|
بعيد الشر عنا ..........كيف منصير متحضرين.؟؟؟؟؟؟
مرحبا :D
بعيد الشر بعيد الشر لو فكرنا مثلا انه نتحضر شوي (يعني نسير متحضرين ) شو المطلوب منا ؟؟؟؟ يعني بمعنى تاني منشان الجميع يفهم قصدي شو مفهوم التحضر عندك؟؟؟؟؟؟؟ شو بيعنيلك التحضر ؟؟ شو الخطوات اللي ممكن تخلينا متحضرين ؟؟؟؟؟ ........؟؟؟؟؟؟؟ .........؟؟؟؟؟؟؟؟؟ تحياااااتي |
يا ستي التحضر باختصار هو الحالة المعاكسة تماما لحالتنا الراهنة:yahoo:
ممكن نسمي حالنا متحضرين لمن نقدر نحترم الاخر و نحترم انسانيتنا بالدرجة الاولى |
اقتباس:
تحية محبة الك لتعبيرك لمفهوم التحضر وشكر لكاتبة الموضوع |
اقتباس:
:shock: :shock: :shock: :shock: :shock: :shock: :shock: مشرف واربع مشاركات بس ولسه اخ طازة اه عيش كتير بتشوف كتير :o |
التحضر برأيي أنو ما نركض ورا شغلات أتفه من التافهة ونفكر بإنسانيتنا أكتر شوي من مصالحنا وبضيف لهدول الشغلات كلام ameen
|
يا بشر حدا يفهمني شو القصة
مشرف واربع مشاركات بس وأخ طازة كمان :shock: :shock: :shock: :shock: :shock: |
اقتباس:
بدي مبرر :pos: |
اقتباس:
لك شو بعرفني انا صلي ساعة حاطط راسي جوات الكمبيوتر وعبتأمل بأسم الزلمة بركي بعرف شو قصتو :shock: حدا يفسرلنا يا بشر شوووووو القصة |
اقتباس:
بس بدي اعرف القصه حدا من المشرفين الكرام يشرحلي :pos: |
اقتباس:
اي والله من الشوفات اللي عبشوفا بهالمنتدى هسترت:shock: وانا كمان بدي تفسير واضح وصريح لسخصية هادا الزلمة ومن وين جاي :pos: |
بعدو هيك لاني بدي ادلي بدلوي لهيك وقفو على جنب مشان ما يتطرطش حدا، بالمفهم البسيط المقفل أتحضر يعني البس اواعي حلوة ومشط شعراتي -الله يخليلي ياهم- وبويي كندرتي-انتو اكبر أدر- واستعد لمشواري يعني انا حضاري -لعمى شو مئفل أنا هههههههههه- بالمعنى الشامل ما بيختلف كتير عن اللي حكيتو التحضر يعني باختصار انو نكون مستعدين لتقبل حضارة الاخرين وتفهم أبعادها وتاريخها حتى ننتقل للخطوة التالية ونكون متلهم ومساووين الهم حتى نوصل آخر شي لنكون قدوة لغيرنا ويصير غيرنا معتبرنا حضاريين -اللهم لا شماتة- بس لازم ننتبه ونشدد على شغلة انو الحضارة اللي بدها تطمس هويتنا وتاريخنا وثقافتنا هي مو حضارة واللي بيتبعوها مو متحضرين بالعكس شوية هبلان مفكرين حالهم متحضرين لهيك نحنا بناخد بالحضارة اللي بترفع من انسانيتنا وبنخليها هدفنا وهدف اللي بعدنا الحضارة اللي بتحسن من سوية معيشتنا وتعاملنا بين بعض ومع الاآخرين وببترك آثر على اللي بعدنا أما الحضارة اللي بتهدف الى تشويهنا ومسح ثقافتنا وحضارتنا هي مجموعة افكار موجهة هدفها محينا من الوجود ولازم نميز بين النوعين.
ولنكون حضرات -يعني متحضرين- لازم يكون عنا مخزون فكري جيد لمعرفة تاريخنا ومعرفة حضارات الاخرين حتى نستطيع تمييز الصح واتباعو أما اذا بنعرف نفك الخط وبدنا نصير حضارينن معناها سلامتكم يا جماعة عالعصفورية دغري وبئس المصير. أقول قولي هذا وأستغفر الله لي ولكم فأستغفروه فيافوز المستغفرين :shock: الله حيوووووو الدعم اللوجستي |
تسجيل متابعة ...
لي عودة ع الموضوع شكراً بنت الاكارم ع الطرح:D |
اقتباس:
بالله بتعرفلنا شي شو القصة تبعت الزلمة :shock: |
ليش غيرانين من الزلمة
ييييي ...شو عينكن ديقة ...الله يسترو منكن اما بالنسبة للتحضر ...مافي جواب احلى من جواب الاخ امين (حالة معاكسة لحالتنا الراهنة ) بس لسه في امل ..معنا معنا منصير :yahoo: |
صحيح بنت الأكارم
انا اسف كتير كتير كتيرر لاني خربتلك موضوعك عنجد ماكان قصدي بس والله هادا المشرف الجديد خوتني :shock: ورايح جن لأعرف مين هو وشلون صار هيك مشرف وبكرر اعتذاري مرة تانية عنجد اسف :D بس حدا يفهمني شو قصة هالمشرف الجديد قبل ماهستر :cry: :D :D :D |
الله محييك يا امين
خير الكلام ما قل و دل |
اقتباس:
اكيد رح يكون ابنه لصاحب الموقع او احد المقربين اله :D :D :D شو بك حكومه بعرفك بتفهمها على الطاير:? :? بعدين بقيت وراه لبين ما شالوا عنه الاشراف والله حرام رجعته اخ طازه من اول :cry: |
اقتباس:
لأنو كل انسان خليني قول انسان معليش حتى لو زعل الانسان معليش كل انسان عربي بفكر انو موبايلو الجديد حضارة سيارتو المرسيدس حضارةة للأسف هاي تفاهة الحضارة هيا كلشي عبارة عن اشياء فكرية لأسف الفكر بعيد :pos: |
| الساعة بإيدك هلق يا سيدي 18:44 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون