|
حزب الله,ميليشيا؟
هلق حزب الله ميليشيا؟!؟!؟!؟!
انو شو مشان؟ هاد يا جماعه انا بشتغل (مع الدراسة الجامعية).. المهم مديرتي بالشغل امريكية من اصل لبناني..قالتلنا جاي رفيقتها من لبنان و بدها تقعد كم يوم وبعدين اطير ع اميركا... المهم .. اجت لعنا ع الشغل اليوم ع الغدا..ونحنا قاعدين بلشت تحكي..بعدين استنتجت انها من 14 آذار وكانت قاعده جنبي و نازلة تحكي ع سوريا..(وما بتعرف انه انا سورية)..هلق انا ضليت ساكته مشان اخد اكبر قدر من المعلومات الي عندها و افكارها .. واذ بها بتقول بكرى ان شاء الله بيضربوا سوريا .. لانها عم تهرب اسلحة لحزب الله الميليشا الي عم (يعمول كل هيدا الشي بلبنيان ..هيدا الحكي بلبناني متل ماهيي بتحكي..)..عم تهرب اسلحة بالشاحنات الطبية .. هلق هون انا انحطيت بين خيارين.. يا اما بهب بوجها متل البارود متل العاده و بسفقها كف من جنبي..وبنفصل من الشغل طبعا.. يا اما باكل هوى و بسكت و بقعد.. ..شوفوا شو عملت...: هيي خلصت الجمله .. وانا قلتلها (فشرتي) يضربوا سوريا و اذا ضربوا سوريا نحنا مستعدين واذا صحيح سوريا عم تهرب اسلحة فانتي لازم تكوني متشكرة للموقف لانهن عم بساعدو حزب الله ليدافع عن لبنان.. و ع القليله في حد عم يدافع عن ليبنان تبعك هيدا.. فقالتلي بس هنن دمروا لبنان وهيك ما رح يضل شي اسمه لبنان ع الخريطة.. قلتلها ان شاء الله مو لهون بتوصل الاوضاع وبعدين خليه لزلمتكن رفيق الحريري يحط شوي من امواله ويرجع لينان متل ما كان ... فقالتلي بس انا هلا خيفانه يمكن اي حد من اهلي يموت بالقصف ..وتصير حرب عن جد.. وخيفانه يقصفوا الطريق الي انا هربت منها... فهون انا بعتها بزيادة وقلتلها.. وليش هربتي؟ كنتي ضليتك عم تقاوي او ع الاقل قاعده ببلدك احسن من الهريبة وقاعده عم تندبي عليهن هون... المهم شباب..مديرتي ما علقت ع الحديث.. سؤالين.. 1- معقول في ناس هيك بتفكر...حزب الله ميليشيا؟؟؟؟؟؟؟؟؟؟؟؟ 2-اذا حدا عنده شغل يدبرلي لانه الظاهر رح انفصل اليوم.... :cry: |
بتعرفي شو يعني ميليشا ؟
militia = قوة عسكرية ليش انت فهمانتيا بشكل سلبي ؟ |
حزب قوامو بالآلاف وبيقولولك ميليشيا
حزب ألو تمثيل حكومي بالوزارة وبمجلس النواب وبيقولولك ميليشيا حزب حرر جنوب لبنان وقاوم ومازال وسيبقى ... وبيقولوا ميليشيا الشي الوحيد الي ذل اسرائيل هو حزب الله ... والي واقف بحلقها متل الشوكة هو حزب الله .. حزب الله اكبر من انو يتكلموا فيه الأغبياء ... ومن ناحية الشغل ...اعمليلك بسطة وبيعي فيها فلافل |
اقتباس:
هلا في ميليشيا متل تبعرون البيك وليد بيك....هيدي بتنفهم بقى هيكي بمفهومنا يعني لما حدن بيجي بقى بقلك الفدائيين مليشيا ما بتعود بترجمها قوة عسكرية... مع الزمن صارت مفهوم سلبي... |
ما هادا اللي بيقهر !!!:x
انو في ناس ماخدة هالموقف خصوصا اللي من لبنان. |
اقتباس:
قلتلي فلافل....:cry: :waa3: |
اقتباس:
وهيي هربانة...لعما اذا ما فيني فجرها هلا....:jakoush: |
اقتباس:
بس بعدين روقت وصرت حلل الأمور. |
اقتباس:
انا البنت هلا على بعد كم متر عني...يعني باي لحظة...:zen: شو مشان الشغل يا شباب؟ |
وانو باللة يا ريمي هيك قلتيلا !!!!! شو يعني مفكرة حالك على حق ؟؟ هلق انا مو مع 14 اذار الخونة بس كمان مع معك لانو عنجد انو تدمر لبنان وانتو طبعا انتي ونحنا وكلنا قاعدين عمنتفرج وعمنشجع المقاومة وعلى شو ؟؟؟؟؟؟؟؟؟؟ على انو تضرب كام كتيوشا عبيجو بالسهول والمناطق المفتوحة اغلب الوقت لك فيقي من النوم ريمي صار مستشهد 250 لبناني ومجروح اكثر من 1000 ومنن ميت 25 شو وين التوازن الاستراتيجي ؟؟؟؟؟؟؟؟؟؟؟؟؟؟؟؟؟ توازن الرعب اللي بيحكو عنو وبعدين باللة مو سوريا اللي ورا حزب اللة ما تدافع عنو وليش باللة وما يقصفوها لسوريا خليهن يقصفوها شو علية بلكي بترد وبتشيل شوية ضرب عن لبنان وبتصير تحس شو يعني الدمار اللي جابتو للبنان لانو كل اللي صار بسببا بصراحة وسوريا واقفة عبتتفرج وقال شو بيصرح واحد من المسؤلين انو اذا نقصفنا ما راح نضل ساكتين !!!!!!! هعهعهعهعهعهع اي باللة شو راح نعمل يعني راح نرد ونسقطلن الطيارات ولا راح نطالع الطيران ولا راح نقصفن بالصواريخ ليش مننلنا هدول الشغلات مكل المصاري عبتنسرق وبعدين لامتا راح تضل سوريا ساكتة لحتى يدمرو لبنان كلو يعني ؟؟؟؟ وكل الوقت اللي سوريا ما عبتنضرب ما راح تتدخل اي شو هالكرامة هي شو هالنضال هي يعني لبنان خرجو بيستاهل !!!!!!!!!!!!!!!!!!! شو هالصمود وهالتضحية هي يا ريمي
|
اقتباس:
اقتباس:
اقتباس:
|
هلق مظبوط لبنان عم يتدمر بس كل شي الو تمن وهيدا تمن الحرية المباني مو مشكلة الله بيعين لترجع تتعمر
والناس الابرياء اللي ماتو معظمهم 100% مع حزب الله ومبارح كان واحد من اللي تدمروا بيوتهم بالضاحية انا سمعتو عم بيقول عالتلفزيون انو شكرا لاهالي الاشرفية لانهم ما خلونا بحاجة شي من اكل ودواءو...واليوم ولاد الكلب ضربو الاشرفية بقا شو اللبنانية بدون الورد وما بدون الشوك نحنا الشعب السوري ما بيطلع بايدنا نعمل اكتر من التبرعات بالمصاري وبالدم وباستقبال لبنانيين الله وكيلكم طرطوس تعبت لبنانية |
أول شي بحيكب ريمي ع موقفك
و المشكلة أنو كل مين بدو يفهم ع كيفو و مشان الشغل أتكلي ع الله و ما لم غير الأنضمام للمقاومة اقتباس:
و هاد اللي صار ضر اسرائيل اكتر بميت مرة من اللبنان بالرغم من أختلاف الخسائر و الموقف و الوضع الدولي ما بيسمح لسوريا أنا تتدخل بشكل مباشر و غير منطقي حتى بس بيكفي أنو اللي اشفنا و عرفنا لهلق أنو سوريا صاحبة أكبر موقف داعم للبنان بيكفي أنو الحدود مفتوحة و عم نستقبلن بالأهلا و السهلا و هاد ضمن الشي اللي منعرفو و رح تجي الساعة المناسبة و بانسبة للسلاح السوري أي معك أنا أنو في سرقات و تزوير و غش و كلشي ........... بس أبدا لا تستهين باليش و السلاخ السوري أبدا أبدا لأنو في عنا سلاح بحيث كل أنو منخصص لكل مواطن اسرائيلي صاروخ بس أكيد ما رح يعرضولك شو عنا سلاح و امكانيات حربية و الله يقوي حزب الله و |
اخر الاخبار
البنت هلا اجت ع مكتبي و قالتلي ما بدي ضل لحالي عم عصب...قلتلها اي تفضلي قعدي معي.. قالتلي خيفايه قلتلها من شوي قال كل اهلها بالاشرفيه وما بتعرف شي عنهن..قلتلها اي روحي رجعي لعندهن... قام حملت حالها وطلعت من المكتب... انفصلنا مافي مجال دخلك شو وضع اللاذقيه من عندك ري مي؟ |
اقتباس:
معناها ما الي غير قوم شد ع لبنان :D |
مليشـيا ..
اقتباس:
:pos: :pos: يعني ما عنـدي كلام قولو .. دائمـاً مقموعين .. كان واحد من الخيارين انو اما تضربيها و تخسـري شغلك .. او تسـكتي .. يعني ع الحالتيـن خسـرانين ... اقتباس:
في افكـار اكتر من هيك بكتييير... ومشان الشغل .. انتي بس اعتمدي و الشغل جـاهز 8) .. لعيـــــــونك ;-) .. الموضوع رائع .. :D .. |
اقتباس:
ومنيح انك ماعد حكيتيها بلالك هيك اشكال بس بظن انو ما في شهدا بالاشرفية طمنيها مو مشكلة المعاملة مع الله |
اقتباس:
بس شو مشان انسانيتك انتي:lol: ؟ بجوز اذا رحت لعندها اكلها هلا...اذا هيي اجت..بقلها غير هيك ما عندي :pos: |
| الساعة بإيدك هلق يا سيدي 00:36 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون