|
البكاء مفيد للصحة
اثبتت الدراسات الحديثة ان البكاء مفيد للصحة إلا أن نوعية الدموع التي تذرف لموقف عاطفي انفعالي تكون مختلفة من حيث التركيبة و الوظيفة فالدموع عبارة عن تفاعلات كيماوية تأتي نتيجة لدواعي و حالات انفعالية مندمجة مع العاطفة فهي غنية بالفيتامينات.
و يرى العلماء ان الدموع الاصلية سواء كانت دموع فرح او حزن تعيد التوازن الكيميائي للجسم, كما انها تساعد على العلاج النفسي. و تشير الدراسات ان النساء يجهشن بالبكاء حوالي 64 مرة في السنة بينما يبكي الرجال فقط حوالي 17 مرة بالسنة. و اكد العلماء ان 85 % من النساء و 75% من الرجال الذين شملتهم الدراسة اكدوا شعورهم بالارتياح بعد البكاء. و اكد العلماء ان الدموع تخلص الجسم من المواد الكيماوية المتعلقة بالضغط النفسي مشيرا الى التركيب الكيميائي للدمع العاطفي و الدمع التحسسي الذي يثيره الغبار مثلا فالدمع العاطفي يحتوي على كمية كبيرة من هرمون البرولاكين و اي سي تي اتشن اللذان يتواجدا في الدم في حالة التعرض للضغط و عليه فإن البكاء يخلص الجسم من تلك المواد و أوضح هذا الاكتشاف سبب بكاء النساء بنسبة خمسة اضعاف اكثر من الرجال و ذلك لتواجد البرولاكين في جسم المرأة اكثر من الرجل لانه الهرمون المسؤول عن افراز الحليب كما اوضح ان الحزن مسؤول عن اكثر من نصف كمية الدمع التي يذرفها البشر في حين ان الفرح مسؤول عن 20% فقط من الدمع و الغضب يأتي في المرتبة الثالثة أما عن انواع الدموع التي تسيل من العين فهناك الدموع المطرية التي تحافظ على رطوبة العين و صحتها , و الدموع التحسسية و دموع العواطف التي تنهمر كرد فعل على احداث عاطفية و اشار الى ان اثناء البكء تزداد كمية الدمع بمقدار يفوق المعدل الطبيعي الى جمسين او مئة ضعف في الدقيقة الجدير بالذكر ان فتح و اغماض العين بشكل لا ارادي بمعدل 20 مرة في الدقيقة هي الحركة التي تحافظ على مرونة العين طبعا الله يبعد البكاء الحزين عن الجميع بس قرأت المعلومة و حبيت خبركن ياها :oops: |
شكرا كتير على الموضوع
بس شكلها لاعالم ماعم تفوت من اسمو يا اخي محدا بحبو لحماده هلال يعني انا خاطرت وفتت يسلموووووووو |
دايما دموووووووووووع دمووووووووووووع دموووووووووووووع، شو هالموضوع نزلي دمعتي بس لاتخافي خبيتها مشان أعرضها بمتحف المشاعر والاحاسيس هههههههههههههه.
لك منين هي جبتيلي ياها انو الزلم بتبكي 17 مرة شو هالاشاعة المغرضة هي أه مين دسك علينا نحنا فئة الزلملم مين ميننننننننننننننننننننننن ن؟؟؟؟؟؟؟؟ يا ستي اكتر مرة بكيت فيها من قلبي لما تلقحت وقتها الممرضة الدبة الله لايوفئها فختتلي ايدي ومو حاطة مخدر متل العالم والناس لهلا معلمة بايدي الله يأصف عمرها ياللي معانا أولو أمين ليليليلششششششش. أجمل وصف سمعتو عن الدموع كان بفلم لنيكولس كيج بدور بيكون فيه ملاك بيسأل طبيبة بيحبها عن الدموع وقتها هديك بتجاوبو بأسلوب علمي -متلك برات- بس هو شو بيئلها طبعا مو بشكل حرفي: انو أحيانا المشاعر لما بتزيد عن حدها الطبيعي والمعئول ولما بدها تخرج برا الجسد وقتها العيون بتتفجر وبيصير الجسم والروح تبكي من خلال العيون وتطالع هالطاقة كلها على شكل دموع. وهالشي بيأكد فعلا انو البكاء مريح للجنسين بس بوئتو مو عالطالعة والنازلة متل اللي عميندب على حالو -ولي شو بكره هالنوعية انا- يعني الموقف والحالة هي اللي بتفرض هالرد مو العكس. مو متل هالايام وخاصة صنف الحريم بيضحكو علينا بسلاحهم السري الدمعة -مسمي المرة دمعة ونحنا الزلم قاهر الدمعة هههههههههه صرنا موبايلات- وحلو تكون الدمعة بمحلها وقتها مو كل ما مر سرفيس بالشارع بتكون غرق البيت دموع -كتير هيك مو كتير-. والتأثر بالدموع -وهي اضافة شخصية كتير من عندي- درجات، بمعنى دموع الفرح غير الحزن، اللي صادرة عن الرجل غير الصادرة عن المرة، الصادرة عن الكبير غير الصادرة عن البيبي، الصادرة عن القهر غير الصادرة من كتر الضحك، وكلها بالتعريف دموع بس حسب السوق كل وحدة الها سعر وتمن. بتمنى من الكل تكون دمعة الفرحة والضحكة هي الغالبة على دمعة القهر والحزن، وماتشوفو الا الايام الحلوة بحياتكم وتمر لحظات الاسى والحزن -اللي راح تمر بالتأكيد لانو هادا قدرنا- بشكل سريع وخفيف الظل عالجميع، الله حيوووووووو الدعم اللوجستي |
اقتباس:
انو كتير حلو كلامك وكتير منيح انو لقيت حدا حافظ هالفلم CITY OF ANGELS شكلك متابع وشكلنا رح نعمل دراسه عنك ونضمك للشله |
اهاااااااااااااااا هيك لكن يا هيموووووووو صرنا دمعة و قاهر الدمعة :shock:
بس مو مشكلة المهم تكون دموع الحزن بعيدة عن الكل |
اقتباس:
|
من الصالون ...
|
برات هالشي مو من عندي هادا التصنيف العالمي المقفل للجنس البشري وانا مابمشي غير عالستاندارد يعني وأنشالله يبعد عنا الحزن ودموعو مشوار سنة ضوئية تأكيدا لكلامك
وبالنسبة لابو سليم هي عيونك الحلوة حبيب وللأخذ بالعلم انا ربع متابع وبلا ما تتعب قلبك ياغالي لاني ما بحب انضم لأي شلة بحب ضل هيك عصفور طيار وشكرا على عرضك. الله حيووووو الدعم اللوجستي |
يسلمووووووووووووووووووووا
|
| الساعة بإيدك هلق يا سيدي 14:53 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون