حارة كل مين ايدو الو ؟؟
 

العدوان الاسرائيلي يتصاعد ومزيد من المجازر البشرية..

وأولمرت يحدّد شرطَي إطلاق الجنديّين وإبعاد "حزب الله" شمال الليطاني

"14 آذار" تؤكد على سيادة الدولة وتطلب وقف النار والعودة الى الهدنة

نصرالله يُعلنها "معركة باسم الأمّة" وطهران تؤكد أن الحزب لن يلقي السلاح

سولانا ووفد الأمم المتحدة يدعمان الحكومة ومبارك يطالب ببسط سيطرة الدولة على جميع أراضيها
جنبلاط: لبنان ساحة لحرب إسرائيلية ـ إيرانية ولصراع أميركي ـ إيراني


لم يحمل العدوان الاسرائيلي على لبنان في يومه الخامس أيّ مفاجأة، غير أنه ما انفك متصاعداً ومستمراً، وفي جديده استهداف المدنيين بأسلحة عنقودية وفوسفورية محرمة دولياً، وقصف مؤسسات إعلامية ومستشفيات ومبان سكنية، فيما كان "حزب الله" يرد بإطلاق صواريخ من نوع رعد 2 و3 على مصفاة نفط في مدينة حيفا، ويحذر اسرائيل من انه في حال ردّت بشكل غير متناسب فإنه "لن يستثني شيئاً في كل حيفا أو محيطها".
لكن اسرائيل قالت على لسان وزير المواصلات (رئيس أركان الجيش ووزير الدفاع السابق) شاوول موفاز، ان الكريات الحديدية التي عثر عليها في موقع سقوط الصواريخ تدلّ على أن هذه "ذخيرة سورية تمّ تسليمها لحزب الله". واعتبر أن "إيران هي الداعم الأساسي لحزب الله وتزوّده السلاح والذخيرة والخبرات".
وفي سباق مع الوقت، وصلت الى بيروت بعثتان: دولية تمثل الامم المتحدة برئاسة فيجاي نامبيار يرافقه مبعوث الأمين العام للأمم المتحدة لتنفيذ القرار 1559 تيري رود لارسن، وأوروبية برئاسة المنسق الأعلى للسياسة الخارجية للاتحاد الأوروبي خافيير سولانا بحثتا مع رئيسي مجلس الوزراء فؤاد السنيورة والنواب نبيه بري آفاق الازمة المفتوحة معلنين تأييدهما للحكومة ورئيسها ومطلب وقف اطلاق النار. فيما برز تأكيد ايراني ان "حزب الله" لن يلقي سلاحه على الرغم من مطالبة اسرائيل والولايات المتحدة بذلك. ...

حابة أطرح هالأسئلة اللي الها أول ما إلها آخر تعقيباً على هالخبر المنقول من صحيفة المستقبل:
- مع رضاي على الموقف الايراني، يا جماعة هل لايران الحق بالتدخل بموقف حزب الله حتى لو كان السلاح والتمويل من عندها؟؟
- سيطرة الدولة اللبنانية على أراضيها، ليش كانت مو مسيطرة؟ وهل حزب الله موجود غصب عنها؟ ليه ما طلعتو من قبل؟ والا لما كانت لبنان بخير اعتبرو حزب الله حماية للحدود اللبنانية، ولما وقعت الواقعة صار ما إلها (الدولة) دخل فيهم؟
- والأمم المتحدة بتدعم موقف الحكومة اللبنانية هادا شي طبيعي؟؟! بس انو النازحين يلجأو ليتخبو في مقر تابع للأمم المتحدة والأمم المتحدة تطردهم، فهادا اللي مو طبيعي!!! وضد الطبيعة والانسانية كمان!

وشكراً .

طبعا من حق أي حدا يطرح أسئلة ..

بس الله لا يطرح البركة بالتوقيت اللي بتقررو فيه "مين ما كنتو" أنكون تسالو أسئلة اسرائيلية ...


ملاحظة : بيجوز أنا فهمت الاسئلة على أنها أسئلة من اللي بدها ايجابات اسرائيلية , اذا أنا غلطان أرجو التوضيح و بعتذر سلفا ...

هاي أسئلة عربية بحتة ..:?
وبتعبر عن تشتت الشارع العربي والحكومات، بين حكوماتك اللي بدها تنيّم الشغلة خوفاً على مصالحها، وبين المقاومة اللي كل عربي بدعمها؟:shock:

وعم بحكي عن الأمم المتحدة وسيط الخير اللي عم بيطرد النازحين بدل ما يحميهم؟:shock:

وعم بسأل عن موقف ايران غير العربية ومقابله بستنكر المواقف العربية؟:shock:

وين اسرائيل بالموضوع؟:x

كما اني ما بسمح لحدا يشكك بوطنيتي وانتمائي :evil:

حصل خير بس هادا اللي قلتو ضايقني كتير...:cry:

ولا يهمك..
بقدر أفهم قديه الواحد بكون محروق دمو علي بصير..

و حرقة الدم عم توقف المخ عن الفهم و اليد عن الكتابة ...

بس بيبقى الراس مرفوع ...و العيون مدمعة....

الراس مرفوع .. العيون مدمعة .. .. .. ..
 

رح اتبرع بشوكلاطيطك السويسرية و مرفقاتها "سي دي لينا"......لأنك ماعم تجي تاخديها.

1- بالنسبة لايران انو تدخل او لا هي الشغلة حسب الموقف السياسي يلي متخذتو او الاتفاقية يلي عم تصير بينها وبين اميركا (يعني شروط سياسية وشيء مقبل شي)
2-الدولة اللبنانية ما كانت مسيطرة عسكريا فقط على كامل اراضيها ومن احد الاتفاقيات بين الاطراف المتنازعة ايام الحرب الاهلية انو تسليم كافة الميليشيات (بكافة طوائفها)اسلحتها عدا حزب الله بشرط انو يدافع عن الجنوب وبتمويل ايراني ودعم سوري اما انو ما دخلها فيهم طبعا بدها تحملو المسؤولية لانو ما استشار كافة الاطراف المعنية واخد الموافقة وبالطبع بعض الزعماء اللبنانيين كانو على علم مسبق
3- الامم المتحدة شي طبيعي انو تطردهم لانو في ملاجيء وفي جمعيات خيرية وهي عندها مقر للمساعدات الطبية بس يمكن ما راحو عليه او يمكن ان يكون في ناس من جماعات حزب الله التجأت للامم المتحدة فطردوهم حتى ما تصير هدف عسكري

معقول تكون ايران متفقة مع اميركا :pos: .. ما بعرف ليه ما عم بقدر صدق:? ..
مع انو في سوابق من بلدان كانت ماخدة مواقف معينة واتضح بعدين أنو في اتفاقيات مع اميركا، وكان مبين من سير الأحداث.
بس عهيك بدو يكون حزب الله متفق مع اميركا كمان..اذا مو بشكل مباشر (فمن خلال موقف ايرا ن والدولة اللبنانية)..
بس معقولة !!! :pos:

مو كل شي منسمعو بالاخبار بكون صح

والتاريخ بعلمنا كل شي

اذا بترجعي للوراء شي 25 سنة من قبل سقوط الشاه وحتى وقتنا الحاضر لازم يطلع معك النتايج يلي عم تصير هلأ وبالاخص من سنة و جاية

صحيح ، وأنا كتبت عن موضوع الإعلام بالمنبر عن هالشي..

أنا ما كتير متابعة للتاريخ بصراحة .. فمو مؤهلة إني أقدر أحكم ..

ومنك نستفيد..:D

ايران متفقة مع اميركا
هي فكرة جديدة عليي كمان
صحيح انا مو لهالدرجة الفظيعة بالسياسة بس معقول:shock: :?
يمكن مو لازم نستغرب شي عن اي شي بهالدني
انشالله لاء

ايران مو متفقة مع اميركا بس في مصالح سياسية مشتركة
والشاطر يلي بيقدر يضغط على التاني سياسيا

عفكرة كوستا ..

إنت عم تحبطني .. ما عم بتخلي عندي أمل ..

والمشكلة انو كلامك مرات بيقنعني، ومرات بثق فيه لأنو بحس الصدق فيو ..
يعني ما خليتلي مجال أبداً !!

ايوا يعني متل حياتنا اليومية بتلاقي انو المصلحة لكل انسان هي اللي بتحركه حتى لو اضطر انو يتحرك ضد رفيقو مع الاسف

دايما بقولو (الصراحة مرة والحقيقة بتجرح)

بس انت عندك امل كبير واكبر دليل ردودك ودفاعك عن الوطن

وانا عم احكي من المنظار يلي انا شايفو

بس اذا كنت عم حبطتك:cry: انا بعتذر :cry: