|
سكين "الشرف" في إدلب تحصد ثلاثة عشرة امرأة.. في شهرين
يعجز اللسان عن القول! ونعجز الآن عن التعليق على هذه الحقائق! ونعجز أكثر عن قول كلمة لأولئك الذين، تحت أي مسمى، ما زالوا يدافعون عن عن إجرامنا المتمثل في قبولنا استمرار المادة /548/ من قانون العقوبات السوري! الذين أوغلت أيدهم في الدم بذريعة أن القتل يحمي "الشرف والأخلاق". والشرف والأخلاق براء من ذلك براءة الذئب من دم يوسف!
إدلب، تلك المحافظة الضاجة بالحياة في سهل الغاب السوري، وحيث المرأة تعمل على قدم المساواة مع الرجل في الزراعة التي تشكل العمود الفقري لاقتصاد المنطقة. بل وتتجاوزه في عملها حين تضيف إلى عملها الزراعي كل المهام الأخرى الأسروية (طبخ وغسيل وتربية و..)، مازالت تضم أولئك القتلة الذين يرفعون سكين القتل الهمجي! فقط ثلاثة عشرة امرأة قتلن بين 20/7 و16/8 2006! فقط ثلاثة عشرة امرأة قرر الرجال المتشبهون بالآلهة أن حياتهن هي ملك أيديهم! معززين بقانون جائر، وبأدعياء ينطقون باسم الدين محرضين على هذا القتل ومؤيدين له! وبأجهزة تنفيذية لم تتعلم بعد أن واجبها الأول هو حماية حق الحياة بعيداً عن أي "مساومة"! ثلاثة عشر امرأة كن البارحة يضجين بالحياة، واليوم تختنق حشرجاتهن تحت التراب! وغداً، أو بعد غد، سيكون القتلة "أحراراً" يتباهون بالدم الذي يغطيهم! ثلاثة عشرة امراة إحداهن لم يتجاوز عمرها السادسة عشرة! بعضهن متزوجات ولديهن أطفال! من "الدانا" إلى "أرميناز" إلى "سرمدا".. إلى إدلب المدينة! من سمية الطاهر.. إلى صبحية الشلي.. إلى ميرم الزيات.. تمتد ذراع القتل لتحصد أرواح النساء فقط لأنهن.. نساء! وأيا كان ما فعلنه، إن كن فعلن شيئاً، الواقع الصارخ كعين الشمس الحارقة أن "الذكورة" هي الحاكم المطلق لهذه الحياة! الذكورة" تنصب نفسها مكان الإله، مكان الدولة، ومكان ما ضمير عقدنا الاجتماعي: القضاء، حين تهدر الحياة التي صانتها الأديان جميعاً! "الذكورة" هي الشاهد والجاني والقاضي.. والدفاع قد صار تحت التراب ملطوش عن موقع نساء سورية تحياتي ,,, |
اقتباس:
والجريمة التانية هيي جريمة الشك بعرضون واللي عالاغلب رح يكون مجرد شك وظن ومافي وراه اي دليل والجريمة التالتة هيي جريمة القتل ..... وقتل لمجرد شك والجريمة الرابعة انو القاتل واللي رح يكون على اساس من الاشخاص المحبوبين لهل النساء رح يكون طليق ورح ينحبس كم شهر وبس وكأنو اللي عملو مو اكتر من قتل جاجة :cry: |
مع الأسف الرجل العربي يعرف كرامته فقط الذي بين رجليه وشرفه فقط الذي بين رجلي زوجته
وبين شرفه وكرامته يضيع الحق ويبقى التخلف |
هالموضوع تحديدا بيجي على اعصابي.. وما بلاقي تبرير الو ابدا ... وخصوصا انو هالموضوع كتير منتشر ببلدي وعلى ابسط سبب وبدون رادع أو عقاب..
|
لا يزال هناك عقليات متخلفة وتحت اسم الشرف تقوم بالقتل !!
|
اقتباس:
|
اقتباس:
|
اقتباس:
انا بحكم شغلي وشغل امي بسمع كتير قصص وحكايا عن جرائم الشرف,,ويا ريت بتوقف الشغله عند الشك المعقول... بس يشكوا بنسبة نص بالمية بيقتلوها..وبتعرفي كمان؟ اذا كان في الها اخ صغير تحت الـ 18 بيبعتوا هوي ياخد الشرف ويقتلها... لانه تحت السن القانوني وهيك بصير الحكم مخفف..وبدك تخففي الحكم اكتر؟ لعيونك... عن شي بالقانون اسمه (فورة دم) لك اي اي بالقانون الحكم يخفف لانه بيعتبروها فورة دم:pos: :pos: |
اقتباس:
تحية :D |
اقتباس:
طبعا غير قانون الاحوال الشخصية المجحف كتير بحق المراة |
ع سيرة قانون الاحوال الشخصية المرأة مابيحقلها تعطي الجنسية لولادها
انا التقيت بكزا شخص الاب بيكون مو سوري و تارك الام قبل مايسجل الولد و بيجي الولد بلا جنسية و بلا انتماء و بيطلع مافينو يشتغل و لا فينو يسجل بالجامعة ,,,,, ياسلام .... |
اقتباس:
|
اقتباس:
|
يعني والله الواحد مابيعرف شو بدي يحكي ليحكي :pos:
باختصار من الندالة والحقارة انو حدا يوصل لدرجة القتل مع اختو ولامع مين ماكان بحجة الدفاع عن الشرف وحتى لوكان هيك الغلط صاير حرام والف حرام توصل الشغلة للقتل اي الله يلعن هيك شرف وهيك ناس متل النور ويلعن كل واحد بستقوي على مرة :x :x :x |
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - تفضلوا |
| الساعة بإيدك هلق يا سيدي 06:13 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون