|
عادات فلسطينية
أنا فلسطيني من جنين و بتمنى عاداتنا تعجب الاخوان في سوريا عادات عربية إذا صار عندنا عرس .... بنزمر إذا نجحلنا حدا بالتوجيهي ....... بنزمر قبل ما تفتح الإشارة الضوئية ... بنزمر بعد ما تفتح الإشارة ......كمان بنزمر على الدوار وعلى الكوربة على النزلة على الطلعة .... كمان بنزمر إذا طول علينا الشرطي وهو موقفنا .... مشان نذكره بنزمر أما إذا حد كسر علينا بالغلط أو بالقصد ..... أكيد بنزمر أما اللي بتوقف سيارته قدامنا عطلانه ....... مش مشكلتنا بنزمر إذا طالعين من شارع فرعي لرئيسي بالليل أو بالنهار بنزمر ويا عيني على سيارة الغاز ..... فاضي ملان بنزمر وإذا عجبتنا بنت ماشية بالشارع اوووووووووووووووه بنزمررررررر وإذا شفنا أبو فلان بالشارع وحبينا نقله مرحبا .............. بنزمر ولو قرر واحد منا يخفف عشان يمرر أحد المشاه .... كل اللي وراه بيزمر ويا حبيبي إذا فاز أحد المعجبين فيه أو فيها بالسوبر ستار أو ستار أكاديمي ......بنطلع كلنا وبنزمر وطبعا" اذا فاز المنتخب بنطلع ......... نزمر لا أظن إنها ظاهرة اليس كذلك ؟ لكن المفارقة هو انه اذا ارتفعت الأسعار كالوقود وإذا ارتفعت الضرائب وإذا زادت رواتب الكبار وبقيت على حالها رواتب الصغار وإذا زاد معدل البطالة مع وفود عماله .. اذا حصل كل هادا أو اكثر العجيب انه فجأة ما بطلعلنا صوت ولا .............. بنزمر |
:clap:
مشكور سيدي بس نسيت التزمير لما يفوز برشلونة ولاّ منتخب ايطاليا برضو بنزمر ونحنا مالنا دخل |
من أدب ساخر
|
مشكور أخي
والله هادا الحال عندي وعندك وعند الكل!!!!!!! :pos: |
والله مش بس عندنا بفلسطييين حرام عليك عند الكل
بس برضو مشكووووووووووور لانه واقع ويا ريت نقدر نغيره ال زموور ال:p |
| الساعة بإيدك هلق يا سيدي 22:15 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون