|
حافظات شاشة تجعل الشاشة تحترق
3 ملف مرفق .
مرحبا شباب
هدول حافظات شاشة screen savers حلوين ما شبون شي عجبوني.... بيخلوا الشاشة تحترق... في 3 موديلات |
thanks Joe
:D |
thank you very much
عنجد حلوين كتييير :wink: :) :) :D |
حلوين .. شكرا جو ..
بس عموما شباب السكرين سيفر لازم اتكون عشان اتريح الجهاز .. واي سكرين سيفر فيها جرافيك بتستهلك مقدار كبيييييييير من موارد النظام يعني بتتعب الجهاز كتير .. ليلي ما بيهتم كتير بالمظهر تبع الجهاز وهيك الافضل يا اما سكرين سفر فاضية يا اما بلا سكرين سيفر بنوب تحياتييي |
مرحبا شباب
منيح انو عجبوكم :) Dr Hus اي فعلا معك حق يا زلمة... هدول بيحرقوا دين الشاشة حرق.... بس قلنا تغيير شكل... انا عادة بحط شغلة ابسط بكتير دخلك بدي اسألك.... انا مثلا حاطط اعدادات حفظ الشاشة كالتالي screen saver in 10 minutes turn off monitor after 20 minutes turn off hard disk 45 minutes system stand by in 1 hour system hibernates : never ممكن تقلنا شو الفرق بين الاخيرة و قبل الاخيرة و اذا في اعدادات بتكون بشكل عام ما كتير كويسة للكمبيوتر.... لانو مثلا انا كنت متعود لما ما كان الكمبيوتر بغرفتي اني ما اطفيه ابدا.... يمكن مرة كل اسبوعين او بالشهر.... بقى هل يا ترى لازم نزود وقت طفي الشاشة و الستاند باي و هل شغلات لما ما كتير بيأثرو... او بلاهم كلهم على بعضهم اريح للكمبيوتر ما يضل يطفي و يشعل ....خصوووصي اذا الواحد رايح راجع عم يشوف ايميلو :roll: :roll: :angel: :lol: سلام |
اقتباس:
الافرق بين stand by و hibernation الستانت باي .. بيعمل ستاند باي للجهاز .. يعني بيسبه بحالة تأهب .. بيكون الجهاز فيها عم يصرف من الطاقة القدر الي بيخليه يشتغل وبس .. وموارد النظام من زاكرة واستخدام للبروسيس بتنخفض لاقل قدر يمكنه من الحفاظ على وضعه الحالي بدون اي تغيير hibernates = سبات بينزل الرام على الهارد وبيوقف البروسيسور .. يعني كل المعلومات الي بالرامات انو انتا فاتح صفحة انو انتا مشغل ملف فيديو الخ ... بتنحفظ على الهارد .. وبتتفرغ الرامات ..استعداد لطفي الجهاز وبعدها بيطفي نفسو بينفسو .. ( الهارد والبروسيسور مفصولين والرام فاضي ) لم اتعاود اتشغلو بيرجع للوضع الي تركتو فيه يعني بيرجع بيحمل الميموري المحفوظة على الهارد بيردها للرام وهيك ... الوضع هذا هوي الاريح للجهاز في حال انتا ناوي تسيبو شغال لفترات طويلة ,, يعني hibernates حطها على ال 8 ساعات او 12 .. وهيك .. بس عموما الشي الي ماعم تستخدمو انو يكون مطفي احسن .. الشاشة مثلا .. وهيك .. نقطة اخيرة الويندوز نظام غير مستقر .. و لاسباب غير معروفة لا عند المستخدمين ولا المبرمجين بزيادة الوقت بيزيد استهلاك موارد النظام .. ولازم ينطفى من وقت لاخر .. ولا بيصير بطيئ وتنح .. على عكس اللينكس تمام بهال النقطة ,, اللينكس لو الرام على 100 ميغا ,, وسغلت الميديا صارت 120 اطفي الميديا بيرجع 100 الويندوز لا بتطفي كلشي مشغلو وبتضل الرام عالي شو الي شاغل بالها ما حدا بيعرف .. وهيك تحياتي |
كبيرين الملفات ما بدي نزلون :mrgreen:
|
روعه ميرسي كتير
حاسس حالي بجهنّم :evil: |
| الساعة بإيدك هلق يا سيدي 07:55 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون