أخوية هالإيام
 

كان عبالي نحكي بشي غير هالموضوع .. بس هوي هوي ما في غيرو ..
كيف بدو يكون في غيرو وهو على حالو ما تغير فيو شي ..
شو في ببالكم شي نعملو ..
بنحط ايدنا بايد بعض .. ولا نكمل خناق ..
صار الكل على الباب واقف رجل ورا ورجل قدام .. نصو بقول شو دخلني خليها تخرب ونصو التاني بقول خلينا ..أخوية منيحة .. منشوف شو رح يصير ..

انا عملت لفة لا بأس بها بالأخوية وعرفت كيف كان مستواها .. وجد شي بيرفع الراس، وجد حلو انو في ناس هالقد فهمانة، وما تفهموني غلط بس جد رائع انو في ناس حتى اعتقلوها كانو اعضاء هون .. راح تستغربو .. بس انا بقلكم ليش .. اذا اعضاء متل هيك صادقين مع انفسهم واصحاب مبدا ورأي كانو يشاركو بأخوية .. اذن اخوية كانت شي حقيقي ... مو بس صف كلام ..

يا ريت كلنا نقدر نكون صادقين وأصحاب مبادئ وبشر مرتبطين مع اللي حولينا ومو منعزلين ومنفصلين.. نقدر ندافع عن اللي النا بفكرنا بعملنا بانتاجنا .. وأكيد مو بالمشاكل والسب ..

ما تقللو من قيمة النت .. هالموقع فيو يعمل كتير وخصوصا انو موقع كبير وشامل كما ومضمونا ومو سهل أبداً .. وعلى الأقل نحنا نوحد جهودنا ليبقى هالموقع نضيف ومرتب وعلى مستوى.
وما رح احكي عن أبعاد تانية يمكن بهمني احكي فيها بس مو وقتها..

عفكرا مو لازم يكون كل شي سياسة وادب وثقافة بس .. حلو يكون في كمان أخبار الفنانين والرياضة والسقيفة والصالون وكل شي ... بس كمان نحترم كل قسم منهم ..

وفينا نحترم بعضنا شوي أكتر يعني بلا ما كل واحد ماشي على جبينو مكتوب .. مسيحي مسلم ... سوري سعودي .. سني شيعي .. الخ ..
ويا أخي الرد اللي مو عاجبك اعمل حالك مو شايفو .. انا بعرف الواحد بعصب وبيستفز وانا كمان هيك .. بس نحاول على الأقل .. ونحاول ما نتلفظ بالقليلة ألفاظ ما بتناسب المكان ..

بعدين في المواضيع هاي اللي فيها اشتباكات، بكون في واحد ما بعرف من وين جاي .. وبكون في اعضاء محترمين من اخوية .. يا جماعة الأخوية المحترمين ما تنزلو مستواكم لتردو على هالأشخاص .. لانو بالنهاية اللي رح يحس مو هني .. اللي راح يحس هني اعضاء الأخوية .. اخوتكم التانيين ..

حبيت أشاركم هالفكرة .. يمكن تلاقي قبول وايجاب عندكم .. لنقدر نركز باخوية مو بالخناق مع ناس أساسا ما بتهمهم الأخوية ..

عزيزتي Nirvana
الله يعطيكي العافيه أنا بضم صوتي لصوتك و بأيدك بكل حرف كتبتيه
بس يا سيدتي المشكله مو بس بل أخويه المشكله عامه و هي أنو الناس صايره بتترك الموضوع الرئيسي و بتلحق الفرعي
بعباره أخرى بيتركو معالي الأمور و بيهتمو بسفاسف

تحياتي ألك و لكل عضو و اعي بهل المنتدى

كلامك حلو كتير و منطقي ,,, بالفعل لازم نتحكم بردود أفعالنا و نضبط انفعالاتنا احتراما للمكان
تحية الك نيرفانا :D

العفو ..

ايه انا فكرتو انتقل .. المهم يوصل ..

شكرا الك .. وتحياتي ..

بتمنى انو نتفق جميعا على هالشي.. ونحاول..

مرورك الحلو .. وتحياتي مع الشكر الك :D

هاده ياستي مبارح كل ما ادخل على موضوع اقراه الاقيه منزوع
يعني في اشخاص معينه عم يلحقو بعض في المنتدى من مكان لمكان ومن موضوع لموضوع كانا في حرب شوارع مش لحتى يشاركو لا لا لا لحتى يتبادلو الشتائم والمسبات وفيه كلام بينكتب انا مستغربه كيف اصحابو قدرو يكتبو :shock: وهمه عارفين انو في عالم رح تدخل وتقرا او هوه مقصود يعني شغلة استعراض عضلات يعني فيهم يسبو بعض قد ما بدهم على الخاص ما ضروري يحطونا بالنص الواحد صار خايف يشارك تلقطو شي مسبه بالغلط بس انا بصعبو علي اصحاب المواضيع الواحد فيهم بيجي يفتح على موضوعو متحمس بلاقيه صار غير شي بتنسد نفسو ويمكن حتى يفكر مليون مره قبل ما ينزل شي موضوع جديد
على فكره انا ما صارلي زمان في الاخويه وما بعرف كيف كانت بس من كلامكو بفهم انو كان الوضع افضل.

انا معك بهاد الكلام 50%
بالنسبة للأنتماء الفكري او الديني ما فيو مشكلة
المشكلة بالتعصب للفكرة اللي عم نحملها ونحنا عم نطرحها
مقتنعين بفكرتنا وعم نقول للطرف الاخر او الاطراف الاخرى انو انتو كلكون غلط باسلوب مباشر او غير مباشر وعلى فكرة هاد الاتهام موجه لشريحة كبيرة مننا بتمنى انو ننتبه لهالنقطة

مزبوط .. وهالشي عانيت كتير منو بالأخوية وخصوصا بمرحلة الأزمة الكبيرة .. يمكن ما شفتيها بس أحسن اذا ما شفتيها ..

اذا انا ضايقت حدا بأسلوبي .. كون متأكد انو من دون قصد .. وبعتذر من يلي تدايق مني سواء انت او أي حدا تاني ..

ما شاء الله

يليت كل المنتدى بهذا الاخلاق

ما تركتولي شي احكي...تعدموني...
اخوية عباره من ملجأ.... اي ملجأ... هداك اليوم كنت فقاعانه وطاقه روحي...شو عملت فتت كزدرت باخوية..حكيت مع رفقاتي حششنا شوي تناقشنا بالمنبر.... صارت اخوية البلد الغايب... صارت اخوية...صورة مصغرة عن البلد....
اخوية هيي المكان الي عرفني بجد انه في اختلافات كتير كبيره بين البشر لدرجة اني ما بقدر احصرها وقول في نوع كذا ونوع كذا...اخوية عرفتني ع عالم ما بيتعوضوا...عرفتني ع اخواتي... اخوية كانت وما زالت تأنسني بوحدتي... هيي كانت اول حدن بوقف معي عند الازمة...
اخوية زمان من شهر 12-2005 غير اخوية هلا ..بتذكر اول رد الي باخوية كان علقة وقتاله مع حسون ... ومع ابو النسيم كمان (حسب ما بذكر)..يا ويلاه وقتها شو عصبت...(كه كه)..بس بعدين صارت عادي...تعلمنا كتير اشيا وتفتحت عيونا ع اشيا اكتر...:D

:cry: :cry: :cry: :cry: :cry: أنا اليوم انفعالية زيادة عن اللزوم .. (يخليلي ياه)..

تحياتي الك هاد العشم:D
بعدين مو ملاحظة انو الحشيش عم يضرك:lol: :lol: :lol:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

:lol: :lol: :lol:
ما عم بقدر استغني عن ابو حشيشة .. رفيق الضلال الأخوي هاد .. شو بتفكر..

لها كل القبول والايجاب .. أفكارك رائعه .. وفيه منها أفكار كانت تدور بذهني لكن كانت تحتاج ترتيب..

نيرفانا بارك الله فيك.. :)