|
مخافر و ضباط و رجال أمن أم لصوص و مرتزقة و مرتشون
الحكاية من سيريا نيوز
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - و السؤال أين وزير الداخلية و مسؤولي الوزارة ، لماذا لا يعاقبون هؤلاء اللصوص الذين يلبسون بدلات بلون " خاكي " .. هل يعقل كلما طلب مواطن المساعدة أن يكون الجواب " تعال جيب سيارة و خدنا " أو أن لا يتحرك هؤلاء الأنذال الذين ندعوهم بكل أسف رجال أمن قبل أن " يأخذوا رشوى " أين هي الدولة و أين هذا النظام الأمني الطويل العريض .. لماذا لا يتم اعتقال الفاسدين و تسريح جميع ضباط أي مخفر يتهاون من فيه عن نداء مواطن أو يطلبون قرشاً سورياً واحداً أتسائل هل يعقل أن نظل على هذا الحال و وزير داخلية ذاهب و وزير آت و الكل يعد بمكافحة الفساد ... و السؤال أين أنتم و لماذا أنتم نائمين |
مشكله انو ريف دمشق فيه فساد كتيررررررررر ؟؟؟؟؟؟؟؟؟
حكينا كتيررررررررررر وهاد حديث معظم المواطنين وافراد الشعب وصحافه والدوله باينتا ادن من طين وادن من عجين والمشكله الاكبرررررررررررر انو هل عناصر الامنيه شو عجينتهم ؟؟ هل عناصر الامنيه منين بكوشوهم لك قمه بالحيونه لك بالله اي واحد بيطوع بالشرطه سألو ليش مشان راتب ؟؟؟= يريد ان يرتشي واخت المواطن على اخت الشعب عبيلي جيبي انا بخدمتك ؟؟؟ لاحظ بخدمتك والحل هووووووووووووووووووووووووووووووووووووووووووووووووو وووووووو كيف يختار عنصر الشرطه وكيف يحاسب وما العقوبه ؟ |
اقتباس:
من شان الحكي يلي التو . لهيك الفلكلور تبعنا مخططلو من زمان . وهكذا لا تفكر فيها وتقول من وين عم يختاروهن..........:cry: |
اقتباس:
بس لاحظ انوا اغلبهم مو من سكان المدن مومن اهل الشام ؟؟؟ وهي ظاهره بدا معالجه بس وين البرنامج .... بالله في برنامج لمعالجة هاد يلي اسمه فساد |
التطويع
على الدولة أن تغير كل نظام التطويع ، فلا يمكن أن لا يثق الإنسان برجل أمن
و هم كلهم من بيئات ريفية متخلفة ، و الضباط جلهم من مناطق معرفة فسواء الكلية الحربية أو كلية الشرطة يجب أن تحوي الكفاءات و أصحاب الكف النظيف ، لقد انقرض الاكفاء و أبناء المدن من هذا السلك و هؤلاء هم جزء من الخليط السوري الذي يتم تهميشه و من جميع الطوائف فعلى الدولة ان تعيدهم بزيادة الرواتب و تحسين وضعهم و تخصيص نسبة كبيرة لجميع الطوائف ليكونوا ضباط لأن كثرة العدد سوف تكون النتيجة كما نرى في مختلف الفروع الامنية ..فساد فساد فساد |
لو شفتو مبارح حلقة الأتجاه المعاكس شو كنتو قلتو :cry:
|
اقتباس:
شفتها خيى مش عنكم بسوريا بس عنا بمصر رجال الشرطه ما الا مجرمين ذو سلطه وسلاح لك الله يا شعبنا العربى المقهور |
لابد من وضع اسس وضوابط للحد من عمليات التعذيب المنظم التي تحدث في سجون بلادنا العربية.
|
عوجااا:pos:
|
الرشوة مشكل خطير لكن المشكل الاكبر في الشعب لانه يقبل بها لقضاء مصالحه |
باختصار هدول مافيا لانو العنصر الصغير بياكل وبيطعمي الكبير لتوصل لراس الهرم وطبعا بيختلف المكان شرطة السير الجمارك و .............الخ يعني عوجة والوزير ويلي اكبر منو معهم خبر ومبسوطين لانو نهر مصاري |
طيب رح احكي قصتين صارت معي انا بطرطوس
اول مرة يوم اللي حكيوا معنا الجيران ولحنا كنا برات البيت قال بيتنا عم ينسرق ولحنا كنا برات طرطوس حكينا مع الشرطة قلنا بركي بيوصلوا قبلنا .... قاموا بكل بساطة ردوا : فوتوا على البيت اذا لقيتوا الحرامي ردوا عليني وكانوا عناصر من المخفر الشرقي وقتها المرة التانية : تعرضت بتاريخ 18-4- 2004 لحادثة اختطاف واعتداء بالضرب والكلام البذيء طبعا رحنا قدمنا بلاغ بنفس المخفر قام طلعوا الشخصيات اللي تعرضولي بالخطف والسباب بيعرفوا احد الشخصيات بالمخفر ورغم انو كان في كتلة ضخمة من الأشخاص رايحة معي وانا كنت بحالة صعبة وقتها اثر الضرب إلا انو الجماعة تعرضولي بضغط كتير ضخم مشان اتنازل عن حقوقي ضد الأشخاص واتهموني بأنو القضية اللي ما إلي فيها أي مسؤولية ممكن تتحول لقضية شرف رغم انها ما بتمت بجريمة الشرف بأي صلة . كانوا مفكرين إنو ممكن يمروا عليني بهالطرق وانا رفضت الإمتثال ورفضت إلا ان اقدم شكواي للقضاء وفكرت إنو القضاء عنا قضاء المهم ما زال الشخصين اللي اعتدوا عليني بالضرب أحرار ولم يتعرضوا لأي معاقبة فهذا هو القضاء في بلدي وهذا هو الفساد في بلدي . تحياتي الحارة ظل جيفارا |
اقتباس:
ضحتني بسبعدين اشتهيت ابكي صراحة عن انو قضاء عمتحكي شريك هاد زمن الشبيحة ياباطل الله يعينكون لحنا بالشام مافي شبيحة ومتدايقين كيف عندكم |
مخافر و ضباط و رجال أمن أم لصوص و مرتزقة و مرتشون آخر تلاتة
|
اقتباس:
هي حقيقة معروفة من بعد انقلاب اذار 1963 بدات تصفية حقيقية لكل ابناء المدن من الجيش والامن واحد اهم اسباب هزيمة 1967 هي تسريح الضباط اصحاب الخبرات واستبددالن بمعلمين جابون من القرى وعملولن دورات عسكرية بسيطة وخرجون ضباط مشان ابن المدينة ما بصدق يخلص من العسكرية لانو بيعرف انو الجيش مو الو ومحلو مو هنيك اما ابن الريف فما عندو شي تاني يعملو الا يتطوع بالامن او بالجيش والنتيجة متل ما نك شايف البلد شلون صارت |
ايييييييييييييييييييييييي يييييه
والله بعد ما جيت عالبلد حزنت عالعيشة اللي عايشها الشعب من يوم يوموا يعني ما صرلي بالبلد غيير سنة ونص وعم ابكي على حال المواطن بقى كيف اللي عايشين طول عمرن هون يعني بشوف الشرطة بتقولوا مرحبا بيقلك هات فلوس بتشوف الموظف بيقلك وين الحلوان صارت الشغلة متل الطابع اللي مالو لازمة.......... اجبارية يعني والله بتفوت عالمطار بيستلمك شو جايبلنا معك وشو معك دنانير وريالات ما بدك ياها يعني يا حمار اذا معي فلوس ما بدي ياها رح اعطيك ياها لعمى بتحس ما عندن لا دين ولا حيا ولا اخلاق بدي افهم شلون بيرضوا يطعموا ولادن مال حرام |
أقتباس
بدي افهم شلون بيرضوا يطعموا ولادن مال حرام حبيبي هاد الكلام مالو وجود لا بقاموس و لا بأي معجم لأن هذه النوعية المطلوبة بكل مؤسسات الدولة ناس بلا مبدء |
فساد الذمم
كتب أحد الكتاب العرب تحت عنوان (لو تحدث هؤلاء) :-
قالت المكنسة :-((أفنيت عمري في تنظيف شوارع لاناس غارقين في القمامة ... و الحل عندي ان تستحدث مكنسة لتنظيف العقول من القمامة التي تفكر بدلا عنها)) :larg: |
| الساعة بإيدك هلق يا سيدي 05:37 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون