|
المضحكي المبكي
بس تكون ببلد عربي بتسمع حكايات واخبار بتضحك عليها بس لما بتكون عم تضحك بتحس انو قلبك عم يتقطع على بلدك واللي عم يصير فيها وهون رح نحكي شوي من هدول القصص وهي اول وحدة من عندي
بوحدة من بلدات سوريا الصغيرة نسبيا صرلون حوالي العشرين او تلاتين سنة عم يعمرو مشفى حكومي ولحد الآن لسه ماصار المشفى جاهز...... المهم انو لما بلشو ببناء المشفى عينو موظف لحتى يكون حارس باب المشفى..... ومن كم يوم طلع الحارس عالتقاعد بدون مايحرس باب المشفى اللي لسه ماصار جاهز ومانفتح بابو :? |
اييييييييييييييييييييه
ايه :pos: :pos: |
اقتباس:
|
أول شي الحمدالله على سلامتك ورجعتك يا امرأة من ورق
ولاتنزعجي يعني هيدا هو الواقع اللي عايشين فيه تحياتي |
اقتباس:
بتمنى لو فيي شوف واسمع هيك شغلات وطنش وماانزعج....... بس للأسف صعبة عليي:cry: |
اقتباس:
only in syria |
اقتباس:
:cry: :cry: :cry: |
يا ريتني هالعامل .......... مليت من الشغل يا ناس بدي اتقاعد وطبيعي لهلأ ما اتزوجت :p
|
اقتباس:
|
اقتباس:
|
اقتباس:
|
اقتباس:
|
اقتباس:
وهي اللادقية بقا كيف البلدات الصغيرة ولك الله يعين |
اقتباس:
|
اقتباس:
و معك حق شي بيبكي و بيقرف بس مابعرف يمكن تمسحنا و ماعاد يهمنا شي يعني صارت هيك قصص ما بتخلق عنا اي رد فعل سلبي او ايجابي ,,, و مثال على هالشغلات الاسطورية بناء يالبوغا عند جسر الثورة يعني من وقت ماخلقت يمكن و لهلئ ماخلص:shock: تحياتي .... |
على سيرة المضحك المبكي و المشافي خدو هل قصة :
هاد كان ياما كان اجت حكومة اليابان بجلالة قدرا قالت للشباب الطيبة عمرو بناء مشفى بمنطقة بحافظة القنيطرة و نحنا منتكفل بتقيد أحث الأجهزة لمشفى متكامل من جهاز الطغط للطبقي محوري.. هل حكي من 20 سنة تقريبا .. راحت ايام و اجت أيام .. اليابان تزكرت التبرع يلي كانت ناوية علي بعتت للجهات المختصة بسوريا انو يا جماعة شو مشان بناء المشفى يلي بدنا نتبرع بتجهيزاتو ؟؟؟ آمو الشباب استحو و بلشو عمار .. راحت أيام و اجت أيام رجعو اليابان ضربو على جبينن انو لك شو صار بالمشفى !! بعتو للشباب لك شو صار بالمشفى و عطوهن انذار انو خلال سنة ازا المشفى ما بتكون جاهزة اليابان رح تسحب التبرع آسفة .. آمو الشباب عنا انجلطو و فعلا عمرو المشفى خلال السنة و تم تركيب أجهزة موديل السنة تقدمة حكومة اليابان.. انو شو اضحك ولا ابكي |
اقتباس:
بعرفا للمستشفى تبع ممدوح أباظة بس بتعرف احسن شي الواحد يضحك لأنو شي بيموت من الضحك :lol: |
شكرا لكل اللي مروا عالموضوع وخصوصا سيزار
وهي حادثة تانية مضحكة مبكية من دمشق هالمرة مرة في وحدة من دوائر الدولة المعتة اللي المبنى تبعها من ايام جدي او جد جدي وكان شكلو كتير معت وبيأس قامت ادارة الدائرة قررت مشكورة انو تدهنو...... وهيك صار وبعد مادهنوه ورجعو باشرو الشغل فيه كان قلبون عالمراجعين قامو عينو موظف خصوصا لحتى ينبه المراجعين انو "اوعى الدهان" وراحت الايام وهالموظف شغلتو انو كل مادخل مراجع يقلو "اوعى الدهان مو ناشف...... اوعى تجوي تيابك فيه"...... وراحت الايام والدهان نشف والموظف ضل متعين بنفس شغلو انو يقول للمراجعين "اوعى الدهان":? |
| الساعة بإيدك هلق يا سيدي 00:56 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون