|
جبهة الجولان
مع استمرار الحملة الهمجية الصهيونية ضد أشقائنا اللبنانيين, تتصاعد الأصوات من داخل و خارج سوريا مطالبة بفتح جبهة الجولان أمام المقاومة.
أود استطلاع رأي الأعضاء الأعزاء حول هذه المسألة: هل ترى أنه على النظام السوري فتح جبهة الجولان؟ تحت أي ظروف و بأي شروط ترى أنه يجب أن يتم هذا الأمر؟ ما تداعيات هذا الفعل في حال حصوله؟ بانتظار آرائكم |
أنا متمني وبطالب بفتح الجبهة السورية على خط الجولان ..بس مش بالوقت الحالي
لأنو أكبر غلطة منعملها هلق أنو نفتح الجبهة السورية .. الجبهة السورية لازم تكون شغالة من كذا سنة |
انتو نسيتو انو في اتفاق وقف اطلاق نار بيننا وبين اسرائيل
يعني اذا فتحنا الجبهة بكون الحق علينا اما اذا بدنا ندخل بحرب شي تاني |
ما هو بكل حال شو ما عملنا الحق علينا
|
اقتباس:
اذا قدرنا تنحرك صح ما بكون في حق علينا اما اذا متل العادة ف ههههههههه بسلامتك;-) |
لا اعتقد ان فتح الجبهة سيخدم سوريا أوا لبنان ... لا على المدى القريب و لا على المدى البعيد
فإذا كان الهدف فقط على المدى القريب و هو إلباك إسرائيل بفتح جبهة ثانية... فهذا لن يحصل و إسرائيل لن تتأثر... بل على العكس قد تتدخل أميركا أيضا. و إسرائيل في السابق صمدت أمام جبهتي مصر و سوريا و سابقا أيضا أمام 3 دول عربية... فلن يصعب عليها بعد 30 سنة أي شيء من قبيل الحروب النظامية و على المدى البعيد.. نحن مصلحتنا السياسة أن نلعب دور الأب الكبير الحكيم الوحيد القادر على احتواء هذه الأزمة... و بذلك يعود لنا بعض النفوذ السياسي و تتغاضى عنا أميركا... على الأقل لبضعة سنوات قادمة علينا الان فقط ان نجلس بكل هدوء و نأمل أن يصمد حزب الله لأطول فترة ممكنة... بحيث تطلب منا أميركا و إسرائيل المساعدة و التدخل... هذه فرصتنا الوحيدة للنجاة من هذه الكارثة أما جبهة و ما جبهة... فهذا كلام حماسي اندفاعي فقط من نواب مجلس الشعب الإسلاميين (محمد حبش) ... لكبس بعض النقاط ... و لكن كله كلام فارغ |
اقتباس:
وكمان متل ما قلت أنو نحنا غير قادرين على أخد قرار يفتح الجبهة لأنو برأيي فتح جبهة الجولان يعني حرب مرعبة رح تخلط كل المنطقة ويمكن العالم لأنو دخولنا بحرب يعني دخول إيران معنا ويعني تدخل أمريكي وبهالحالة روسيا والاتحاد الأوربي ما رح يسكتو (يعني مو بالضروري يخوضو الحرب) وكمان الصين لأنو اذا سيطرت أمريكا عالمنطقة (حتى ولو بطريقة غير مباشرة) فمصالح هاي الدول رح تتضرر كتير وكمان أمريكا رح تصير القدم الوحيدة بالعالم بدون منازع ...فأنا هيك رأيي أنو أساساً هيك قرار كبير علينا ومتل ما انت حكيت أنو من غير الحكمة أنو نفتح هالجبهة ومتل ما قلت أنو نحنا اللي علينا نعملو أو اللي قادرين نعملو أنو نتفرج من بعيد ... هلأ يا ريت ما تفهمو كلامي غلط أنا عم حاول أحكي بطريقة واقعية .... |
يعني اذا في سبب كافي و مقنع للبنانيين ليرفعو راسون هو أهل الجنوب ...
يا ريت لو كان أهل الجولان متل أهل الجنوب .. مو المقصود الناحية الطائفية طبعا .. المقاومة ما بدها انتظار القرارات الحكومية , و بيجوز يكون العكس ,,, يعني المقاومة بدها تجاوز القرارات الحكومية ... ملاحظة: ثمن الحرية أكبر من مخنا و تصورنا و اذا الأخوة أو بعض الأخوة اللبنانيين مو عاجبهون وضع بلدهون مدمر بأيدي اليهود والاسرائيليين , يتفضلو يعيشو بالبلدان العربية المنهوبة حتى الدمار بأيدي المسلمين و العرب. |
الجبهة السورية اذا انفتحت ماعاد تتسكر
مشان هيك لازم سوريا تكون على اهبة الاستعداد لحرب استنزاف طويلة ومااظن ان الوقت الحاضر يساعد بهدا الشي بسبب المشاكل المحيطة من ضمنها العراق ومشكلة لجنة التحقيق في مقتل الحريري بالاضافة الى الضغوط الامريكية المسعورة والمستمرة .... |
المهم ما حدا يقرب علشام "دمشق" ....
|
العبرة لازم ناخدها من معارك مارون الراس بين اسرائيل وبين المقاومة واللي بينت تفوق حزب الله بحرب العصابات والحرب البرية اما من ناحية السيطرة على الجو فبعتقد انه باينة للجميع التفوق لمين .
لذلك الحل الوحيد للجولان المحتل هو المقاومة الشعبية القائمة على حرب العصابات متل التكتيك اللي استخدمه الشيوعيين بحرب الفيتنام ضد الامريكان وغير هيك لازم مانفكر بشي اسرائيل ولا ممكن انها تتخلى عن الجولان ما اخذ بالقوة لايسترد الا بالقوة تحياتي |
اقتباس:
هلئ اذا قصدك مشان الرادار يلي انضرب بضهر البيدر سنة 2001 فأنا بأكدلك انو ال م.ط ضلت ساعة وربع عم تمنع الطيران من استهداف الرادار وهي المعلومات مو قيل عن قال هي المعلومات مني انا لأنو انا كنت على اطلاع بحيثيات الموضوع اما ضربة عين الصاحب بوقتها كان في وضع اقليمي جديد بالمنطقة منع اي رد على الضربة على كل حال انا ما عم برر لحدا بس هالمرة مو متل كل مرة والله اعلم |
اقتباس:
|
اقتباس:
|
اقتباس:
المقاومة لاتتجزأ يامقاومة ياخنوع تحياتي |
اقتباس:
|
اقتباس:
حزب الله مابعمره قال انه عم يجاهد في سبيل النظام اللبناني لا وبالوقت الراهن حزب الله عم يحمل نتيجة العدوان وهو ماشي بالمواجهة والمقاومة القصة مو قصة نظام ورجال نظام القصة بالعزيمة والاصرار تحياتي |
و الله يا اخي العزيز الجيش الاسرائيلي هوي احسن جيش بالعالم بشغلة حرب العصابات... نتيجة 50 سنة من الخبرة بالتعامل مع الانتفاضة و المقاومة الفلسطينية... اسلحتو و سياراتو كلها مبنية على اساس حروب الشوارع... و ما بظن في جيش بالعالم عندو خبرة اكتر منو بهيك امور !
بقى كمان هاي ما رح يمشي حالا معنا... الشي الوحيد يلي بيمشي حالو هو قدرة التهديد النفسية لسكان حيفا و تل أبيب... هاي نقطة ضعف اسرائيل الوحيدة بنظري... نحنا على قد ما أكلنا خبط من حكوماتنا و من غيرنا.. صار عنا مناعة من التهديد النفسي... بس هني لاء ... مع انو هني كمان عندهم تشبث قوي جدا بالأرض على فكرة... |
| الساعة بإيدك هلق يا سيدي 11:32 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون