|
هل يمكن ان تعتذر للمرأه ..!!؟
هل إعتذار الرجل للمرأة ... ينقص من قدره ؟؟
سؤال..؟أختلفت الإجابات وتباينت .. الأراء .. هل إعتذار الرجل للمرأة ... ينقص من قدره ؟؟ هل يمنعه غروره من الإعتذار ؟؟ وهل يختلف الرجل الشرقي عن غيره في درجة الحساسيه لهذه الكلمه .. وأعني هنا إعتذار الحبيب لحبيبته .. نحن نعلم أن المرأة بطبعها رقيقة المشاعر .. سهلة الانكسار ..وأي كلمه قد تؤثر عليها .. بل قد تقتلها تجرحها .. وتؤلمها وقد لا تسامح من أساء إليها .. ولكن عندما يقول لها الرجل ... أنا أسف .. أعذريني ياملاكي .. فانها قد تنسى كل شئ .. وقد تغفر أي شئ ..!! ولكن يبقى السؤال ..؟ مالذي يحس به الرجل عندما يعتذر ..؟ ِ وهل يعتبر أن اعتذاره هو بمثابة الإهانه له وهل يجب أن يعتذر بالكلام .. ؟ أم أن هناك أشياء اخرى تحل محل الكلمات ؟؟ |
اول شي بدي قول انو الاعتذار مو عيب ابدا...ولا بينقص من رجولية الرجل شي
بالعكس بس اكيد الرجال مو لازم يعتذر عالطالعة والنازلة ولا حتى المرا انا من جهتي وقت يكون معي حق ما بسكت عنو لو شو ما صار ولا بتراجع لو شو مالي عامل... من ناحيتي..منشان الاعتذار انا بعتذر وقت بحس حالي انو عنجد اخطات بحق الشخص التاني وما عندي مشكلةلانو الاعتراف بالذنب فضيلة.... واكيد وقت كون غلطان ما بعتذر لو شو ما صار الا اذا قدر الطرف التاني انو يقنعني .... شكرا عالموضوع كمان :D |
مرسي على مرورك واتمنى الكل يشارك:D
|
طبعا الاعتذار واجب وقت بكون الواحد غلطان بس زي ما قالها فوق مو عالطالعة والنازلة
وبالنسبة للرجال في كثيييييييير عندهم خجل من انهم يعتذروا ما بعرف ليش يعني مستعد يحط قدامك العالم كلو واطلبي واتمني ولا يقول كلمة اسف..... في هيك وفي هيك ..... |
اختي طلعي علا اناملك او اصابعك كنك شايفة واحد اكبر من التاني
صح وهادا احنا مو الكل ابيتذر ومو الكل ما بيعتذر بعدين مو الكل مغرور انا بنظري الرجل الي بيغلط وبيعترف وبيعتذر بيكون كبير بعين زوجتو والنساء وانا بقول انو الرجل مو بالكبرة الرجل بالمعاملة والكلمة شكرااا الك علا الموضوع للامام خيتي ;-) ;-) ;-) ;-) |
هلق لقلك
كلمة بعتذر اسهل بكتير من كلمة اسف و عند الشرقي اصعب بكتير و عندي ياها متل قطع الرقبة لانو تاكيد على اني غلطت و انا ما بحب اغلط و الله بلاقيها صعبة بالنسبة الي و شكرا على الموضوع الظريف |
إذا الواحد غلط لازم يعتذر هدا شي اكيد
ان كان زلمه ولا مرا نفس الشي ما ضروري الواحد يكون شرقي زياده عن الازم ولا احنا بنكون شرقيين بشغلات وشغلات |
اقتباس:
اكيد ما ابنقدر ما انشارك |
أنا بشوف إنه الواحد لازم يعتزر وأت بيغلط بحئ غيره
وعني.. فممكن كتير ما نام الليل إزا ما اعتزرت للي غلطت بحئه وبشوف إنه الرجل بيثبت رجوليته لمّن بيعتزر عن خطأ عمله.... هي قوة بحد زاتا ورجوليّة منّه إنه يقول لأ لكبرياءه اللي ما له طعمه بهيك حاله ويؤول الحق... نحنا بشر والكل معرّض إنه يخطأ... وما فيها شي!!! |
:lol: :lol: :lol:
|
اقتباس:
انو يعني موافق عالحديث |
والله أنا بعتذر أنو شارك :oops:
مومشان شي بس يعني الاعتذار شغلة صعبة :p بس أكيد على الرجل او المرأة إن أخطأو أن يعتذروا للأخر المسألة ليست موضوع كرامة وإن حاول البعض التستر وراءها |
حابة شارك معكن ........................هلق الموضوع استفزني شوي..............
يعني عفواً ليش عاملين فرق بين الرجل و المرأة بهل موضوع؟؟؟؟؟ يعني أصلاً طرح الفكرة من اساسها بتنقص من قيمة المرأة ...يعني أم كأنو عم تقولوا .....الملك بيعتذر من عبده؟ أو الراعي بيعتذر من كلبه؟...آسفه على هل تعبير القاسي بس ليش عم تنطرح الفكرة بين الرجل و المرأة؟؟؟؟؟ فينا نطرحها بشكل عام: هل تستطيع الإعتذار عندما تخطأ؟؟؟؟؟ برأي في مجتمعاتنا الإعتذار شغلة كبيرة كتير.....يعني بصعوبة لتلاقي حدا بيعتذر....هي مو من عادات العرب.....و ما تربينا على الإعتذار (ما نحطها واطية لحدا);-) سلام |
اقتباس:
هلء الموضوع مطروح بطريقة غلط شوي بس كلنا فهمانينوا صح مشان هيك حكيك صح و حكي نسرين كمان صح .... مشان رأي انا ... انا ماعندي مشكلة ابدا للاعتذار حتى لو كان لأي شخص كان بس المهم انو انا وقتا كون على غلط و بس ... |
ممممممممم سؤال حلووو اكتير
مشكورة ***** ح شوفي بما انووو اذا هوة غلطااان فلازم يعتذر ولو انو ايامااا وقت ايكون اتنين بحبووو بعضن والمراة هية بتكون غلطاانة بيكون الشب بحبهاا اكتير وبموت عليهااا وهية كمان بتحبوو وبتموت عليه وها الغلط طلع من غير قصد يا سوء تفاهم لازم واحد ايطري الوضع هوون وانا بشوف انو المراة لازم تعتذر بس بيكون حب الشب للبنت يلي بحبهاا اكتر بيقوم هوة يلي بعتذر وبينسو كلشي هااد اذا بحبووو بعض بس اذا والله وحدة اساءت الي ابه باكلهااا والله صح ;-) كيفك |
لما بكون غلطان بحقها فمن الواجب (مو بكيفي :pos: ) اني اعتذر منها وراضيها كمان ;-) وكما اذا بدكن باخدا مشوار وبطعميها بوظة :lol: صاحبة الموضوع شكرا:D |
هاهاهاها اهلا وسهلا
م؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
hiiiiiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiii
|
| الساعة بإيدك هلق يا سيدي 07:25 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون