|
خاطرة اليوم مع القلب المنادي
بسم الله الرحمن الرحيــــــــم السلام عليكم ورحمة الله وبركاته اما بعد؛ <<< داخلة على خطبة جمعة المووووووووهم يا احلى اعضاء بمناسبة حلول شهر رمضان الكريم رح انزل كل يوم خاطرة نستفيد منها كلياتنا بهالمنتدى الرائع وهي اول خاطرة تحت عنوان "تعرف الى نفسك" قف مع نفسكـ ، تحدث اليها واسألها ، أطلق لفكرك العنان فيكـ ، تأمل وابحث في جنباتكـ ، تعرف على قدراتكـ ، ميز سلبياتكـ من ايجابياتكـ ، اعد الكرة مرات ومرات ، ستفرح تارة ، وتنزعج اخرى ، ستتفاجأ وتستهجـــن زربما تصرخ ..، عندئذ ستبدأ بتقويم نفسكـ ، لا تتوقف... بل ابدأ بالتطوير و النحت والتغيـر , جرب وحاول , ستفشــــل مرة وتنجح مرات , زلكن اعلم وانت في هذا الخضم انك تقترب بخطواتكـ من التميز والنجاح . انشالله تكون هالخاطرة عجبتكم واتكون بداية خير لسلسلة هالخواطر يلي رح اجيبها تحياتي لكم القلب المنادي |
عشتي
وبدنا هيك كم خاطرة من هدول اللي بحبن هيك يعني ((ليش كل مايتمنى المرء يدركه..........الخ)) وهيك شغلات يعني وعمنستنى القادم :D |
مشكورة بس اذا بدك ايانا كل يوم انوقف مع نفسنا بناكل وحل
شكرااا علا الموضوع ;-) ;-) |
ميرسي حسن وبقايا انسان على طلتكم الحلوة
والله نور الموضوع يا حلوييييييييييييين بس ليش ما حدا مهتم للموضوع؟؟ |
اقتباس:
بسيطة بسيطة هلأ اول مابشوفوني اني حطيت رد على الموضوع بتلاقي العالم كفتوا على الموضوع متل الجراد بس استني شوي 8) |
والان مع الخاطرة الثانية لليوم الثاني من رمضان وهي تحت عنوان " ضـع هـدفـــــــــا " لا تـكـن عشـوائيــاً هائــماً على وجهكـ , و دع عنـكـ التيه بيــن ما تريــد وما لا تريــد , او ما تقدر عليــه وما لا تقــدر , فقــد حــان الوقــت لان تقــف و تحدد مبتغاكـ , زان تضع لنفسكـ غاية سامية تتشرف بالوصول اليــها , تتقـــدم بكـ نحو النجـــاح , لا تيأس .. بل كن صاحب اصرار على ان تحقق هدفاً وتبني , حاول مرات ومــرات فستصل بعدها الى متعة اثبات الذات . تحــياتي لكم ومع خالص حبي :hart:القلب المنادي:hart: |
اقتباس:
اي اي انشالله الله يسمع منك بس انا مش كتير فارئة معي بدهم يفوتو اهلا وسهلا ما بدهم لبلاش مش فارئة كتير المهم انو حسونة وبقايا انسان نورونا |
شكرا شدود يعطيكي العافية وبانتظار المزيد:D
|
تسلمي ام الشوش ...
بانتظار حديدك يا حلو .. وكل عام وانتو بخير |
اقتباس:
|
اقتباس:
الله يحلي ايامك مشكورة ;-) ;-) |
ميرسي يمونة ولولو وبقايا انسان على طلتكم
اي صحيح لولو شو حديدك . . . . . اهااااااااا هاااااااااي جديدك ميرسي مرة تانية على طلتكم الحلوة يا حلوين يا قمرين يا عسلين........ |
اقتباس:
:o :o :o :o :o حديدك |
خخخخخخخخخخخخخخ
حسن صارت بايهة:pos: |
هههههههههههههههههه
شو اصتكون الكل عم يخطئ بالكتابة يمان : حسن صارت بايهة -----> بايخة |
ميرسي كتير شذى يسلمو ايديكي.بانتظار المزيد:clap: :D
|
ميرسي غزلان على مرورك والله نور الموضوع
يلا انتظري شوي وبتلاقي المزيد صار بين اديكي |
بسم الله الرحمن الرحيـــــم هلا شباب صبايا وهي الخاطرة الثالثة " كــن مــبدعــــاً " اعتد ان تنظر الى ما هـو مألـــوف بطريقة غير مألوفة ، او انظر الى الاشياء غير المألوفة بطريقة مألوفة ، لا بأس ان تنظر الى تجارب الاخرين حتى تتعلم منها وتستفيد وتطور على ما انتبهو اليه . ولكن اياك ان تكون نظرتك اليهم من اجل تكرار ما فعلو, فعهد التقليد قد ولى, وبدا عصر الابداع والتحديث والتغير,تحدى وفكر كي تنجز وتجدد, حينها تكون قادرا على ان تصنع المستقبل المبدع الذي تريد تحياتي لكم :hart: القلب المنادي:hart: |
| الساعة بإيدك هلق يا سيدي 01:25 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون