|
رجعــــــــــت ... وراجع لبنان ...
مرحبا للجميع كيفكن
حابي طمن يلي سأل عني بهيدا المنتدى انو انا بخير بشكر الله ما عارفي شو بدي قول ولمين بدي قول رحلي كتير قرايب وناس عزيزين على قلبي بهلحرب السودا ( كنت ) كتير حزينة علين بس هلء لا لأنو بتيابن على الجنة شهدا وانا بفتخر بالشي يلي صار لانو لحد هلء ولا دولة قدرت توقف العدو عند حدو وبالفعل حزب الله والشعب اللبناني بالاحرى ابطال انا هلء بسوريا والله لولاها كنّا تشردنا ... وتحياتي لكل اهل سوريا الحبيب ويا حيف على البلاد العربية قصدي ( بلاد العدو * ) الباقيين يلي ستسلموا للعدو واجوا ضدنا ما بقدر قول عنن غير جبانين والله شي بضحك بيجيهن الدور انشالله وراجع يتعمر لبنان اذا ما اليوم بكرا واذا ما بكرا يلي بعدو بس بالنهاية رح نكون منتصرين وموتو بحسرتكن وبحسدكن يا عرب قصدي يا جرب :pos: متل ............ وشكر كبيــــــــــــــــــــر للدول العربية يلي وقفت معنا بهيدي المحنة اكتر شي لسوريا وايران وتحياتي للأبطال |
اهلا وسهلا فيكي من جديد شرفتينا ببلدك سوريا
واشتقنالك بالمنتدى |
و لو يا سيلين ...:D نحن اهل و حبايب
شرفت سوريا و الله يرحم شهداء لبنان اهلا و سهلا اختي الكريمة |
انشالله راجع بهمة الشرفاء اللي فيه
وانت ببلدك سوريا |
اهلا وسهلا فيكي .....:D :D
|
اهلين سيلين
ان شاء الله لبنان لح يرجع يتعمر احسن من اول والشي اللي عملوه السوريون معكون هو اقل من الواجب لأنو نحنا اخوة واهلا وسهلا فيكي ايمتى ما بتحبي تزورينا |
كيفك سيلين اشتقنالك من زمان ما شفناكي
أهلين وسهلين ببلدك سوريا |
سوسو اشتقتلك كتير:cry: تحية كبيرة لنصر الامة العربية السيد حسن نصر الله والمقاومة:clap:
:hart: :hart: :hart: :hart: :hart: راجع لبنان:hart: :hart: :hart: :hart: :hart: |
الحمد لله على السلامة :D
|
تحيا لبنان و يحيا شعب لبنان و الشي اللي صار بسورية أنا متأكد أنو لا سمح الله اذا صار شي بسورية لبنان رح تعمل نفس الشي ..
تحياتي الك سيلين :D |
أول شي الحمد لله على السلامة :D
تاني شي العمر إلك بالنسبة للشهداء :D بالنسبة لسوريا نحنا ماعملنا إلا القليل وهاد واجبنا .. كنا متمنى نكون ساعدناكن أكتر من هيك :D والله ينصركن وبترجعوا تعمروا لبنان :D |
اهلا وسهلا فيكي ونورتي بلدك التاني سورية وانشاء الله لبنان لح يرجع متل اول واحسن:D
|
حمد لله على سلامتك سيلين
حمد لله على سلامة لبنان .. وراجع لبنان |
الحمدلله على سلامة كل اللبنانيين اللي ما صرلهون شي
والله يرحم اللي ماتو واهلا وسهلا فيكي بالمنتدى عن جديد ومبروكة تكسيرة راس اسرائيل :clap: |
حبيبتي سيلين الحمدلله على سلامتك وسلامة الغير
والله يرحم الشهدا وان كتير اشتقتلك واشتقت لاحلى ايام سوى.. وان شاء الله منرجع متل اول و احسن:D |
اي الحمدالله على سلامة سلين
وانشالله بترجع لبنان متل اول واحسن بس انتو عليكون تصبرو والله بنصركن والله يرحم الي فقدتيهم وانشالله يكونو شهداء ومتنعمين عند ربهن تحياتي لك القلب المنادي |
| الساعة بإيدك هلق يا سيدي 00:23 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون