|
لحقوني انا و راديا كنا رح نموت
ياااااااااااااااااااي شباب صبايا شو مرقت عليي اناو راديا ظرف صعب كتير ما بتمناه لحدا يكون مطرحي المهم هاد يا عالم اليوم المسا كنت انا و راديا عاملين بروغرام انو نطلع نتسوق منشان الدراسة قربت و هيك شغلات .....وصلنا البابا بالسيارة و سالنا ازا بينطرنا او لا بس لانو كان كتير معجوق قلنالو فيك تروح و نحنا نرجع مشي لانو صارلنا زمان ما تنشينا عالكورنيش
و لما كفينا و شترينا كل شي اكلنا بوظة و ضحكنا و نبسطنا بعدين كانو صيبة عين و نحنا عم نمشي و رايحين عالبيت صادفونا تنين شباب لاحظت راديا انو غربا و قالتلي يا الله لا تردي عليهن و عادي مشي معي رديت عكلاما بس تطورت الاوضاع قام طلع شخص تالت مدري من وين اجا :shock: يمكن كان بيراقب الوضع قام قاللنا ما في معكن دهبات ؟؟؟؟؟؟؟؟و يا حسرتي كنت لما بطلع ما بحط خواتم لانو ما بطيقن و بس اليوم ما بعرف ليش حطيت خاتم ؟الله كتب المهم حكيت معو راديا بهداوة قام هوي ضلو يصرخ و كان ملح كتير قمت قلتلو ليك بدك الخاتم ؟رميتلو ياها و قلتلو مشي جيبا و بعد هيك المشكلة طلع السكينة و انا هون قامت راديا فرطت اعصابا و رتعبت كتير خافت عليي قمت انا قلتلو شو بدك تخوفني يعني؟؟؟ليك لو تقرب مني شو بيصير فيك و الله ل لم عليك كل العالم و مش بس هيك بخبر الشرطة كمان لانو في الي عمي هونيك لهون حسينا انو ملامحو تغير ت و اللله بجد كان معنا لانو تلفون راديا رن قامت شوي قالتلي ليكي عمو هوي فكرو تبع الشرطة قام اخد الخاتم و فل مبينتو كان مبتديء و ما بيعرف لانو لو كان شاطر بالسرقة كان اخد الموبايل كمان بس الله ستر و تجربة متير صعبة بجد و الله و الحمدلله كنا قوايا و ابضايات اففففففف:adal: :adal: تنزكرو ما تنعاد بس راديا تعو شوفو شو صارلا لانو هي حساسة كتير مش متلي نازلة عالبكي قال شو كان بدو يقتلنا و يقطعنا ليكو عقلاتا شو زغار بس خافت عليي كتير و قتا ديرو بالكن ع حالكن و لا تحطو دهبات للبنات و انتو الشباب الموبايلات ============== ملاحظة : الخاتم اللي كنت حاطتها ما كانت ذهب و عمو اللي اتصل براديا كان زوج خالتي عايشين بسورية فكان بدو يخبرنا انو خالتي وصلت ع سوريا و الحمد لله :sosweet: ميرسي ... |
الحمدالله ع السلامه لكان
والله شي بيخووووف كتيـــــر الله لا يحطني في متل محلكون ...لو أنا كان وقف قلبي ومتت بس ضحكتيني ع الخاتم طلع مو ذهب ...أكيد هلاء معصب ههههههههه |
الله يسلمك حبيبتي اميرة الظلام ... و الله لا يحطك بموقفنا آمين يا رب
بس كيف بتموتي لا لازم تكوني قوية ههههههه انا كمان لما رجعت ع البيت و تزكرت الخاتم صرت اضحك ايه خليه يعصب منشان المرة الجاية ما يفكر يسرق مش هيك ميرسي ع مرورك حبيبتي فرناندا كفوري |
الحمد الله على السلامة
وإنشالله أول مرة وأخر مرة |
ميرسي اميرة الظلام و بي ام اي
كلكن زوق نشا الله تكون اخر شي مش حلو انا لهلق عرفت انو حاطة اختي الموضوع ما كنت بعرف طلعتني حساسة ايه بس و الله ارتعبت ما فيني احكيلكن و اوصفلكن خوفي و همي الكبير كان عن اختي اول شي بعدين انا لانو لما طلعنا بما انو انا الكبيرة مسؤولة عنا ميرسي الكن عن جد |
طيب وين كنت انا ... ليش ما اتصلتو عليّ لأكسر رأس كل واحد بقرب عليكن ... :adal:
|
اقتباس:
بتعرف ما فكرتك اول واحد من اللي بعرفن او اللي ما بعرفن او اللي بتهمن حياة انسان معرض للخطر رح يطمن عليي فعلا كبرت بعيوني يا احلى اسييييييييييييير شكرا الك و عموقفك النبيل تجاهنا و انا بشكل خاص بحكم المعرفة هههههههههه |
اقتباس:
بتعرف ما فكرتك اول واحد من اللي بعرفن او اللي ما بعرفن او اللي بتهمن حياة انسان معرض للخطر رح يطمن عليي فعلا كبرت بعيوني يا احلى اسييييييييييييير شكرا الك و عموقفك النبيل تجاهنا و انا بشكل خاص بحكم المعرفة هههههههههه |
له له له
هرب؟ خلص انشالله المرة الجاي لا بعيد الشر الحمدلله عالسلامة |
الحمد لله على سلامتكون
منيح أنا ما بحط دهب بحط ألماس:lol: |
على سلامتكم راديا وفيرناندا:cry: جاتني الخلعة وانا تنقرا شنو طرا ليكم ربي حفظكم.ديرو بالكم هاد المرة وما دوزوش من بلايص خاويين:cry:
|
انو وينو ردي:?
|
يخرب شكلك هلء بينت:shock:
|
حمد لله على السلامه :D
بس انا كنت موصيهم ياخدو الموبيلات بس هما نسيوا:clap: |
اقتباس:
|
اقتباس:
و مرة تانيي ما نمرق من اماكن فاضيي و الله ميرسي كلكم على السؤال حنوناتي الله يخليكم لينا ايه فيروزة فكري في حالك يوم ما ياخدوكي كلك على بعضك المااس ؟بلكي كريستال كان جاد هلق هاد اللي طلع معك و الله بتحبنا ميرسي الكن كلكن |
اقتباس:
|
هيك بيكون تفسر حلمي :p :p
الف الحمد لله على السلامه :D :D اقتباس:
|
| الساعة بإيدك هلق يا سيدي 00:25 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون