|
مطار دمشق الدولي
مطار دمشق الدولي فهل يكون مرآة جميلة ام مرآة وسخة... فهل تكون بوابة دمشق بوابة جميلة أو بوابة سيئة. من فترة وجيزة ذهبت لا استقبل أحدى أقرباء في مطارنا مطار دمشق الدولي وكان وصول الطائرة على الساعة 3 على ما اذكر وكانت الشركة شركة ليتاليا فمطارنا يجب أن يكون مطار وليس مزبلة وأنا انتظر أتمشى إلى هونا وهناك وارى أوساخ على الأرض وهناك بعض الناس نائمين على المقاعد وشعرت بهذه اللحظة انه ليس بمطار ولا اعرف أن اصف شعوري هنا لأنه لا يوصف وأساس المطار مدمر والأوساخ والغبار في كل مكان. وكنت انتظر قريبي عند لوحة القادمون ونظرت لفوقي ورئيت أساس متساقط من السقف وبعد وقت قليل تجمع العالم في ألاماكن غير المخصصة للوقف يعني أدام باب القادمون من داخل المطار فهل هذا منطقي ؟؟ أساس عتيق واعتقد انه من وقت بناء المطار.. أوساخ في كل مكان... سجائر في الأرض وليس في مكانها المحدد.. شرطان كهرباء واقعة من السقف فهل هذا الشيء يجوز هذا المطار الذي تأتي إليه اشهر الوجوه السياسية فهل هذا يكون ترحيب بسوريا ... أين المسئولين عن هذا المطار؟؟؟ وأيضا هناك ظاهرة أخرى وهي كم تحمل من النقود عندما تريد السفر واذا كنت تحمل مبلغ كبير(مبلغ محرز) لا يتم خروج قبل ان تعطي الضباط أو المسئول هناك بعض النقود... فنحنا نستقبل الزائر أولا بالأوساخ وأخيرا بي دفع مبلغ مالي ....!! ونسال أنفسنا لماذا يذهب إلى لبنان فلننضر إلى مطار بيروت قبل التدمير.. ولننضر إلى مطارنا ونرى فرق واضح وقبل أن أنسى هناك بابا مغلق ومكتوب عليه صيانة اكثر من اربعة اشهر والسؤال الذي يراودني كم مليون يأخذون باليوم على جميع الرحلات ... طبعا العائد للقسم المختص للمطار.. لماذا لا نعالج المشكلة.. لماذا لا ننظف مطارنا... لماذا لا نحدث مطارنا .... وهذه المبالغة المدفوعة ستدر بإضعاف عند تصل إلى المطار وتنظر وتجد أن المطار نظيف ومكان مرتب وليس مملوء بالناس وهل هذا قياس أي مطار في أي دولة عربية أم فقط عندنا وتحية والسلام عليكم ورحمة الله وبركاته :jakoush: |
من الصالون ...
|
عفوا بس هالحكي بظن انو من زمان ...يعني وضع المطار كتير تحسن :?
|
اقتباس:
لا من زمان ولا من بطيخ المطار بيارف صراحة بحس حالي بساحة المطاعم واحلى شي السوق الحرة.......... شتان بين اللي عنا وتبع دبي مايسترو |
لأ كلو الا الكافيتيريا الموجودة جنب سوق الحرة الله يفضحون الكراسي معفنة و الطلبات قرف , بيصير الواحد يقرف من حالو , مرة وحدة اضطريت روح عالمطار قبل موعد الطيارة بسي 3 ساعات . اي قرفت حياتي و الله
بس مشان سوق الحرة عنجد نعمة و الله عاد منيح يللي صار عنا سوق حرة و أخيرا , لازم تبوسوا ايدكون وش و قفا |
اقتباس:
اي والله ......... لك يا عمي اخ خلينا ساكتين احسن مايسترو |
اي شباب هي الحقيقة وبس
|
انو هالشي من كم سنة دخلك ؟:? :shock:
|
اقتباس:
مايسترو |
صحيح أنو المطار صار أحسن من الاول بس هاد مو كافي
لازم التحسينات تكون أكتر من هيك بكتير :pos: |
أنا شفت أنو الشئ الوحيد الشغال تمام في المطار هو نظام المخابرات وكلاب النظام وجمعية الرشاوي يلي ما بتمشي دبانة الا لما تدفع! وكل واحد بتطلبوا المخابرات بالمطار رح يرجع ... بس بعد 30 سنة وعلى المقبرة دغري! شكرا للاخ نرفانو على هل موضوع الجميل |
اقتباس:
مزبوط مايسترو |
لقد سمعت بان هناك مشروع لبناء مبنى جديد على قيد التنفيذ
فان صح ذلك تكون المشكلة الاولى قد انحلت ولكن المشكلة الكبيرة هي من سيقوم بالاشراف وخدمة المطار هل سيستمر الوضع على حاله هل سيتم تعيين موظفين ومستخدمين على الاقل يتكلمون لغة اجنبية ويقومون بعملهم بدون انتظار وبيد مفتوحة دائما للبخشيش هل سيتم وضع عناصر امنية ويجب (وضع عناصر امنية )دون ان تقوم بالشحادة من كل قادم او مغادر وان يحافظوا على احترامهم لنفسهم قبل كل شئ وان ينسوا الجملتين التي يرددونها دائما( شو جبتلنا معك) و(شو بيطلع من خاطرك) وان يفهموا بانهم يهينون بلدهم العظيم وشعبهم معا بهذه التصرفات فكما قال البعض هنا المطار هو واجهة البلد فلنحترم بلدنا وشعبنا |
اقتباس:
لك ضحكتيني و انا ما نفسي اضحك انتي شو شفتي مطارات ،، ايه روحي شوفي مطار الكويت قمة من الترتيب والنظافة ولا مطار دبي الدولي لك تشتهي ما تطلعي من المطار يعني لو بدي اوصف بمطار دبي من هون لبكرى ما رح خلص يعني لدرجة حمامات مطار دبي لو حد دخل فيه بشتهي ما يطلع من الحمام من النظافة و الترتيب و الديكور ايه هاد حمام فا كيف المطار اما مطارنا مطار دمشق الدولي عبارة عن مزبلة ،،، ويمكن المزبلة انضف من هل المطار ان كان من زمان او هلأ ايه انا بشهر 8 نزلت على سورية وهل المرة نزلت بطيارة كنت بالعادة بسافر بسيارتي على سورية بس هل مرة نزلت مع صاحبي هو كويتي كان معي و عيونك لا تشوفي هل المطار بالمرة و نزلت معه ال بدي افرجيه سورية و حضارة سورية ايه تفشلت لما دخلنا المطار ،، يعني تمنيت تنشق الارض و تبلعني من هل الشوفات يلا شفناها ولأ غير هيك كلو الفسااد و الرشاوي و كل موظفي المطار رافعين مناخيرهم على شو ما بعرف على هل المطار يلي بقرف المفرووووض يكون مطار دمشق مطار تحكي عنوو السياح و يكون احلى مطار لانو هل المطار واجهت البلد بتمنى من كل البي انو يكون عنا مطار نرفع راسنا فيه و نفسي انو يعملو ترميم لمبنى المطاااار و يصير فعلا عنا مطار حضاري |
اقتباس:
شي خيلة.. يعني انا تمنيت اني ضلني فيه و اسكن فيه يعني اد مو حلو.. يعني كتير مهتمين فيه.. اما مطار دمشق... و ما ادراك ما مطار دمشق حالتو كتير تعبانة.. و يرثى له... اقتباس:
بعدين منيح اللي على المقاعد.. انا في مطارات نزلت عليها ترانزيت العالم نايمين على الارض فيها..!! يعني مادين شراشف و نايمين عادي كأنو ببيتهن..!! و منهن مطار دبي يعني .. اللي غني عن التعريف بأديش مرتبين فيه.. ع كل حال.. اللي منحسن نعملو.. انو نتمنى يتحسن وضع المطار.. |
| الساعة بإيدك هلق يا سيدي 04:02 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون