|
لشو التغيير | شربل روحانا
2 ملف مرفق .
غنية كتير حلوة ..( نصيحة أبو نهلا ;-) ) لشو التغيير شربل روحانا إسمع تفرح جرب تحزن يللي عم تاكل عم تشرب بأي مطعم كنت مندقلّك ونغنيلك وبنسهر نحنا وإنت هني الأكلات ذاتن والغنيات ذاتن حتى السميعة ذاتن لشو التغيير. يللي عم تكدح يوميه وبأيّ شغله كنت كنو فكرك إنو بكرا بيحمينا نحنا وإنت هنّ الأوادم ذاتن ما بيحميهن غير ذاتن بيضلوا هنّ ذاتن لشو التغيير يللي عم تطمح عا الفاضي من أيّ ديانة كنت المستقبل مثل الماضي والحاضر هو إنت هنّ الطوايف ذاتن وبيجتمعوا مع ذاتن حتى يختاروا ذاتن لشو التغيير يللي عم تنطر بالفيّ تحت العريشه كنت بشي علاقه رومانسيه مع أحلى وأجمل بنت هنّ البدايات ذاتن والنهايات ذاتن حتى لو مانن ذاتن لشو التغيير يللي عم تحلم ليليّه وبأيّ فرشه كنت بشي صبيه هيفاويّه تا تنسى وينك إنت هنّ الصبايا ذاتن وحتى البوسات ذاتن بما إنو هنّ ذاتن لشو التغيير يللي عم تحصر أفكارك على أيّ محطة كنت مهما تحصر مهما تحلل رح تبقى حيثُ إنت هنّ اللي بيحكوا ذاتن وما بيسمعوا غير ذاتن خذهن على علاتن لشو التغيير يللي عم تسعى للهجرة على أيّ دوله كنت مهما تسعى أنا بالعشرة ببصملك وين ما نزلت هنّ البلدان ذاتن شمالاً وجنوباً ذاتن شرقاً وغرباً ذاتن لشو التغيير |
ميرسي ابونهلا....كلك ذوق و مفهومية:D :D
|
شكرا كتير لإلك:D
|
معلمممممم
يسعد ربك وربو |
اقتباس:
|
بصراحة كنت ناوي نزل الغنية و فوت نام
بس مافيك تسمع هالغنيةبدون ماتقول يسلمو عن جد غنية روعة |
الغنية بعد ما سمعتها لأني اذا بدي حملها هلأ بدها تسحب معي للصبح
على كل حال بحملها بغير يوم بس اخي ما في كلام اكيد رح تكون حلوة لك هاد شربل روحانا مو حياللا |
اقتباس:
|
رجعتو حبيب ;-)
اقتباس:
|
الملف غير قابل للتحميل
بعد التحية و السلام،
ارجو منكم المساعدة حيث انني حاولت تحميل الاغنية اكثر من مرة دون اي نتيجة! ارجو منكم مساعدتي و ارسال كيفية تحميل الاغنية و لكم جزيل الشكر |
اقتباس:
لأنو أنا من الصبح صاير معي نفس الشي |
المرفق شغال تمام وهاي انا حملتو وسمعتو ...يبدو انو في مشكلة من عندكم ....:D
سؤال لأبو نهلة : هلق في مقطع : يللي عم تحلم ليليّه وبأيّ فرشه كنت بشي صبيه هيفاويّه تا تنسى وينك إنت هنّ الصبايا ذاتن وحتى البوسات ذاتن بما إنو هنّ ذاتن لشو التغيير حاسس انو هاد صوت زياد ...معقول ؟ بعدين شربل روحانا بغني شي مقطع بهالأغنية شي ؟؟وللا بس عزف ؟ سلام:D |
من ناحية زياد لاء مافي زياد ابدا
و شربل عم يغني بس لا تسألني بأي مقطع :lol: |
عنجد الاغنية رائعه جدا
شكرا الك خيو |
كتير حلوة يمعلم
والمدير تاعي كتير فرحان بالغنية |
دخيلك يا شــربل
البلاد ذاتهن...؟ و الا كاس وسكي خلاّنا نحكي هيك شراب قد ما بدك البلاد ما رح تكون ذاتهن سوريا هي البلاد لا اميركا و لا غيرها |
فعلا لشو التغيرر !!!!!
ما هن البدايات زاتون والنهايات زاتون حتى لو منن زاتون لشو التغيير |
مرسي كتتتير :lol:
|
| الساعة بإيدك هلق يا سيدي 06:29 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون