|
قصة صاحبتة غبية كتير
هااي
بدي احكيلكون قصة بتمنى تساعدوني بحلها بدي اعرف اذا انا صح ولا غلط وتعطوني الحل من فترة سنة تعرفت على شب كتير شخصيتوا حلوة وقلبوا كتير نظيف ، ما راح قول انو حلو لان مابيهمني الشكل ابدا ولا بطلع على هالناحية . المهم كان وضعو كتير منيح يعني شب باول عمرو مكافح وبيحب الحياة حبيتوا وحبني كتير فهمنا بعض وحسينا ببعض كان في مشاكل وبتنحل وكان في فرح وحزن يعني متل اي علاقة طبيعية . ضلينا هيك فترة كان شغلوا كتير منيح ومرتاح فيه فجاءة صارت معو مشكلة بشغلو وترك الشغل . ضل هيك شهر شهرين تلاتة ولحد هلق طبعا حاولت كتير خلي يدور على شغل جديد لان كل شي فيه اتغير نفسيتوا صارت كتير زفت صار دائما مكتئب معاملتي معو ماتغيرت غير ايام اللي بحكي معو منشان الشغل كنت اقسى عليه منشان ياخذ الموضوع بجدية بس ما كان فيه فايدة . بعدين انا رجعت لكمل دراستي واتخصص بالمجال اللي بحبو ، قبل فترة حكى معي عن موضوع انو يعني مااتغير عليه علشان صار معي شهادات وصار مستواي اعلى من مستواه طبعا انا قلتلوا لا لان هذا الشي مستحيل يصير انا بحبو كتير ومستحيل اطلع على اي موضوع تاني ومستحيل يغيرني اي شي من ناحيتوا. قبل فترة ما عاد فيني اتحمل وضعوا لانوا صار اسوء من اسوء شي اتغيرت عليه يعني صرت ما احكي معه ولا اسال عنه لحد مامرت فترة فترة منيحة حكيت معوا وقلتلوا انو لازم تحسن وضعك مو منشان شي بس منشان حس انك منيح وتتحسن نفسيتك ويتحسن وضعك وارجع شوفك متل اول مبسوط وفرحان وما عندك اي هم . وانو ما راح احكي معو لتحى يغير وضعو ويصير يطلع بدال ماهو عم ينزل . هو فهم الموضوع انو انا عم اتكبر عليه وانو مابقى بدياه وانو هاد اللي كان متوقعه مني . بس انا والله العظيم مو هاد تفكيري انا بحبوا كتير ومستعدة وقف معو لاخر لحظة بحياتي لاني بحبو . بس هو فهم غلط ولسته مصر على اني انا عم اتكبر عليه . وانا مصرة اني ما احكي معو لحتى اسمع اخبار حلوة عنو وانو عم يتغير ويتحسن . هادا موضوعي وهي قصتي بليز ساعدوني شو بدي اعمل كيف بدي فهمو انو انا مو هيك وكيف بدي خليه يحسن وضعو وينتبه على حياته ؟ ويا ترى اللي عملتوا انا صح ولا غلط ؟ شو الحل بليز ساعدوني لاني مستحيل اتخيل حياتي بدونو ومستحيل ارضى بوضعوا هاد .:cry: :( :cry: :( |
انو الشي يلي عملتيه صح وغلط
صح لانك لازم تأسي عليه وغلط لانك مابقى سألتي عنو متل الاول بما انك بتحبيه لازم توقفي جنبو بطريقه ايجابيه بس انتي ببعدك عنو حسستيه بسلبيه وهلئ صار لازم تروحي تحكي معو بشكل مباشر وتفهميه ليش هيك عملتي وحتى لو ما سمع اول مرة بيسمع تاني مرة ومعلش لو كانت تالت مرة هاد رأي بتحبي تاخدي فيه اهلا وسهلا فيكي وماعجبك كلامي ارميه بالبحر وكمان اهلا وسهلا فيكي انشاالله بيمشي الحال وبيفهمك |
للاسف وضعك كتير صعب بس انا ما بتقوع انو المواصفات يللي حكيتيها عنو
.... شلون هيك فجأة صصفي من دونها الواحد مو اذا فشل مرة او صار معو مشكلة لازم يوقف صحيح الشغل مو سهل بس كمان لو مدور منيح لو اشتغل منيح لوصل لحل اكيد ولوصل لشغل اكيد :D هادا راسيي وبتمنى انو ما تزعلي مني |
اقتباس:
شكرا كتير على رايك حبيبي:sosweet: :sosweet: |
اقتباس:
شكرا كتير لالك :sosweet: :sosweet: |
وبتمنى انو ترجعو لبعض والله يوفقك ويفقو ليلاقي شغل وانشاء الله بتكملي معو دائما:D
|
اقتباس:
|
هادا زلمة اتكالي
بلاه احسن شوفيلك غيرو اللعمى هوي لازم يسحبك لفوق مو انت |
حبيب قلبي :? :shock:
وحبيبي :shock: :pos: :? أيه ليش لأ |
اقتباس:
اي لاء هيك كتير يعني هدابعد الحكي هيك طاع معو للإسف هدا الشخص يظهر مصاب بداء الانفلوجيا إلا إذا كان في حكي مابنعرفو وماحاكيتيلنا ياه بس شو بشان هي (حبيبي ) لاء معلش في عالم بتغار :D |
بصراحة ننوش انا المفروض اعرف الشخص التاني لاحكم عليه بس ممكن قلك باختصار انو هالشخص انتي بتعرفيه اكتر واحد بهالعالم وبيجوز انتي ارتأيتي القسوة افضل الو بس المفروض لما شفتي انو القسوة ارتدت عليكي بنتائج سيئة لازم تتراجعي وتوقفي معو، صح انو مو صغير حتى توقفيه على رجليه وتمشية بايدك بس لو مو المسالة اللي صايرة معو كبيرة ماكان حس وتصرف بهالشكل اليائس، الكلمة الطيبة والشعور الصافي تأثيرو اكبر بكتير من الجدية والمواقف الحازمة، خلي الحب هو اللي يعطيه الامل ويحببو بالدنيا ويوقفو على رجليه.
وبالنسبة لمستوى تحصيلك العلمي يعني المفروض انكم متفقين على هالقصة واصلا مالازم ياخد هالموقف السلبي الا اللهم بسبب وضعو والاحباط اللي فيه خلا هالموضوع يبين بنظرو بكل الاحوال لازم ما تحسسيه بهالفارق اللي بينكم وخليه يحس انو هو الكل بالكل هالشي بعتقد انو راح يريحو ويطمنو ولاتخلي يفكر انو مجرد امتياز جديد او شهادة جديدة راح تلغي دورو ومكانتو لانو هالشي -وبقصد كلمة التفوق- كتير شباب لايمكن تتنازل عنها وبيجوز هو من هالنوعية. لهيك يا أختي الكلمة الطيبة والموقف الناتج عن الحب بيخلوه بدو يحفر الصخر بايديه ومو قصدي المسايرة متل (على راحتك، أي متل ما بدك ,,, الخ) لأ تكون نصيحة وأرشاد بس بأسلوب مايكون أوامر وتسلط. بالنهاية الله يهدي سركم ويصلح حال الشب ويكتبلكم الخير مع بعض اذا هيك الله كاتب طبعاً الله حيوووو الدعم اللوجستي |
اقتباس:
ومابتفرق معي مين اللي بدو يرفع التاني بما انو نحن بنحب بعض بس لازم يكون في تجاوب . شكرا الك كتير على مشاركتك الي بهاذا الموضوع وكلك زوق :D :D |
اقتباس:
بس هي هي طريقة حكيي يعني مو المفروض لما قلك حبيبي تكون ان عشقي ما انا بقولا لابي ولامي ولاخواتي ولارفقاتي فلا تستغرب حبيبي هي هي طريقة حكيي:D :D |
اقتباس:
وبالنسبة الي حكيت كل شي يعني مافي شي خبيتو ولا ماكنت طلبت رايكون يعني اذا كنت خبيت شي ما كان لقيت حل وبالنسبة لـ(حبيبي) سبق ورديت انا شو بقصد فيها وشكرا حياتي على مشاركتك وعلى رايك :D :D |
اقتباس:
وانا وقفت جنبو وضليت استنى خمس شهور على انه اليوم راح يتغير واليوم راح يحس بس مافيه فايدة يمكن وضعه ماثر عليه زيادة عن اللزوم . شكرا حبيبي على رايك والله يسمع منك وتنحل هالمصيبة .:D :D |
التطورات الجديدة بالموضوع
الجديد انو حكه معي وحاول يشرحلي ليش عصب علي وصار يقول كلام ما اله داعي .
سالته طيب ليش هيك قلت وانت المفروض بتعرفني وبتعرف اني مابفكر بهي الطريقة ، يعني مستحيل فكر انو انا احسن منك او انا اعلى من . ردو كان انو منشان هاذ الموضوع كان عنده تجربة فاشلة مع بنت غيري ضلو يحبوا بعض اربع سنين ولما دخلت الجامعة تركته وقالتلوا انو مابقى فيني ضل معك لان مستواي اتغير (هي الصدمة الاولى ) وانو قبل ما احكي معو بيومين صايرة مشكلة مع رفيقوا انو كان يحب بنت وراح يتزوجه وبعدين لما خلصت الجامعة تركته ( وهي الصدمة التانية ) حاول انو يعتذر وقال انو خلاص مشاكل وانو ارجع متل اول !! قلتلو انا ماعندي مشكلة انا بحبوا وراح ضل حبو ومستحيل يتغير بمشاعري شي بس ماراح غير موقفي لاحتى اسمع عنو اخبار جيديدة . بس اللي بيقهر انو ماجاب هي السيرة ابدا ، يعني ماحاول انو يهدني او حتى يكذب علي ويقولي انو راح يحاول يتغير ، راح يتغير لانو بيحبني ، لك ماجاب سيرة عن هاذا الموضوع ابدا . بتعرفو حاسة اني شغلت بالكون معي بشي تافه وما الكون علاقة فيه بس ماعندي حدا احكيله او اخذا رايه !! شكرا لكل اللي حاولو يساعدوني وعطوا موضوعي اهمية :D :D بس شكلة مصيبتي ما راح تنحل :cry: :cry: |
بدك نصيحتي
سبحي للشب يعني بالعربي الفصيح حلقيلو السعودية مليانة شباب عبمزح معك هه لاتصدقي :p |
اقتباس:
بعدين ملاحظة حبيبي هو مو سعودي هو من سورية انا مابتنازل حب واحد سعودي عندي ولاد بلدي بيسوو مليار واحد سعودي ولو لا تنزعها :king: :king: بس شكرا كتير لالك ولخفت دمك على هالمزحة :D :D :D |
| الساعة بإيدك هلق يا سيدي 00:13 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون