|
ظاهرة تستحق الوقوف عندها
:clap:
حاسة كل الناس رح تفوت وهيي متوقعة شي موضوع مهم كتير للصراحة هوي موضوع مهم وخطير بالاخوية هاد الموضوع ياسادة ياكرام هوي ظاهرة التطبيق بالاخوية يعني بيسجل شب او صبية والهدف الوحيد انو يطبقو شي حدا من الجنس الاخر وبس يشوفو شي اسم بيوحي انو هاد من الجنس الاخر بيبلشو يلاحقوه بكل المواضيع بغض النظر عن اهمية الموضوع وبيبلشو يتشكروه ويمدحو فيه وكتير اوقات بيطلعو عن الموضوع الرئيسي بس كرمال الغزل يعني بيكونو خربو الموضوع وطلعوه عن السياق المطلوب والاحلى من هيك وباعتبار انو انا اسمي واضح اني انثى بقى كل كم يوم بتكون جايتني رسالة من شخص يادوب عندو مشاركتين تلاتة واحيانا ولامشاركة (يعني انو هوي مابيعرف انا شو كاتبة بالاخوية ولاشو افكاري ولاشي عني وانا كمان مستحيل كون اعرف اي شي عن افكارو) المهم بيبعت كم بيت شعر وعالاغلب لاطشون من شي محل ومن شي حدا وبعدين بيطلب ايميلي:shock: هلأ رح يجي تايغر ويقلي مو محل الموضوع هون..... وبصراحة انا بعرف مو محلو هون بس بتمنى من تايغر يتركو هون بالقليلة كم يوم وبعدين اذا بدك تايغر نقلو واعطيني تنبيه ...... بس بترجاك تركو كم يوم لانو حابة بعض رواد الصالون ( الطبيقة) الاعزاء يقرأوه ويشوفو انو عم يخربو بعض المواضيع الجدية كرمال الغزل واللي اكيد الاخوية مو بيت الو....... واللي بدو يطبق ويتغزل مافي اكتر من مواقع التطبيق يروح يسجل فيها وهونيك بيشوف الجنة المنشودة:sosweet: ودمتم للحب والغزل:hart: في اماكنها وليس في الاخوية:jakoush: |
الحل بسيط جدا
وعبقري كي نخلص من الحبيبه في الصالون نقوم بانشاء قسم للحبيبه متفرع عن الصالون :o |
اقتباس:
بس مابتحل المشكلة لانو الحبيبة (الله يديم الحب) عم يفوتو على اي موضوع ويحبو ويعشقو ويتغزلو فيه:pos: وبيكون الموضوع طلع عن فكرتو :cry: |
اقتباس:
واللي يغلط في موضوع مره واحده بس ويحب فيه نبلغ تقرير مشاركه عاطله ويرميه المشرف على معتقل الحبيبه (لعلمك اللي بيدخل المعتقل ما بيقدر يرد غير فيه ) مشان الاخويه انا مستعد اجرب التجربه على نفسي واذا ما عندك اعتراض نروح معتقل الحبيبه سوا لمدة 24 ساعه :sosweet: طبعا مشان الاخويه ما تفهميني غلط :lol: |
اقتباس:
وجب عليك العقاب الاخوي وهوي وضعك في المعتقل الحبيب ولكن في معتقل انفرادي ولمدة خمس عشر الف شهر :p |
اي والله معك حق كتير عم تصير هالايام
|
اقتباس:
كلامك 100% اول شي بدي اشكرك على الموضوع وشغلة تانية انو التطبيق صاير عينك كنت عينك يعني على عينك يا تاجر والشغلة المهمة انو من شي 3 شهور كنت عم احكي مع شبين من اخوية واقترحنا انو ينفتح منتدى جديد مشان هيك امور يعني مشان انو اذا حدا بدو يطبق حدا يروح لهنيك ماينزع بقية المواضيع وعلى اساس واحد من الشباب يتولى هالموضوع ويوصلو للأدارة بس هلئ مافيني قول مين هو :lol: والشغلة التانية يلي صرلها فترة كمان عم تصير بأخوية هو الخروج الكلي عن اي موضوع يعني بيدخلو 2 او اكتر على شي موضوع ووبلشو يسلمو على بعض او يتعارفو على بعض او يوصو بعض على شي 2 كغ خيار وبندورة وشي كاسة شاي من ععندك يعني هالشغلات والله مو حلوة غريبة والله غريبة وخاصة اذا كان موضوع جيد تحياتي :D بس مو محاولة تطبيق ;-) :p :lol: |
اقتباس:
مشان الاخويه وافقي بس مشان نضرب للاعضاء المثل والقدوه اذا بتحبي الاخويه وافقي :lol: مستقبل الاخويه بين ايديكي :D |
عزيزتي مرحبا
كلامك في شيء من الصحة بس مانو كلام دقيق :cry: وين مابتفوتي وبتروحي راح تلاقي الظاهرة ياللي عم تحكي عنها ;-) و ما ضروري لما يفوت شب لخاطرة او سطر لبنت ويشحعها بكون معناها انو عم يطبق:jakoush: اكتر من الشباب والبنات بالشوارع للتطبيق مافي;-) وصدقيني شغلة مش مشكلة هالقد متل ما مفكرة انت وتحية لغيرتك على البنات والشباب بنفس الوقت:D واتمنى ما تفهيميني غلط او تزعلى مني :( |
يعني بالنسبة لإصة (التطبيق)... شايفة إنه بالفعل مكانا مو هون!! أنا بشوف إنه حلوة العلاقات يللي عم تصير نتيجة طرح لأفكار معينة ومناقشتا من العقل للعقل وإبداء الآراء في المنتدى.. هي الشغلة بتخلي العلاقات تقوم على الإحترام المتبادل الهادف إلى إنه نساعد بعضنا وأت الحاجة ونسمع بعضنا لمن ما يكون في حدن يسمعلنا....يعني علاقة أخوية وصحبة محترمة...
هيك بشوف لازم يكون الوضع...لإنه ما حلو يتحول الموقع لموقع تطبيق!! بيفئد معناه وجازبيته!:cry: بأيدك يا إمرأة من ورق... تحياتي:D |
تحيا المواضيع المنفتحة هههه أحلى تطبيق والله :lol: :lol: :lol:
|
اقتباس:
|
اقتباس:
اقتباس:
اهلين فلاش باك :D |
اقتباس:
|
اقتباس:
انا مو قصدي انو اي حديث بين شب وبنت بالمنتدى تحول لتطبيق بالعكس بتشوف انو عم يصير حوارات كتير حلوة بين الشباب والبنات ومابتحمل اي شي من هيك..... واكيد كمان بعض المجاملات والتشجيع مابيفوت باطار التطبيق...... بس المشكلة لما بيكون شي عضو او عضوة بالمنتدى ماالون هم غير يلاقو طريقة للحركشة بالجنس الاخر وبيصيرو يفوتو عالمواضيع بس بهاد الغرض بيقومو بيخربو الحوار اللي عم يصير بالموضوع وبيطلعو عن الموضوع من اصلو :cry: |
اقتباس:
|
اقتباس:
عجبتك هاي؟؟ :lol: :D |
اقتباس:
اليكي هالبيت الشعري عشقتُ من جمالِ الاحساسِ الاشعارِ فوجدت نفسي اعشق الورق والاحبار وفجأه خرجت امرأه من الأوراقِ فتناثر الضياءَ والهب اشواقي |
| الساعة بإيدك هلق يا سيدي 05:08 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون