعك حلوة وبتجي عالوجع بس معليش تاني مرة لما تحطي موضوع ساويه بلأسود لأنوعيوني صارو يزوغلو |
خيانة الحبيب او الحبيبه يمكن تنتسى لانه بجوز الانتقام يهون عليك
بس اصعب شي لما يكون الخاين اخوك او صديق الطفوله بهاي الحاله حتى الانتقام ما بنسي صدقوني :( |
اقتباس:
بس انا كل كتاباتي بهاد اللون عشان كون مميزة :yahoo: .. ميرسي على ردك.. واذا بتتكرم علينا باجابات على كل الاسئلة يلي طرحتها ..:D |
اقتباس:
لأنه ما في حب زي حب الحبيب لحبيبه. ويمكن هذا النوع من الحب بخلي الانسان يتأمل اكتر فالصدمة رح تكون اكبر.. مشكورة على المرور..:D |
أنتي تابعي هيك وبتكوني مميزة :lol:
|
اقتباس:
:o :o :o :o :o ميرسي... كلك ذوق...:D |
شكرا ليدي ان ريد على الموضوع المميز متل باقي مواضيعك :D
وانا عارف ان رايي مارح يعجبك لانو عندي قناعة انو مادمت مالي متزوج ف علاقاتي مع الجنس الحلو اللطيف الها حدود يعني كلو تمام بس اني اتحكم فيها او تتحكم فيي هيدا الحكي ما الو مجال منبقى صحاب و حباب واحلى من هيك مافي بس اني ما احكي مع غيرها او ما تحكي مع غيري فهاد مو حقي ولا حقها مادمنا مو مرتبطين عارف رايي غريب و يمكن ما تعتبروه حب او تعتبروني مابغار و ديوث بس صدقوا الموضوع مو هيك انا ما بحب وصل حالي لمرحلة فيها حل نهائي مع حدا .. ف ما بحط حالي قدام قضية خيانة الحبيبة لانها ماعرفت اصلا انها حبيبة انما هي من اعز الاصدقاء.. والصداقة بتدوم اطول من الحب هاد رايي وحبيت شارك فيه شكرا |
اقتباس:
:shock: :shock: :shock: :shock: :shock: :shock: :shock: :shock: :shock: لكان الله يعينها يلي بدها ترتبط فيك :o !! على كل حال مشكور عالمرور.. |
ليش الله يعينها؟؟
:shock: |
بشكرك ليدي على موضوعك الجميل يمكن مكرر لكن انتي عم تتطرحيه من زاوية اخرى غير يلي تناقشنا فيها قبل هيك
لذلك بعتقد انو راح نشوف وجهات نظر مختلفة هون قبل ما علق على الموضوع راح قول رائي بكلام Odell يلي انتي استغربتي منه يمكن وجهة نظر غريبة يلي طرحها بكلامه لكن بعتقد انها بتثمل قمة القوة انو انا اتحكم بمشاعري لدرجة تعطيني من القوة ما يجعلني اناى بنفسي عن اي علاقة حب وارتباط خصوصا انو عم نعيش بزمن افتقد كل معاني الاخلاص والتسامح والمحبة لكن بالرغم من ذلك اعتقد انو من المستحيل ان يستطيع الانسان يتحكم بمشاعره بدرجة يجعله متحكما بها بالريموت كونترول وقت ما بدو يحب بيحب ووقت ما بدو ما يحب ما بيحب لذلك بعتقد انو اخي العزيزOdell بعده لما يلتقي بالانسانة التي تستطيع ان تجبره رغم انفه ان يحبها ويسعد لساعدتها ويشقى لشقائها وقتها راح يكون رائيه مغير طبعا هلاء نرجع لموضوعك ليدي الخيانة متل ما حكيتي ما بتقتصر على علاقة الحبيب بحبيبته بل بتتعداها لتشمل كل العلاقات الانسانية و يمكن في شغلى غريبة لفتت نظري في موضوع الخيانة على اعتبار انو الاصل بالعلاقات هو الحب والاخلاص والاستثناء على الاصل هو الخيانة هذا يلي احنا فاهمينه بالحياة لكن في سوال محيرني شوي اول حادثة خيانة بالتاريخ كانت لما هابيل خان اخوه قابيل يلي بدي قوله هون وقت هابيل وقابيل ما كان في حب او بالاحرى لم يكن الحب قد وصل لمرحلة من الرقي كما نعيشه الان بل كان الحب لا يجمع في مفهومه سوى الشهوة المادية للمراة وبالرغم من ذلك خان الاخ اخاه ما قصدته هنا ان الخيانة ليست استثناء على الاصل بل ان الاصل في الانسان الخيانة لان الخيانة سبقت في الظهور المفهوم الراقي للحب قد اكون مخطئا بطرحي هذا ولكني بدات اشعر ان الخيانة هي فطرة جبل عليها الانسان لا يمكن ان نجد انسان واحد دونما خيانة فجميعنا خنا اشخاصا او اشياء واو افكار او مبادئ قد تختلف الدرجات بين خيانة يمكن ان تغتفر واخرى من الصعب غفرانها او نسيانها ولكنها كلها تجتمع في بوتقة واحد تحت مسمى واحد وهو القذارة التي يحمل منها الانسان الكثير لدي كلام كثير في هذا الموضوع ولكن ساجعله في عدة مشاركات ليكون كلامنا اقرب للحوار منه للتنظير اشكرك ليدي على موضوعك الجميل :D |
اول ششي يسلمووووووو على مواضيعك الروعه
تاني شي الخيانه طبع ولد مع وللادة البشرية شي موجود في كل انسان في كل حي لكن بيختلف بالمقدار من شخص لاخر ولا يظهر عند الجميع ممكن يكون صاحبك من اعز الناس عليك وانت شايفه هيك ومن ضهرك غيرك لذلك ما بنقر نقول عنه خائن لكن ممكن نقول عنه مفرط في الخيانه وسلام Mu$b@hO |
أمر صعب لما تعطي الشخص ثقتك الكاملة فيه وبعدين يخونك
والخيانة ما بتكون بس للحبيب ممكن تكون للأخ أو الصديق أو الوطن :( |
اقتباس:
مو قصدي يلي بدا ترتبط فيك وتتزوجك.. قصدي علاقات مع الجنس اللطيف..لأني انا شخصيا ما بحب هذا النوع من العلاقات..بتكون مبنية على تكييف الذات وليس على الحب الطاهر... واذا ما بتقدر تمون عليك بهيك اشياء فهذا معناته انك ما بتغار عليها ولا هي عليك..وما في اي هدف لعلاقتكن..:pos: :pos: |
اقتباس:
ايه..ويا ريت هالخيانة تطلع من حياتنا للأبد...لأنه هي اكبر جرح ممكن يتعرضله الانسان.. ميرسي على مرورك :D |
اقتباس:
وانا شخصيا مستحيل ان اخون شخصا...بالنسبة الي الصراحة عندي مبدأ وبدونها صعب اعيش..لهيك ما بتخيل حالي شي مرة خاينة حدا.. على كل حال مشكور على مرورك بالموضوع.. نورتنا..:D |
| الساعة بإيدك هلق يا سيدي 03:37 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون