|
(فكرة) حياتنا ملك لله أو لأنفسنا
أنا بصراحة ما عرفت وين بدي أحط هالموضوع، يمكن هون انسب شي لانو ثرثرة مع الذات ..
وعفكرا هاد السؤال للجميع من كافة المعتقدات أو الأديان .. انو نحنا كبشر عنا نعمة الحياة أيا كان مصدرها الله ، داروين :lol: ، ........ الخ .. و معظم سكان المنطقة الناطقة باللغة العربية;-) (هي للي ضد العروبة) بآمنو بالله .. اللي بدي ركز عليه انو ليه هالشعب لا مبالي وسلبي دائماً، وما بتلاقي على لسانو غير انشاالله، توكلنا على الله، الحمد الله..الله الله الله .. يعني هالله صار شي سلبي يا جماعة. أنا مو ضد هالشي كونو هالشعب بآمن بالله .. بس هالاتكالية على الله خلت هالشعب في منتهى الكسل واللامبالاة والجهل. مثلاً:بتسأل فلان كيف عملت بالامتحان بقلك الحمدلله .. بتقولو طيب درست عليه بقلك توكلنا على الله .. بتقلو يعني بتجيب علامة منيحة بقلك انشالله .. يعني بتطلع من كل هالحديث بدون اي معلومة .. وقيس هالشي عكل شي.. وبتعرفو شو الأسوأ من هيك .. انو صايرة الناس ما تفكر بهالحياة اللي عايشينها إلا بالأكل والشرب والنوم، وكانو هالحياة لا هدف منها .. وقال ليش قال المهم الآخرة .. والدنيا والحياة اللي عايشينها هلا هاي مو مهمة؟ لنفرض جدلا انو هالحكي صحيح وانو في آخرة ، طيب مهو اذا ربك اعطاك الدنيا ليش ما تعمل فيها شي مفيد، يعني اكيد اعطاك ياها لسبب وبس تيجي الآخرة لوقتها فرج. يعني سخرو فكرة الله والايمان لشي مفيد مثل قلة كتير قليلة من هالشعب اللي ما خلو ايمانهم بالله عثرة في طريق قضاياهم بل دعم لالها. بس لا حياة لمن تنادي. انشالله بينتصر حزب الله الله بينصر العرب الله بيحرر القدس الله معنا وهو هالانسان ما عندو استعداد يقوم عن التلفزيون . انو الواحد بصير يفكر انو هالله شخص بحارب وبيفاوض .. وسياسي ومناضل .. ولا شو؟ لك الله لو عارف انو هالبشر بدهم يطلعو هيك انا بقول كان ما خلقهم من الأساس. الحياة رسالة يا ناس وكل انسان الو دور اساسي فيها مهما كان بسيط ..بس بلا ما يكون تافه. |
مرحبا
يعني موضوعك ممتاز عن جد بس انت معترض انو الله بيدخل بكل شي اصلا لازم تون المشيئه محور حياتنا لانو كل شي بحياتنا بايد الله وحده اوكي الله ئال اسعي يعبدي وانا بسعى معك مئال لعئد وانا برزيئك وانت ئاعد بس لو اشتغل ليل ونهار والله مو رايد يرزئو بهلله والله ماهو مخده ولا محصل ائل منها بس الوضع الي احنا فيه فارض علينا هاد الوضع وبعدين كيف بتحكي انو لو الله بيعرف انو احنا هيك ماكان خلئنا يعني شو هالحكي الله هو الي خلئنا ومابدو بعرف كيف بدنا نعيش وشو بدنا نعمل بس وجهة نظرك وصلت انت بدك الناس تتمرد تعترض على وضعها وهو هاد المفروض بس الله مو رايد شو بدك تعمل |
اقتباس:
اقتباس:
اقتباس:
اقتباس:
اقتباس:
|
انا اسفه مانتبهت لانو الموضوع شدني ومانتبهت على الاسم
بس متى الله بريد هاد بعلم الغيب والله الو حكمتو بكل شي في هالدني هي والله يهدي الجميع يارب بس الاكيد انو حياتنا ملك لله بدون نقاش بس الله خيرنا ماسيرنا خيرنا نختار طريقنا ان كان خير ولا شر وبنهايه في اخره وفي حساب وعقاب |
اقتباس:
وشكرا لمشاركتك .. بس انا هاد رأيي الشخصي، ويا ريت هالناس تنتبه شوي لحياتها اكتر.. |
اقتباس:
اما الله سبحانه تعالى لا يملك الا ان يتفرج هيك انا شايف الوضع من عندي؟؟؟!!!!!! |
اقتباس:
|
شو بدي قول لقول
الله وبضل قولها لغاية اخر يوم في عمري لاني بدون ذكر الله انا ما بسوى شي.بتمر ايام شدة مابتلاقي حدا يفهمك او يقدر حزنك غير خالق الكون.وبفضلو بيزولو احزاني.لاني بنيتي بلجأ ليه.وتذكري عزيزتي طول مااشخص مو عامل نيتو السليمةليللي خالقو ما راح يرتاح ودايما راح تراودو اسئلة من هو الله وليش مااستجاب بسرعة لامنياتي ............ :D :D :D :D تانكس نيرفانا:D |
اقتباس:
وفعلا اعمل لربنا بتلائي ربنا ئدام عنيك ناصرك بازن الله |
اقتباس:
المفروض الموضوع ده كان يتحط في قسم علوم وفلسفه لانه سؤال فلسفي بالنهايه وردا علي الموضوع العرب اصبحوا بالشكل اللي شايفينوه عندما اصبح الدين قوميه ودخل الدين في مجالات علميه وسياسيه وفلسفيه.....الخ ولا يعرفوا ان الدين ماهو الا علاقه الانسان بالرب فقط لا دخل كل الاشياء السابقه فيه عنما يخرجون الدين من هذه البوتقه من الممكن ان نقول ان العرب سوف يفعلون شيء وشكرا مع احترامي لاراء الاخرين :D |
اقتباس:
|
اقتباس:
بس المشكلة انو ماحدا رح يسمع الانسان (خلق) قبل الأديان , و الدين وجد لخدمة الانسان .. مو الانسان لخدمة الدين - |
اقتباس:
|
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
:D هاد يا ستي هداك اليوم كنت عم احكي تلفون مع ..:sosweet: .
المهم..كان عندي امتحان تاني يوم..قلي قومي ادرسي قلتلوا ان شاء الله.:pos: .. راح قلي...اي طبعا... ( اذا جبنا علامو بنقول نحنا درسنا..واذا رسبنا بنقول هيك الله بده.... اي شو هـ الله شقد متحمل منا.:x .!!!) فانا صار فيني...هيك.. :? :shock: كلمة ان شاء الله صارت بتنحكي بمعنى..dont even think about it:o وانو بنرمي كل شي ع الله .;-) . اي نحنا بدنا حد نرمي عليه وليكو جاهز ...:p . بالنهاية انا مع انه كل واحد يشتغل باخلاقه بعيدا عن الله وتوابعه..:D .. (تعليق: هديك اليوم ع المنار ..لقاء مع حج بمدينة صور..بيساله المذيع ليش ما طلعتو لساتكن قاعدين مو خايفين من القصف؟ راح جاوب الحج... ليش نخاف اذا الله و حزبه معنا..هيدي عجبتننننننننننني.:lol: .) |
كل الموضوع رائع..
بس هالجملة حزت بقلبي كتير وغصصتني اقتباس:
الله تعالى ..قال إعمل وتوكّل... قال خذوا بالأسباب... لكا واحد كسلان وطول السنة متقاعس عن مهمته...بس يا أخي الزلمة مؤمن انو الله بده ينجحه...ومعتمد على الله...بيقوم بالأخير بينجح...................لا والله ....ما بينجح...ما بينجح.... لكا اللي قاعد طول الوقت لا شغلة ولا عملة ...غير مشغول بهالدني وملهياتها....وما بأدّي لألله فرض ولا من يحزنون...الجي بيقلّك الله بيرزق..الله بيعطي.......لك شلون الله بدو يعطيك وانتا ما عم تعطيه من حقوقه عليك....ولك مو بس هيك انتا ما عم تسعى لرزقك؟؟ لكا اللي قاعد متخبّي ببيته متل اليهودي المرعوب...وبلاده عم تنقصف وهو شب وبيقدر يجاهد ويحمي وطنه ...بس يا أخي خايف على حاله....بس هو مؤمن انو الله بده ينصره.....ولك شلون الله بينصرك إذا ما عم تتحرّك من محلّك؟؟؟ ولك إسعى يا عبدي....إسعى يا عبدي....إسعى يا عبدي ..لأسعى معك... معك حق...التوكّل على الله صار مفهومه خاطئ عند الناس اللي إيمانهم ضعيف وعم يتخبّوا بستار الدين...,,, ونحنا منلوم الله بالأخير ليش ما نصرنا وليش ما نجحنا وليش ما رزقنا ...وليش عاقبنا؟؟وليش آخدنا أحبابنا...!!!!!!!!!!!!!؟؟؟!!!!!! وهاي الهاوية عم نوقع فيا....وهي هاوية من هاويات الدني..... اني نلقي اللوم على الله ....ونقول والله يالله أنا دعيتك (بس ما درست)..انتا ليش ما نجحتني؟؟!!!! ما بعرف اذا هيك كان قصدك من هالموضوع... وشكراً كتير.. وبتمنى أكون قدرت أفهم اللي بدك تقولي.. وان شاء الله كل إنسان يآمن انو الله معو ويسعى على هدفه والله ما بيضيع تعب حدا...وكل شي خير بحقّ الإنسان مهما أصابه من سوء.....وأكيد نحنا منتوكّل على الله ..لأني بلاه سبحانه ما منسوى شي ولا منقدر نعمل شي...بلا رضاه وتوفيقه...... كل الود:D |
عندك كمان
سورية الله حاميها.. مو هيك نيرفانا؟؟ |
اقتباس:
سوريا بارواحنا بنحميها :D |
| الساعة بإيدك هلق يا سيدي 02:32 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون