|
مجلس امن (الطاوله المستديره المثقلة) اقتراح كريم للمناقشه
اي بقا هي الديمقراطية المقنعة تستخدم بشكلها الامثل لما تكون السلطة حابة تخلي الوضع "على ما هو عليه" ... بتقوم بتقول والله عملنا ديمقراطية، كل واحد يخربط و يحشش على كيفو بالحكي، و ضلوا تناقشوا و تحاوروا لالله يفرجكم، و النتيجة رح يبقى الوضع على ما هوي عليه متل ما بدها السلطة...
عم يخطر ببالي اقترح انو نعمل بالادارة "مجلس امن" للتدخل السريع بالحالات الطارئة، متل تبع الامم المتحدة هلأ المحبط بالموضوع انو مجلس الامن تبع الامم المتحدة بصيغتو الحالية فاشل بكل ما في الكلمة من معنى... بس منقدر نتلافى آليات الفشل الموجودة بالصيغة الحالية.. يعني ما منعطي حق الفيتو لأي حدا، و هيك ما رح نوصل لحالة احادية القطب الموجودة اليوم و كمان لازم تكون الموافقة الزامية بأغلبية عامة اما كيف بيتم توزيع الاعضاء .. فبيتم بالشكل التالي رح نعتمد اسلوب الطاولة المستديرة المثقلة.. يعني هيك: -كرسي للقائم يللي هوي الحكيم، دائم العضوية بالمجلس، الو 5 اصوات داخل المجلس -تلات كراسي من الامناء بيتم تعيينهم بشكل دوري بالتشاور، لكل امين منهم بالمجلس 4 اصوات. -خمس كراسي لمشرفين ايضا بيتم تعيينهم بشكل دوري، من قبل الامناء يللي بالمجلس بعد موافقة الحكيم، لكل مشرف منهم صوتين. -ست كراسي لاعضاء عاديين بيتم تعيينهم بشكل دوري، من قبل المشرفين بعد موافقة الامناء يللي المجلس، لكل عضو منهم صوت واحد و هيك بيكون عدد الاعضاء يللي بالمجلس 15 (رقم فردي) و عدد الاصوات 33 (ايضا فردي) و قرار المجلس يؤخذ بأغلبية 17 صوت او اكتر (51% و اكتر) و قرار المجلس ملزم لجميع الاطراف الممثلة فيه |
هون رح نتناقش ونحط تعديلاتنا عالموضوع
وبنطلع بفكره من هون على فكره من هونيك فالاخر بنطلع بحل ايجابي اتفضلو ا شاركو |
اي شو هالديمقراطية هاي
يعني اذا الامناء وحكيم قرروا شي رح يمشي شو ما كان الوضع لا حبيبي هاي القسمة مو عادلة بنوب 3 امناء * 4 اصوات = 12 + 5 اصوات لحكيم = 17 = 51% |
اقتباس:
لماح ولهالسبب رح نتناقش في تعديل عدد الاصوات وعدد الاعضاء في المجلس حتى يصير توزيع عادل |
افضل شي انا بشوفو انو الادارة تعمل مشرفين جداد
وتزيد العدد ....وانو يقترحو اسماء من يلي كل يوم موجودين بالاخوية وتحطهون تحت الاختبار وكل قسم من اقسام الاخوية تحط عليه 3 او 4 مشرفين مشان يكونو على مدار 24 ساعة |
اقتباس:
|
العمل مع فريق أخوية
لا يلزم المتطوع بأي دوام او أي نشاط زائد على طاقتو يعني ما بتقلك لازم تداوم خمس ساعات باليوم و لازم و لازم لأنو بالأصل الموضوع هوي تطوع يعني يلي بالأصل ما عندو ساعات يقضيها بخدمة أخوية ما لازم يتطوع .. هلأ يلي بصير انو بيدخل المشرف الجديد ( عم احكي تاريخيا هل حكي و بينطبق علي انا كمان ) بيدخل و بفرط نشاط و حركة و موضيع نوع جديد و الخ الخ ... بعدين بينشغل .. و همتو بتقل .. فهاد الوضع يلي صاير بشكل عام .. بالنسبة للطاولة المستديرة انا مع 100 % طبعا ضمن تحفظ .. انو هل حكي يعتبر حكي فاضي في حال التسجيل ضل مفتوح .. ليش ( لأنو الأعضاء - كعدد فعلي- مارح يكون الن مصداقية ) خطوة متل هي هي خطوة لمجتمع الكتروني ( بدون مبالغة ) تخيلو تشغيل نظام الداون تاون و مجلس شعب - او الطاولة المدورة - و من هل حكي كلو هاد يصب في خانة وحدة (( المجتمع الالكتروني )) .. غير ذلك انا مع الاقتراح .. و على استعداد للدعم السياسي ( من خلال نفوذي :p ) سلامات |
انا مع سيزر
كلام منطقي بعدين لشو كل هاد لعقاب الأعضاء المشاغبين بعدين فلنفرض صدر قرار بحق حدا هل حدا متل ما اتمرد بالأصل و ما التزم بقوانين المنتدى مو صعب ابدا يتمرد على قانون مجلس الأمن قرار فاشل مشروع فاشل للأسف .... متل ما قال سيزر مجتمع الكتروني |
يا جماعة، شي طبيعي انو الحكيم (صاحب المنتدى) ... و الاشخاص يللي اختارهم بعد اظهارهم الولاء لالو و لسياساتو لفترة طويلة يكون الهم رزة زيادة، ما هوي صاحب المنتدى
بس بصيغتنا الحالية، الحكيم هوي الامر الناهي باخوية، و طالما مشروع دستور الاخوية ما شكلو رح يخلص خلال الخطة الخمسية التالية، لذلك اقترحت مجلس الامن لكسر مركزية القرار مزبوط كلامكم انو اي شي بيوافق عليه الحكيم و 3 مشرفين بيتنفذ... بس لاتنسوا انو نحنا حاليا ما بيتنفذ غير يللي بيوافق عليه الحكيم، شو اسمها هي بالله ؟؟ اكيد مو ديمقراطية وصلت الفكرة ؟؟؟؟ |
انا برأيي المجلس منيح بس اعتقد انو حركتو رح تكون ثقيلة , فممكن نترك المجلس لتقرير امور اكثر خطورة من معاقبة عضو مسيء....
الحل برأيي انو يكون في فترة اختبار لكل عضو ... ويكون في نوع خاص من المشرفين بيتمتعو بصلاحيات واسعة وبكل الاقسام , وطبعا مهمتهم مو الاشراف على الاقسام بل التدخل بهيك حالات خاصة ... هدول حركتهم بتكون سريعة وفعالة , وبتخمد المشكلة ببدايتها ... طبعا هاي فكرة مبدئية وبدها شوية صقل وتشذيب ... لأنو واجبات هالمشرفين والمزايا اللي بيتمتعو ا فيها عملية معقدة شوي .... بس ياللي بعرفو انو لازم نلاقي حل وبسرعة .... |
اقتباس:
وهاد يلي عم احكي عنو انا ;-) |
اففففففففففففففف كل هاد؟؟؟؟؟؟:shock: ؟؟؟؟
هلق انا مع الجلس والفكرة....:clap: . فكرة كريم وصلتني..:o .. بس في شي عم يخطر ببالي من هداك اليوم ...الاسود تاع المنبر.. هلق اذا هالكم عضو الجداد نحنا واثقين انهن لايزيدوا عن 3 اشخاص فعليا...يعني 1 او 2 او 3 ..بشي خمسطعش عشرين اسم...ليش ما يكون في عنا نظام توماتيكي ...بيشتغل مع الـ ip addيعني مثلا انا ال ip تاعي كذا كذا...ما بحلقي ارجع سجل باكثر من اسم...او انه مثلا بهداك اليوم كان هاني موجود اون لاين..وكان يعلي يتابع من ع الشبكة وكل ما هداك سجل اسم جديد هاني يمسك قلم الالوان الاسود ويشخط عليه..هلق مثلا لو كان عنا شيت الـ ipما كان هاني ارتاح وحط هالرقم وقعد مروق.;-) ..؟ ما بعرف كيف ممكن تكون الفكرة...بس هيك خطر ببالي :p |
اي بس في برامج بتغير الأي بي كل دقيقة
|
اقتباس:
خيو اذا ما بتشتغل هيدي..في وحدة تانية...قلتها لـ دانيتو هداك اليوم... ليش ما بنعمل شي مثلا... انه هاد العضو الازعر كل ما بفوت .. بينحط لحاله بقائمة الماهضمتون عند كل الاعضاء..يعني هوه بفوت وبيحكي وبرد وبشارك وبنزل مواضيع بس عمليا بكون عم يعوي لحاله... يعني عنا ما بيطلع...بقوم هو بفكر انه نحنا مو معبرين( بس نحنا بنكون مو شايفينه عمليا) وببعبع شوي وبيزهق وبيروح.... شو :? |
مقترح غير مقنع
لانو عدم المؤاخذة لحتى يجتمعو الشباب ويقرروا بيكون صار يللي صار بدنا ديكتاتورية |
فكرة حلوة بس بدك منفذ لها وبدك دعم
يعني بدي اسالك هلا شو الفايدة من هادا المجلس وشو عملو وشو الفايدة الي ابنجنيها منو يمكن الاخ سيزار كان معبر اكثر ويمن الزيادة اتكون اكويسة هاادا الامر ابيرجع
للكبار الي فوووووووووووووق شكرا للموضوع ووالاقتراح مع تحياتي :sosweet: بقـــــ انسان ـــــايا |
كأنو ما رح يصير اتفاق
على كل بس اتفقو أيدو اسمي كموافق ((اذا كان الو اهمية)) موفقين |
هاد المجلس مو مشان توقيف اشتراك شي عضو، او مشان تنبيه عضو و هيك...
هاد المجلس للقرارات المصيرية... مثلا اغلاق التسجيل، او فتحو مثلا الاتفاق على دستور شي قسم من الاقسام، و الاحكام الناظمة لعملو و هيك |
| الساعة بإيدك هلق يا سيدي 02:17 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون