أخوية - الأطقم الرسمية للفرق المشاركة بالدوري الإسباني 2006

للي بيتابعو و بيحبو الدوري الإسباني ..منقدم الكم التياب اللي رح يلعبو فيها أقوى الأندية بإسبانيا للسنة الجاي ..الأكيد أنو السنة الجاي رح تكون مولعة بالدوري الإسباني لقدوم الكتير من النجوم العالميين و خصوصاً بعد الفضايح بالدوري الإيطالي ..

منبلّش بالفريق اللي بحبّو و بشجعو ..ريال مدريد REAL MADRID :

منلاحظ أنو في زيادات على تياب الريال هالموسم ..اذا تركنا الستايل الجديد و الخط الجديد اللي مستخدم برقم اللاعب و أسمو و الدعاية الجديدة BENQ SIEMENS منلاقي الرمز اللي حاطينو على يمين صدر اللاعب فهوي شعار أفضل نادي القرن اللي تتوج فيه ريال مدريد بدون منازع..

الشركة الصانعة : ADIDAS

منروح لنادي برشلونة BARCELONA :

بنظرة عامة عالتياب الجداد منلاقي باللباس الرسمي قلّو خطوط العرض بلونين الأزرق الغامق و الأحمر الغامق "الخمري اذا بدكن" و منلاحظ تبديل اللون الفوسفوري كلباس تاني للبارسا للون الأورانج
و الشي الحلو كتير من برشلونة أنو تركو الإعلانات و عوائدها المالية العالية جداً متل ما بتعمل الفرق التانية
و قررو أنو يحطو شعار اليونسيف على القميص تبعهم ببادرة كتير حلوة من هالنادي ..
ملاحظة :"في ناديين بإسبانيا ما بيحطّو شعار لشركة خاصة هني برشلونة و أتلتيكو بلباو و هي شغلة بتخص النادي "

الشركة الصانعة : NIKE

مننتقل لنادي فالينسيا VALENCIA:

بالنسبة لتياب فالينسا ..ما في شي مهم نحكي عنو إلا انو الشركة الراعية ضلّت نفسها TOYOTA
و تغيير طفيف بالستايل تبع القميص بالخطوط الجانبية ..

الشركة الصانعة : NIKE

مننتقل لفريق أتلتيكو مدريد Atlético Madrid :

تغيير بسيط بستايل التياب تقليل الخطوط الطولية ليصيرو خطّين متل برشلونة..الشركة الراعية على الأغلب رح تضل KIA

الشركة الصانعة :NIKE

منروح لنادي راسينغ سانتاندر Racing Standard :

تغيير طفيف عن تياب الموسم الماضي"اللباس الرئيسي نفسو بس التياب التانية"
و الشباب لسا ما ثبتو ع شركة معيّنة لترعاهم..

الشركة الصانعة : JOMA

الفريق التالي هوي فريق أسبانيول RCD Espanyol:

ما في شي مهم ينحكي .. الستايل نفسو بس مع تغيير الشركة الراعية ليس إلا..

الشركة الصانعة : uhiSport

الفريق التالي فريق خيتافي Getafe CF :

الستايل العام مغيّر مع الألوان التانية للفريق.. في شركتين راعيتين الأولى لأول مرة و هيي Galco
و التانية بقيت من الموسم الماضي على القميص من ورا و هيي opcion

الشركة الصانعة : JOMA

الفريق التالي اشبيلية Sevilla FC :

نفس الشكل العام للسنة الماضية إلا أنو لم يتم الإتفاق على شركة راعية للآن..

الشركة الصانعة: JOMA

آخر فريق رح نستعرضو هوي فريق فياريال Villarreal CF :

ما في تغييرات أبداً على الستايل .. كلشي نفسو ..إلا اللون الفستقي الظاهر بشكل طفيف حد الرقبة بالتياب التانية للفريق ..

الشركة الصانعة :PUMA

انشالله تكونو حبيتو موضوعي و استمتعتو بهالجولة ..و ناطرين الدوري الإسباني على ناررر
تحياتي