|
تعبان و متضايق
هلء انا صحيح ما بستاهل انو ينحط موضوع عني بس بدي فش خلقي . تحملوني شوي لأني انا كتير تعبان نفسيا و قاعد عم اكفر ...
انا طالب بكلية الموسيقى بحمص(سنة اولى) و روح قلبي الموسيقى بس غير هيك ما عندي شي .. حالتي المادية عادية ( الوسط ) و عندي كتير رفقات بس بضل مكتئب........................... شو بدي سوي و الله ما بعرف.. هلء و انا قاعد عم اكتب هادا الموضوع عم اسمع خوليو و دخن حمراقصيرة كرتون بس شو بعدين .. يمكن لأنو انا هلء ماعندي رفيقة (حبيبة) ..ممكن...... و ممكن تكون عامل من عومل التعاسة يلي عم حس فيها ... انا بحياتي كلها ما كنت ضعيف بهل الطريقة .. حاسس حالي انسان تاني .. انسان تعيس , مرتزقة فاضي, ضعيف و مشتت العقل ... و انا بحياتي كلها ما كنت هيك و لا كنت بتوقع انو يصير فيني متل ماني عايش بهل الثانية هي .. شو سوي انا و ابي دائما مشاكل من الصبح للمسا .. و رفقاتي بضل يمزحوا معي و يقولي عني اني زلمة طائفي و بحب المظاهر , بس ماعدت ميز بقا بين المزح و الجد .. والله انا زلمة كتير منيح بس ماني مغرور .. و الله اني بحب كل العالم و ما بكره حدا .؟.. و الأهم اني ماني متل ما بيحكو رفقاتي اني طائفي و لا غيرو و غيرو ... بس ليش عم يصير فيني هيك .. ! ما بعرف بس بعرف حالي اني انا كتير ضعيف و مالل و زلمة عاق بجتمع يمكن بشبهني و انا بهل الضعف .. ما بعرف اذا بدي مساعدة .. كنت مفكر انو شو ما يصير معي بحلو عن طريق سماع الموسيقى بس هلء ههههههه ماعم خلي نوع موسيقى ما عم اسمعا و ماعم اتحسن .. يمكن الروتين صار يقتلني بس كلكون متلي ... اسف على هل الحكي لأنو يمكن ما بهمكن بس حبيت فش خلقي .. شكرا و اسف ... |
روق وخليك متفائل
هي حال الدنيا ماحدا مرتاح كل واحد عندو مشكلة |
اقتباس:
و حبيت بس فش خلقي مو اكتر من فشة خلق .. |
الحياة حلوه بس نفهمها
والواحد يعيش كم مره هي مره وحده وبس لك عيش وضحك ماحدا مستاهل تزعل حالك عليه |
اقتباس:
|
وليه تخلي للحزن محل في نفسك
اغلبه لا تخليه يسيطر عليك |
شو يا اخي اضحك للدنيا الدنيا بتضحكلك ورمي همومك لورى .....ما حدا بياخذ شئ منها كلنا عم بنموت....اتضحك وورينا ابتسامتك الحلوه............كالي:lol:
|
ولو يامعلم هدي أعصابك ولا تكتأب
الدنيا فاضية مابتسوى شي;-) كبا ورا ضهرك ولا تسأل على شي الدنـــــيـــــا فــــاضـــــية بعدين تعا لقلك جاي عبدخنلي حمرا ومابدك تكتأب اي من اسمو للحمراء الواحد بيكتأب:? لا ولسه فرحان انو عبدخن كرتون يعني :pos: اي حدا عاد يدخن حمراء هالأيام :pos: نصيحة مني كووووووووووووول بصل وانسا اللي حصل :clap: |
الله معك ....
بس حاول تغير في نفسك انتا بالاول وبعدين كل الحياة بنظرك بتتغير |
يا اخوي العزيز
الحياة غريبة، دايما فيها الكويس والعاطل فيها الحب وفيها الكره فيها الفرح والمرح والأمل لكن فيها الحزن واليأس والملل وصدقني كل شي بصير معنا في الدنيا هو نتيجة خيار احنا بنختاره بإرادتنا الحرة يعني لما تصحى وانتا قرفان الدنيا كلها ومش شايف اشي غير الكآبة راجع نفسك، شو رح تستفيد من كل هاي الأشياء، او شو رح يصير وشو رح يأثر هالوضع في الناس اللي حواليك ؟؟؟ ولا شي، لكن لو قررت للحظة انه لا ما بدي اكون بالسلبية هاي بدي افرح بدي اصنع من ضعفي قوتي ، صدقني شوي شوي الامور رح تختلف. وانا مش بس بحكي والسلام، بحكي من تجربة شخصية، واكيد الامور ما رح تتغير من اول مرة ولا ثاني مرة، وبجوز تضلك تحاول وما تزبط معك لكن لا حياة مع اليأس ولا يأس مع الحياة. لازم تضلك تحاول والا ما يكون في تأثير. وبدي اعطيك هالمثال: لو جبت حجر صغير ورميته في بركة شو رح يصير؟؟؟ رح يتغير سطح المي شوي وترجع بعدها مثل ما كانت، لكن هل فعلا ما تغير شي؟؟؟؟؟ انا بحكيلك لا تغير، صار في حجر زيادة في قاع البركة، وهذا بحد ذاته لو ما كان ظاهر للعيان هو تأثير . اتمنى تفهم قصدي وروق يا اخي روق والله ما في اشي مستاهل |
كوووووووووول بصل وانسى اللي حصل
|
عالأقل انت عندك وسيلة لتعبر عن نفسك .. وهيي الموسيقى .. حاول تعكس شو حاسس بالموسيقى اللي بتعزفها .. بتروق .. وروحك بتهدى .
|
اقتباس:
وأنا مع نيرفانا اعزف وروق ، الموسيقى غذاء الروح يا اخي تغذا كويس |
اقتباس:
وانا كمان مع نيرفانا الموسيقا بتشلحك بعالم تاني |
اقتباس:
|
هلئ ليش فتحتلنا جروحاتنا وزكرتنا بحالنا :cry:
احسن شي تعمل متلي طول الوقت باكل وبنام بحط كل شي وراي انت اعمل متلي بس ماتصير متلي دبدوب وطبوش :pos: |
بدك تروق عمو.. شوف صار أكتر من خمس صبايا بيقولوا لك روق ..;-)
شو محظوظ انته.. يالله يمكن وحده منهن تتهور وتاخز فيك ثواب وتدردش معاك شوي.. وتديك اعجاب خفي:sosweet: أنا تحليلي لوضعك .. انك انسان فاقد الحب والحنان ومهما شفت اشياء حلوه أو سمعت أغاني حلوه لا يمكن تحس او تشعر فيها لأن مافي حدا ببالك قادر تتصور انك ممكن معه تبنوا قصة غرام .. ياعمي أضحك وروق .. وقول الله يجازي ياللي كان كل شي بسببها حتى لو كنت بتحبا..8) |
شو محظوظ انته.. يالله يمكن وحده منهن تتهور وتاخز فيك ثواب وتدردش معاك شوي.. وتديك اعجاب خفي:sosweet:
العمى شو فهيم صارلك زمان عم تفكر فيها يعني اذا بدنا نديه اعجاب مافي داعي يكون خفي |
| الساعة بإيدك هلق يا سيدي 02:49 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون