|
سؤال منطقي .... من أوجد الخير والشر
هلأ الكل عندو إيمان انو في شي اسمو (خير) وشي مغاير للخير اسمو (شر)
الطبيعة الانسانية دايما بيتجه نحو الخير. سؤالي يا احبة انو مين وجد الخير والشر بالدنيا أو العالم؟ اذا قلنا انو الخير مخلوق والشر كمان مخلوق طبعاً الخالق هو الله فهالشي رح يتناقى مع صفاتو لانو هو الخير الكلي ومن الغير الامكان التصور انو هو خلق الشر؟ فيا ترا من أين ولد الشر والخير ؟ |
الشر ما هو موجود
الشر هو بس عدم وجود الخير متل الليل ما هو إلا غياب النهار والعتمة هي عدم وجود الضو أما مصدر الخير فهو بلا شك الله سبحانة وتعالى خلقو في داخل كل انسان |
يا رفيق أسير، الخير والشر نسبيين وبيتغيروا مع الزمان والمكان.
وهي متاليين صغنونين : الزمان : لم يكن شراً في الماضي أن تزوّج البنات وهن طفلات كما فعل محمد بن عبد الله مع إجدى زوحاته التسع أو الإحدى عشر (بحسب "المراجع") والتي كان عمرها عندما تزوجها 7 أو 9 سنوات (كمان بحسب "المراجع") ، أما الأن فهذا الأمر يعد شرّ ومحرّم في كلّ مكان. المكان : ما هو شرّ في البلدان الاسلامية يُعَدّ خير في غيرها (أمريكا مثلاً) كالزواج من أربع نسوان وكالموقف من اسرائبل ولحم الخنزير ... الخ الخ. يلا حبيب بالتوفيق. |
اقتباس:
والشر شي والخير شي وكلاهما موجود والكلام عند علماء المنطق وعدم وجود الخير طبيعي رح يكون في شر... وهيك نستنتج انو في شر مو هيك يا منوشه؟ |
اقتباس:
بس بعتقد انو البشرية لو قدرت تحوّش اجوبة لهي التساؤلات كانت حققت انتصارات كتير كبيرة يعني البشرية حلمها تقدر تتوصل لهيك نتائج فما بقدر لا انا ولا حدا من الأخوية ولا حتى من البشرية يقدر يجاوب عل شؤالك |
اقتباس:
|
اقتباس:
|
اقتباس:
وكمان الليل مافينا نقول انو هو ببساطة غياب النهار لانو هو حالة قائمة بحد ذاتها وناتجة عن دوران الارض والشمس والكواكب وبالنهاية الخير والشر التنين موجودين بس اذا بدنا نقول من وين اجو فهي صعبة عليي :( |
لهلأ السؤال مطروح عن الخير والشر
|
الخير مخلوق وموجود والشر كمان
لوما الشر كيف كان بدك تعرف انو هيداك خير ولولا الحزن كيف كان بدك تقدر قيمة اوقات فرحك لازم التناقض ولولا الشر و الفجور والسوء كيف كان بدنا نعرف برحمة الله هيك يعني كلو لازم وكلو مطلوب وكمان لوما الشر ما كنا بشر كنا صرنا مثاليين |
اسير فيه عبارة بتوقيعك كتير حلوة
لا تحدثني عن الحب دعني اجربه بنفسي بتسمحلي استعيرها؟؟؟ |
اقتباس:
يا ترا هالقول ما بيتنافي مع ذاته؟ لانو هو مطلق الخير فكيف هو راح خلق الشر؟ اقتباس:
|
[QUOTE ترا هالقول ما بيتنافي مع ذاته؟ لانو هو مطلق الخير فكيف هو راح خلق الشر؟][/quote]
بالعكس هي من مبدا اثبات الأمر من خلال وجود النقيض اي الخير المطلق بالنسبة للبشر هلق نحنا شو منعرف عن الله الا القليل القليل يمكن مشان شي نحنا ما منعرفو (هيدا رايي الشخصي ويمكن صح ويمكن لاء) اقتباس:
|
اقتباس:
|
اذا العاشق بدو يحكي ل حبيبته
ما في مشكلة بس اذا غير هيك ما في داعي:lol: |
اقتباس:
هاد ياسيدي المخلوقات كلها (الاقل تطورا من البشر)عندها تصرفات شريرة بس بغير قصد شرير يعني مثلا الحيوانات العاشبة بتاكل الشجر وغالبا بتتسبب بموت الشجرة او العشبة لحتى بس هيي تستمر بحياتها والحيوانات اللاحمة بتقتل الحيوانات التانية وبتاكلها كمان بس لحتى تستمر..... يعني بالطبيعة في قتل واللي هوي شرير بس غير اجرامي (اذا فينا نسميها هيك ) بعدين اجى جدنا الانسان الاول وتطور عن هي المخلوقات وضلت عندو هي النزعات الشريرة بس طبعا تعقدت اكتر وفقا لتعقيد نفسية الانسان بالمقارنة مع نفسية الحيوانات البسيطة وهيك فات بصراع الشر والخير وولد الشر والخير :? شو رأيك بهالتفسير؟؟ |
بعتقد انو ما ممكن نعرف نعمة النور لو ما شفنا الظلام وما ممكن نقدر جمال اللون الابيض بهجته لو ما قارنا بين بياضه وسواد اللون الاسود
لذلك لا تستقيم فكرة الخير وجودا بمعزل عن وجود النقيض ليعرف البشر شو الفرق بين وبين شغلة تانية الشر خلق لتميز الناس بما انو الانسان عنده خير بالفطرة اذن الشر استثناء على الاصل وبما ان الشيطان هو محرك الشر الاول اذن فكرة الشر كاستثناء على الاصل وتعلقها بالشيطان تبرهن على الفرق بين الخير والشر موضوعك حلو كتير اسير لكن بدو ناس مصحصحة ومحسوبك نص نايم هلاء لكن ما بقدر مر على موضوعك بدون ما شارك تحياتي للجميع :D |
شكرا اسير كتيير الموضوع حلو :D
واخيرا قررت ارد عليه :lol: في قول لرسولنا الكريم صلى الله عليه وسلم يقول ( كل انسان مولود على الفطره ،..........) والفطره هي الخير اكيد بس الشر اللي بيسير بالانسان اكيد نتيجه ظروف صعبه عاشها بحياته ولدت عنده الشر !!!!!! شو رايك ؟؟؟؟؟؟ |
| الساعة بإيدك هلق يا سيدي 13:19 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون