|
الفرق بينك وبين ابوك؟؟؟(تكملة بناء على الطلب)
اذا عرف ابوك انك تدخن اذن انت شاب عاطل وصايع ولا تهتم بصحتك....اما اذا هو يدخن فالدخان وسيلة للتنفيس عن ضغط العمل و التوتر
اذا طولت بالسهرة بالليل اذن انت صايع ومو سائل عن اهلك وعندك صحابك وكيفك اهم من البيت....اما اذا هوة سهر بالليل فهوة كان باجتماع وعشاء عمل وراجع تعبان من السهر(الشغل)!!!! اذا مسكت ريموت التلفزيون وصرت تئلب بالقنوات لبين ما تقرر شو تشوف بعصب وبلعن ابو اليوم الي جاب فيه التلفزيون علبيت...اما اذا كان الريموت معو فبعصب عالتلفزيون انو ما فيه شي حلو يتفرج عليه!!!!! اذا كنت طالع بالسيارة وعملت حادث صغير-لا سمح الله- بعصب وبئلك انتا غير مسؤول و مو خرج تسوء سيارة وما بتعرف تسوء وعئلك مو معك...اما اذا هوة شطب السيارة فالحادث قضاء وقدر وهيك ربنا كاتب وهوة مو غلطان بس الشجرة طلعت ادامه فجأة!!!! ابهات اخر زمن!!!! |
اقتباس:
هالمرة ما بوافقك يعني عيب الأب يخاف على ابنه أكتر من خوفه على حاله؟ |
:o :o :o :o :o ذكرتيني بحالي هههههههههههههه انا شاب صايع ومو سائل على اهلي واهم شي عندي رفئاتي هيك بيئول بابا :pos: شكرا فوفو :D |
اقتباس:
لا مو عيب بس لازم يكون قدوة ادام ابنه....لانه الابن بتعلم من الي بشوفو ادامه ولما يشوف ابوه بدخن مثلا راح يعتبر الدخان شي صح!!! |
اقتباس:
انا عرفت انك هيك وكرمالك حطيت الموضوع...:yahoo: |
اقتباس:
بس ما حدا كامل وكل مين فيو أخطاءوكل أب بحرص يورث خبرته لاولاده من دون ما يوقعوا بنفس الغلط;-) |
شكرا هيا عالمشاركة..
|
اقتباس:
اهااا ياعيني عليكي هادا الكلام الصحيح ;-) سمعتي ست هيووووووش :pos: |
اقتباس:
شبك فردت عضلاتك!!:gem: :gem: :gem: شوي شوي عالبنت ...ديمقراطية و هلأ هيوش بنقنعا معنا :):oops: |
اقتباس:
اي اكيد....بس لازم مشان يثبتلن انو غلط هاد الشي لازم يبطل يعملوا!!!! بعدين نحنا عم نحكي عن شباب مو اطفال فلازم يحكي ابنه ويقنعه مو يقمعه ويبهدله ويتسلط عليه!! مو الكل هيك بس نحنا عم نحكي عن الفئة العاطلة من الاباء ولا شو رايك هيوش؟ |
من الصعب على الاباء ان يقنعو ابنائهم بعدم التدخين وهم اول من يدخن امام ابنائهم
المفروض لما الاب بدو يمنع الطفل عن شي لازم هو يمتنع عنو اول شي ;-) |
اقتباس:
يا عيني عليك يا زكي انتا:adal: |
اقتباس:
ههههههه اه والله ابهات اخر زمن :notok: انا عارف !!!:-? ناس ما تختشيش :ok: |
هههههههههههههههه ضرسانه ولك فوفو :yahoo:
|
شي حلو والله صايرة عم تشتغلي منيح
مبروك التوقيع |
اقتباس:
بس ترد على أبوك بتحكي فهمان ولا:x :lala: :lala: :lala: |
اقتباس:
وصدقيني حتى لو بلش معه من الأول بأسلوب القمع فهاد لصالح الابن أولا وأخيرا ولكل أب أسلوبه يعني ممكن واحد باله طويل و فيه تاني عصبي وهيك و أنا معك انو فيه آباء مو منيحة بس شو ما كان الأب مستحيل يكره ابنه وأكيد بدو كل خير الو وأنا بحكي عن الوضع العادي يعني فيه عندك الالمجنون أو المدمن أو المريض نفسيا يعني هدول ممكن يكرهوا اولادن-بس البشر الطبيعي السوي بتمنى ابنه يصير أحسن منه;-) :D :D :D :D :D |
وانا كمان صار معي مبارح نفس الشي أبي طلع عل السيارة وصارت تنتع معه قام قال يمكن السيارة باردة بس لما تصير هالشغلة معي بصير مابفهم وخربتلو السيارة:?
|
| الساعة بإيدك هلق يا سيدي 12:17 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون