|
كفار صليبيون وإسلاميون فاشيون
هكذا أصبح الحديث السياسي هذه الأيام، فبعض الجماعات الاسلامية وعلى رأسهم تنظيم القاعدة وأذياله (الأغبياء برأيي) يلقبون أمريكا وأتباعها بالكفار الصليبيين.
ومن جهة أخرى يقول جورج بوش (الغبي برأيي) عن الاسلاميون إسلاميون فاشيون. أين المنطق وحرية الاعتقاد من هذا الكلام؟ لماذا نصر على مزح الدين بالسياسة ؟ لماذا نطلق تعميمات وتسميات عامة لا تزيد إلا الشقاق والعداء؟ لم لا نجعل اختلافاتنا نظيفة بدون ذم او إساءة؟ فلا الشعوب الأمريكية والأوروبية كافرة، ولا الشعوب الاسلامية فاشية. فهذا تعميم بعيد كل البعد عن المنطق والفكر الواعي، ويتجاوز ويتجاهل حرية الانسان بالاعتقاد بشكل فادح، ويسيء للأديان (ومع العلم باني لا أؤمن بالأديان إلا أني أحترم اعتقاد وإيمان كل إنسان) ومن هذا المنطلق هذه الألفاظ والتعاميم مرفوضة وتسيء لأي انسان. لكن اذا كان بعض القادة وأصحاب السلطة يستخدمون هذه الطريقة الدنيئة والغبية والمستفزة، فهل يعتب على أفراد قد يكون بعضهم جاهلاً، أو حاقدأ، أو ببساطة ساذجاً؟ فلنترك إيماننا وأدياننا واعتقاداتنا على حدة، ولنفكر كإنسان.. ولنحاول ألا ننجرف وراء هذه المفاهيم حتى لا نزيد أنفسنا حقداً وكرهاً وفرقة وعداء .. فنحن شئنا أم أبينا أبناء همٍ واحد .. (يعني محسوبين على بعض). |
سبقتيني وكتبتي يلي بقلبي كنت بدي قولو
بهنيكي على الموضوع الحلو:D اقتباس:
اقتباس:
لكن ذئاب تريد النهش من لحم البشر لكي تشبع غرورها وغطرستها اقتباس:
وهذا ما تريده الصهيونية العالمية ان يكون دائما خلافات ومشاكل ونزاعات لا احد يجد مبرر لها لكي تظل مسيطرة على العالم ومتى وصلت الشعوب الى الانهاك و التعب فانها لن تستطيع التفكير بشي ولم تعد قادرة على التصرف وميزانيتها دائما خالية .... فهنا تلجأ الى الصهيونية لكي تحكم بين الشعوب وبهذه الطريقة تكون سيطرت على جميع العالم اقتباس:
اقتباس:
لكن ليس من المفترض تحديد الايمان فكل انسان له حرية الايمان بأي شيء يرده على ان يكون انساني همنا الوحيد هو الحرية ان كنا محسوبين على بعض او لا ودائما سيظل الهم موجود والسعي لاجل الحرية وسيظل دائما هناك اصوات تنادي لاجل الحرية شكرا نيرفانا على الموضوع الحلو:D |
اقتباس:
كلامك صحيح وتمام .. ورح تضل الحرية هي الهم الانساني المشترك لكل انسان واعي .. وحر.. وكل انسان عندو اعتقاد بشي، وفي كلمتين بيخطرو على بالي هلا: - احترام الآخر. - وعامل كما تحب أن تعامل والرد اللي احتفظت فيو يا ريت تبقى تحكي لما يصير الوقت اللي بناسبك .. لانو كلامك مهم ولازم الكل يسمعو .. وبالنسبة الي أنا عقيدتي الانسانية ورسالتي الحرية. |
اقتباس:
لكن نيرفانا انت ايش بتقصدي بالحريه لانه بعتقد انه الحريه اذا لم يكن لها حدود وحواجز اصبحنا كالحيوانات |
اقتباس:
اذا جمعنا الحرية مع باقي القيم الانسانية فلن نكون كالحيوانات وحدودنا ستكون ضمن نطاق الاحترام للآخر ولحريته، وبالتالي حققنا هدفنا بأن نعيش جميعاً بحرية. |
اقتباس:
شكرا علي هالكلام الممتاز والجيد:D |
هيك و بدون ما طول و قصر بالرد .. في تناغم و تشابه و تعاضد و تنسيق بين الجهتين يعني القاعدة و جورج بوش . و بالتالي مو غريب يطلع في تشابه ببناء النعوت و الأوصاف .
|
اقتباس:
مزبوطة وتمام التمام :gem: |
اقتباس:
|
اقتباس:
|
وانا كمان ضدد الدمج بين الدين والسياسة ما هم عا حساب علمانين :pos:
|
بما انو العرب متعودين يحاربو باسم الدين ولولا العقيدة الدينية ما بحاربو فليش لنستغرب من الغرب انو يحاربنا بنفس السلاح و خاصة انو الحروب الدينية هي حروب عنصرية و الديمقراطية والحرية و حقوق الانسان يلي المجتمع الغربي بيؤمن فيها بتحارب العنصرية.
|
اقتباس:
بس ما تنسى انو المجتمعات الغربية عندها عنصرية كبيرة .. والمجتمع الامريكي تحديدا موجه من قبل الإعلام لتكريس العنصرية لديهم ضد العرب والاسلام شو ما كانو. وكمثال كمان في دول في أوروبا متل فرنسا ، المانيا، وغيرها يرفض مواطنوها انو يتحدثو بلغة غير لغتهم ، ولو حتى يساعدو سائح، وبيكونو بيعرفو اللغة الانجليزية.. |
انا معك تماما بس مشان التوضيح
1. ان النعت حروب صليبية صحيح مئة بالمئة ليييش لانو في تشابه بالهجمة الاستعمارية القائمة الان "وماحدا يقلي ما في .. الحكي عن شرق اوسط جديد و ما بعرف شو" اي التشابه مع الحروب الصليبية على المشرق العربي قائم وواضح تماما و ما بظن انو هاد الحكي فيه اساءه يعني وين الاساءة اذا الامر مظبوط وشو علاقة الدين بالسياسة بهاد الكلام .. بغض النظر مين عم يحكي هاد الكلام .. مع اعتقادي انو كل مواطن عروبي بيقول هيك ... مع تاكيدي انو حكي "الصليبيين الكفار" ينطبق فقط على الادارة الامريكية والمحافظين الجدد ولا يمكن تعميمه على الشعب الامريكي 2. الرئيس الامريكي يللي ما بيفهم شي وما بيعرف شو يعني اسلام كات قصدوا بهاد الحكي ع "القاعدة" و برايي كلنا ضد التعصب و الفاشية الموضوع حلو و لكنها انطلاقة غير موفقة لتوصيل الفكرة..................... |
اقتباس:
:shock: :shock: :shock: بزماناتو جماعة الضرايب دقو تلفون لواحد اميركاني, قالولو انو الارض تبعك لهلق ما دفعت عليها ضريبة واذا ما بدك تدفعها بدنا ناخدها منك قلون ماني رح ادفع وخدوها, وبيعوها كمان, بلكي بيجي شي واحد عربي بياخدها (طبعا عم يحكي بمهزلة) قام قالولو بسبب اخر جملة قلتها نحن رح ناخد الارض لانو اللي قلتو في مخالفة للقانون........ ومن هالحكي وراحت الارض من ايدو الشغلة صارت من شي سنة تقريبا واحد بيشتغل بالضرائب هو اللي حكالي ياها الي تلت سنين باميركا بحياتي ما شفت شي عنصري من حدا هون :shock: |
اقتباس:
1. ليش ما تسمى الامور بمسمياتها من قبل الطرفين (تنظيم القاعدة) و(الولايات المتحدة الأمريكية)؟ 2. الصليب رمز للمسيحية. 3. التعميم يؤدي إلى الإساءة لأبرياء وأشخاص عاديين. 4. المسؤولون الأمريكيون قد يكونو اشرار لكن ديانتهم المسيحية أو اليهودية وبالتالي هم ليسو كفار. 5. القاعدة إسلاميون، لكن ليس كل من يدين بالدين الاسلامي هو قاتل أو مخرب أو شرير. 6. أميركا دولة تسعى إلى السيطرة على العالم، وتنظيم القاعدة كان عميل لأميركا وانا برأيي مازال بطريقة مباشرة أو غير مباشرة، والاثنان وجهان لعملة واحدة.. الخراب والتدمير والبقاء للأقوى حسب شريعة الغاب. 7. هما تنظيم عنصري ودولة عنصرية. 8. نحنا يمكن نعرف مين كان مقصود بهالتعميمات بس في شعب غير واعي لهالشي من الطرفين، فبصير يعتقد المسلم أنو المسيحي والغربي والأمريكي كافر، وبصير الامريكي والغربي يفكر انو الاسلام جميعهم قتلة ومخربون وأشرار. وهالشي مرفوض بس هو اللي عم بيصير وما حدا بيقدر ينكرو . |
اقتباس:
بس أمثلة: معاناة السود من عنصرية البيض ومعاناة العرب وخصوصا الاسلام منهم بعد أحداث 11 أيلول. فرنسا وقضية الحجاب. |
اقتباس:
مابنفي انو في نوع من التمييز بين الاسود والابيض. بس في كتير قوانين محاسبة لهلشي بالنسبة لمعانات العرب والاسلام بعد احداث 11 ايلول. باميركا قصدك؟؟ لهلق العرب والاسلام عم يهاجرو على اميركا وما تغير شي بالنسبة الهون انا هاجرت بعد 11 ايلول في عنا كتير مغتربين باميركا بالمنتدى. بظن انو النسبة الساحقة منهون رح يقلولك انو ما واجهو اي مشاكل باميركا (من ناحية العنصرية) اقتباس:
فرنسا ما منعت الحجاب بس وما منعتو بكل الاماكن.و كمان ما منعت الهلال. منعت طاقيتو لليهودي منعت الصليب الكبير كمان منعت كتير اشياء ممكن تسبب عنصرية تجاه الشخص |
| الساعة بإيدك هلق يا سيدي 00:44 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون