|
تاريخ علمنا / علم سوريا/ علم بلادي
8 ملف مرفق .
تغير العلم السوري عدة مرات خلال القرن العشرين، إلا أن ألوانه: الأبيض، الأحمر، الأسود، والأخضر لم تتغير. وكانت هذه الألوان، المعتمدة في أعلام عدة دول عربية أيضاً، هي ألوان علم الثورة العربية الكبرى عام 1916: الأبيض يرمز إلى الأمويين، والأسود إلى العباسيين والخلفاء الراشدين، والأخضر إلى الفاطميين، والأحمر إلى النضال العربي ودماء الشهداء. علم الثورة العربية الكبرى، رفع في سماء دمشق بعد تحريرها من الاحتلال العثماني عام 1918 ..................علم سوريا المستقلة، رفع في دمشق بعد إعلان استقلال سوريا في 8 آذار 1920 العلم الذي فرضته سلطات الاحتلال الفرنسي عام 1920 العلم الذي فرضته السلطات الفرنسية في أعقاب الثورة السورية الكبرى عام 1925 العلم الذي اعتمدته الحكومة السورية بعد توقيع الاتفاقية السورية- الفرنسية عام 1936 علم الجمهورية العربية المتحدة التي وحدت سوريا ومصر عام 1958 أعيد العلم السوري بعد انفصال سوريا عن الجمهورية العربية المتحدة عام 1961 العلم السوري بعد قيام ثورة الثامن من آذار بقيادة حزب البعث العربي الاشتراكي عام 1963 علم اتحاد الجمهوريات العربية بين مصر وسوريا وليبيا الذي أعلن عام 1971 العلم السوري الحالي اعتمد عام 1982 وهو نفس علم الجمهورية العربية المتحدة :gem: |
موضوع اكثر من رائع
من اجمل المواضيع اللي نزلت بالمنتدى ... وهلأ العلم السوري اجمل علم بالعالم |
شكرا عالمعلومة والصور:D
|
لك شووهااااااااااااد وضااح .........يسلمو ايديك عالمعلومات:D ...ياااخي علمنا غير شكل :gem:
الله يحمي سوريا :king: |
تحيا سوريا....و انشالله يضل علمنا مرفرف دايما بالعالي......
شكرا ع الموضوع الرائع:D |
كرا الكم على مروركم :D
|
يسلمون وضاح والله ماكنت أعرف كل هاد
|
اقتباس:
بس في شغلة بدي ضيفها انو النجمتين الخضر يلي بالعلم بدلو على الديانتين يلي بسوريا |
اقتباس:
النجمتين هنن دلالة على سوريا و مصر ( لأنو هاد كان علم الوحدة ) اما انو بدلو عل ديانتين يلي بسوريا فهاد شي خاطئ ( أصلا حزب البعث علماني ) :? فكيف بدو يحط شي بيرمز للطوائف الدينية يلي ببلدوا |
طيب هلأ لما قرروا انو هادا العلم يضل هو علمنا...ليش ثبتوا على علم الجمهورية المتحدة...يعني نحنا لحالنا ....و مالنا علاقة بحدا ,لا بمصر و لابغيرا...ف ليش ثبتنا على هاد اللي فيه النجمتين اللي هني رمز سوريا و مصر؟
|
خيتو انا بشوف انو هالحكي كلو بيندرج تحت سياق
انو ليكو نحن منحب اخوتنا العربي وبدنا الوحدة العربية ليكو حتى علمنا خليناه متل العلم تبع وحدتنا مع مصر يعني من هالحكي |
ألف شكر على المعلومه المفيده
|
ألف شكر على المعلومه المفيده
|
اقتباس:
|
اقتباس:
و بما انو حزب البعث أفندي هوي الحاكم قرر يخلي شي بيرمز للوحدة بالعلم لذلك رجع حط العلم يلي كان بحقبة ( بتعتبرا البعث) حقبة ثورية ناجحة و خطوة كبيرة باتجاه الوحدة العربية و هي خطوة الجمهورية المتحدة .. و يلي طبعا كان فاشلة و ليست إلا ابتزاز لسوريا و صناعاتها التي ازدهرت في تلك الحقبة .. حديث يجب نقلو لموضوع آخر |
اقتباس:
على كل متل ما قلت.....انو الشغلة بدا موضوع تاني لحالو..... |
توضيح
بما ان الجهابذة تحدثوا عن علم بلادهم .. إلا أن أهم معلومة كانت ناقصة ..ماذا تعني الرموز والألوان الموجودة في العلم .... ولذلك المعنى هو :
اللون الأبيض في العلم يرمز إلى العصر الراشدي.. أما اللون الأخضر ( لون النجوم ) فيرمز إلى العصرالأموي .. أما الون الأسود فيرمز إلى العصر العباسي .. أما اللون الاحمر .. ياحلوين ... فاحزرو .............. يرمز اللون الاحمر القاني ... إلى دم الشهداء .... كل الشهداء اللذين استشهدوا في الدفاع عن سوريا في كل العصور ..... ولا شىء في هذه الألوان يرمز للبعث أو للوحدة أو لأي شىء خلافه ... وأسألو من كان به خبيراً .. ( أي سوريا ) ... لذلك اقتضى التنويه .............. وتبقين يا سوريا ...... |
و الله انت يا معلم (جهبز على قولتك ) مخربط بين علم الثورة العربية
الأسود للعباسية و الأبيض للأموية و الأخضر للفاطمية بينما رمز الأحمر للثورة ضد العثمانيين الأتراك. [media]http://www.akhawia.net/attachment.php?attachmentid=17700&d=1155990507[/media] - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - علم سوريا علم سوريا هو علم الوحدة مع مصر باسم الجمهورية العربية المتحدة ورغم الانفصال الا ان العلم لم يتغير يشير الاحمر الى تضحيات الشعب وكفاحه في سبيل الوطن ويشير الابيض للعهد الحالي والامل ويشير الاسود الى عهد التخلف والجمود وترمز النجمتان الى سوريا ومصر ابان الوحدة الجهبز 8) |
| الساعة بإيدك هلق يا سيدي 04:39 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون