|
خطوة إلى الأمام.....أمممم؟؟؟
مرحبا يا جماعة، كلنا سمعنا مؤخرا إنو الرئيس بشار الأسد أصدر مرسوم تشريعي جديد بإنشاء سوق مالية في دمشق، يا ترى هل تعتبر هذه الخطوة نقطة إيجابية لصالح بشار؟؟؟؟ أم أسلوب جديد لزيادة أرصدة أشخاص معروفين و متنفذين في سورية؟؟؟؟؟؟ أم أنها ستحد من سيطرتهم على البلد و اهل البلد؟؟؟؟؟؟؟ يعني بالمحصلة هل ستكون هذه الخطوة هي فرصة بشار الأسد للانفتاح الاقتصادي؟؟؟؟؟؟؟مع العلم إنو أنصار الأسد كانوا دائما عميتحججوا إنو عميستنى فرصة مناسبة للقضاء على هالزمرة الفاسدة في المجتمع!!!!!!!!
طيب قبل ما تنعمل هيك سوق، يا ترى في إصلاحات داخلية في بلدي الحبيب تسهل فتح الشركات و تمنع احتكار بعض المتنفذين في سورية؟؟؟؟؟ هل يا ترى تأتي هذه الخطوة على خلفية تقرير لجنة التحقيق الدولية في اغتيال الحريري و الذي جاء مرطبا للأجواء السياسية المشحونة بين دمشق و واشنطن؟؟؟؟؟؟؟ يعني هالخطوة برأيكن مقدمة لإنهاء فكرة الحصار الاقتصادي اللي بدها تفرضو أميركا على سوريا؟؟؟؟؟؟؟؟ بعدين مو الأولى قبل فتح الأسواق المالية، إنو تنفتح أبواب السجون و المعتقلات السياسية و سجناء الرأي؟؟؟؟؟؟ بتمنى كل واحد يعبر عن رأيو بس يا ريت بدون تبجيل و تأليه للحزب و الثورة و القائد.....الخ لأن الموقع هادا مو وزارة أو قاعة بشي جامعة مشان نمسح جوخ من وراها. |
عفكرة و للمعلومات العامة، المرسوم طلع جديد، مبارح ذاعوه بالأخبار.
|
(تحديث 1/3)
|
بالنسبة للخطوة انا اعتبرها رائعة ولو انو هالخطوة كتير متأخرة بس بيعتر هذا الشيء ممتاز للانفتاح الاقتصادي في البلد لكن توجد عدة عوامل يجب الالتزام بها والا هرب المستثمرون باموالهم الى الدول المجاورة وانتشر الفساد
1- أن يسمح لجميع مواطني الجمهورية العربية السوربية بشراء الاسهم سواسية وان لايكون هنالك واسطات في امتلاك الاسهم وخصوصا اسهم الشركات الخدمية متل شركة الاتصالات وسيريا تل 2- ان تكون هناك شفافية ووضوح بالنسبة لارباح الشركات والاسهم يعني يكون في مراقبة على الاداء الاقتصادي والمحاسبي للشركات لأنه يمكن يخبوا عن المواطنين العاديين الربح الحقيقي من اجل الهوامير متل ماصار في بعض الدول الهامور : هو من يستولي على اكثر من نصف اسهم الشركة المطروحة ويمكن للهامور تدمير المستثمرين الصغار لذلك يجب اخذ الحيطة والحذر عند شراء الاسهم 3- انشاء شركات وساطة مالية : تكون مسؤولة عن اداء اسهم الشركة وتعطي المستثمرين الصورة الكلملة عن الاداء الاقتصادي والوسطاء يكونون مسؤولين عن بيع اسهم الشركة في السوق المالية " البورصة " مقابل عمولة بسيطة 4- انشاء شركة استشارية : تقوم باعطاء النصائح للمستثمر وخصوصا للمستثمر الصغير لان المستثمر الصغير معرض للخطر اكثر من الهامور 5- السماح بتنويع اسهم المحفظة الاستثمارية : يعني لايطلعولنا قوانين تلزم المستثمر ان يشترى اسهم شركة واحدة فقط 6- منع الواسطات والرشاوي والاحتكارات لأنها تخرب السوق المالي وتخرب البيوت وتدمر الاقتصاد الوطني 7- عدم فرض ضرائب على الارباح الاستثمارية وارباح الاسهم لأنها تضعف رغبة المستثمرين بالاستثمار وخصوصا المستثمرين الاجانب وللحديث بقية .... |
ملاحظة : المستثمر الصغير تعبير يطلق على المستثمر الذي يملك اسهم ذات عائد مربحي بسيط بكميات بسيطة
وللحديث بقية .... |
شكرا كتير لردك مجود، و حقيقتا انا معك بكلشي إلتو، يعني إزا هالشروط بتتحقق بكون ممتاز، بس حسب القوانين الرأسمالية صعبة، يعني شغلة الشركات الوهمية اللي بدها تفتح و تضحك عصغار المستثمرين لازم تصير، و بكل سوق مالية بالعالم في هيك شي، و هون بيجي دور الشاطر و الذكي اللي بيحسبها صح و ما ببيع بمجرد ما نزلت الأسهم، يعني الواحد لازم يكون جريء شوي، أما مشان الرشاوي و الواسطات و المحسوبيات، فما بظن هاي الشغلة رح تلتغى، لأن حكومتنا إلها سوابق، وطول مافي ناس متنفذين بالحكومة و عمبحققوا أهداف التصحيح و الثورة و الحزب، فأكيد رح نشوف من هالحكي كتيييييييييييييير، و إنشالله كون غلطان.
و بكل الأحوال أنا عمإنتظر بقية الحديث سيدي.:D |
اقتباس:
واذا جماعتنا مابدهم يطورو انفسهم ويغيروا مبادئهم المعتة هذا ان وجدت لديهم مباديء فعلى سوريا والاقتصاد السوري السلام فعلا شيء غريب ومحزن ومخجل بلد متل سوريا عندو امكانيات واقتصاده منوع ولديه مصادر دخل متعددة سواء كان سياحة او صناعة او تجارة يكون فيها نسبة الاغنياء 6% من الشعب والفقراء نسبة 94 %:jakoush: :pos: ودمتم ...:D |
مشكورررررررررررررر حبيبنا
|
اقتباس:
فعلى المساهم ان يعرف اين يضع رأس ماله ويدرس الوضع بحذر وتأني وان ينوع محفظته الاستثمارية شيء آخر لازم تكون هيئة رقابة بالسوق من أجل مراقبة الشركات ومنع الشركات الوهمية من الضحك على المواطنين ومن دون هالهيئة المحايدة مابيمشي الحال بنوووووووووووووووووووب ودمتم...:D |
اقتباس:
|
اقتباس:
يعني مجبورين يعملواا بس الشي اللي بدنا يا انو هاي اللجني تشتغل صح |
هلا شباب منشان يكون في بورصة متل العالم والناس في مقومات كتيرة مو موجودة عنا :
متل المنظومة المصرفية الفعالة مو متل يلي عنا بيخاف الواحد يحمل دولار ليقومو يصادرولو يا وكمان لازم يكون في شركات صناعية كبيرة وفعالة مو علكة وبسكوت كمان لازم يكون في نظام رقابة مالية ومحاسبية محترم مو متل هيئة الرقابة والتفتيش تبعنا والافصاح والسرية المصرفية و الكفاءات المؤهلة والوعي المصرفي عند العامة و ................................. |
اقتباس:
بعدين هنالك أشياء ضرورية قبل فكرة السوق المالية . يعني مكافحة الفساد ........ بكافة أشكالة هي خطوات أساسية قبل السوق المالية. يعني ما فرحنا عنا سوق مالي ............... وعنا قوانين تحمي الحرامية. |
كمان في فكرة مجنونة عنا كمان
ممنوع إخراج الدولار خارج البلد طيب اذا مستثمر أجنبي أجا واستثمر بدو يخلي مصاريه بالبلد هيك أي من وين بدو يجينا مستثمرين من برا:cry: |
| الساعة بإيدك هلق يا سيدي 04:15 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون