|
"من تدخل فيما لا يعنيه سمع ما لا يرضيه"
الاخوة والاخوات الكرام عندي لكو سؤال يمكن اجابتة تكون حادة من بعض الاعضاء لكن اتمنى ان تتقبلوا كلامي بصدر رحب انا لاحظت في الاخوية كتير مشادات ما بين الاعضاء حول الدين... والسبب الرئيسي وراء هالمشادات انو كل واحد بيدخل على موضوع مش من حقو يدخل فيه وعند العرب بنقول "من تدخل فيما لا يعنيه سمع ما لا يرضيه" يعني لما واحد متدين يدخل على موضوع لا ديني ويحط تعليق .... من الطبيعي انو صاحب العقيدة اللادينية يرد عليه برد مش لائق ..... وبيني وبينكو ده من حقو... لأن كل واحد حر بمعتقداتو ونفس الشي لما واحد مسلم أو مسيحي يدخل على موضوع مو خاص بديانتو إما بيحط تعليق يعيب فيه على ديانة الكاتب أو يقول كلمة تخلى صاحب الموضوع والمنتمى لديانته يرد عليه رد يسئ للدين ولله.. بل وفي بعض الاحيان يكون الموضوع ما الو علاقة بالدين من الاصل وينقلب الحوار من مثلا موضوع فنى او نكتة إلى مشادات كلامية مابين الاعضاء ياللي طالبته منكو هو انكو تعرفو ان هذا المنتدى مش محل للخلافات .. وطلبي من كل عضو حقيقي يحب الاخوية وبدو تصير احلى منتدى ما يحط منخارة في شي لا علاقة له فيه صدقوني لما كل واحد ما يتدخل بعقيدة حدا بنصير عنجد أخوية بدون خلافات وبالنسبى للغيورين على عقيدتهم من المسيحيين أو المسلمين يعرفو تمام المعرفة أنو الله عندو القدرة الكافية انو يرد على من يخطئ في حقة مهما كان فهل يصعب على خالق الكون أن يرد على من يخطئ بحقة!!! اعقلوها وكفانا مشاكل وخلونا نصير اخوية عنجد وما نعمل مثل الحكومات اللي من كترة خلافاتها ضيعت حقوقنا ودخلت بيننا اللي عاوزين دمارنا كمان ما تعتقدو انو لما تشوفو شي يمس ديانتكو او عقيدتكو وتسكتو هيك بتكون سلبية وإنما هي اضعف الايمان .... يعني بيضلنا بها مؤمنون آسفة للأطالة لكن اخيرا بدي كرر القول المأثور "من تدخل فيما لا يعنيه سمع ما لا يرضيه" *-*-*-*تحياتي*-*-*-* |
الشغلة شغلة كبر معلاق مو اكتر
|
اقتباس:
انا مصرية يا ناس فهموني تعليقاتكو بلييييييييييييييييييييييز |
شكرا اختي منوشة على موضوعك وهو موضوع كتير مهم
انا لسا جديد بالمنتدى ولسا ما شفت متل هاي الخلافات بس بتصور انه اللي قلتيه صحيح انه الموضوع اذا مش الك مش لازم تدخل عله لأنه المكتوب بكون بيان من عنوانه او اذا صار ودخلت فما بصير تعلق تعليقات تستفز فيها الطف اللي كاتب الموضوع بس الموضوع بصير أخطر بكتييييييير اذا كان الموضوع اصلا موضوع تهجمي على الديانة التانية وقتها بصير الرد بالمشاركات والمواضيع وما بنخلص وبتمنى انه نكون كلنا أخوية بهالمنتدى بكل الطوائف وكل الاديان وتحاتي |
مصرية اي على عيني
كبر معلاق يعني كبر معلاق والله ما بعرف كيف بدي قولها يعني الفضول الزايد أو متل واحد خلص كبر راسو وماعاد فيه يستحمل وخلص هلق بدو يرد فورا (انشاالله تكون وصلت) |
هاد المنبر أشرف من هيك مواضيع ...
|
اقتباس:
|
أهلين
بس انا على فكرة مع انو الواحد يكبر معلاقو احيانا والا الحياة بلا نقاشات وحتى خلافات مش حلوة ومملة بس يعني يكون كلو ضمن النطاق المنطقي للامور |
اقتباس:
|
معك حق منوشة، النقاش والجدال مو غلط بس باحترام، والواحد اذا بدو يهين التاني فبلا هالنقاش.
|
شكرا للجميع على المرور والتعليقات الراقية
|
اقتباس:
الطلب لازم يكون من كل عضو حقيقي بحب اخوية انو ما يحط مواضيع فيها توجه ديني او ما شابه والطلب لسى الاكبر (اللي ما بعرف ليش عم يصعب على الاعضاء) انو وقت تشوفو موضوع هيك مافي داعي تسفقو لكاتب الموضوع لاء فهموه انو هيك مواضيع بأخوية مرفوضة مرفوضة مو شكرا الك وكتر من هالمواضيع والله واكبر واللهم اعز علان والحمدلله اني انسان (لا انسان معلش) يا ريت يعني بدخل على موضوع فيه توجه ديني بقول لكاتب الموضوع انو هالموضوع مانو مرغوب فيه باخوية ومافي داعي تكتب هيك مواضيع برجع تاني نهار بلاقي الموضوع 3 صفحات شكر لكاتب الموضوع وشي بقلو "اللهم" وشي بقول "شكرا جزيلا" وشي بقول "الحمدلله......" وشي بقول "كتر من هالمواضيع" |
اقتباس:
كمان انت ما فهمت ياللي بقول عليه بالبداية... انو كل واحد إلو دين معين ما يفوت على الاديان الاخرى وإذا فات ما في داعي يفرض رأيو على صاحب الموضوع انو يبطل يحكي عنو وأكيد اللي طلب انو يزيد او رد رد ديني ما دعاه لهيك رد غير حبو لعقيدتو ودينو ولا انت ما بتتأثر بالموضوعات الدينية تبعك؟؟؟ خلينا واقعيين ومش متحيزين :D تحياتي |
نوع من الاحترام للطرف التاني انك ما تحكي عن دينك قدامو وهو ما عندو الرغبة يسمع
ونوع تاني من الاحترام للطرف التاني انك ما تجيبيلو قصة واحد تفكيرو متل تفكير هالشخص وتفرجيه انو ليك هاه هاد غير تفكيرو انت غير تفكيرك كمان ونوع تالت من الاحترام للطرف التاني انو اذا قلك هالشي ممنوع خلص معناتها ممنوع وما بتعمليه يمكن تكون بتهمني مواضيع ديني بس هدول بهموني برات اخوية ما حدا قلك لا تصلي ولا حدا قلك ما تصومي ولا حدا قلك لا تقري مواضيع دينية ولا حدا قلك لا تكتبي مواضيع بس هالحكي كلو برات اخوية باخوية ما بدنا مواضيع هيك (وهاي بصفتي مشرف عم احكي) يعني انت كعضوة مشاركة بالمنتدى وخاضعة لشروط وقوانين اخوية المفروض عليكي تحترمي قرار الادارة بمنع هالمواضيع وما تحكي فيها ولا انك تشجعي عليها هاي قوانين المنتدى وانت المفروض عليكي تتبعيها اللي بدو يحب عقيدتو يحبها ما حدا قلو لا تحبها بس مافي داعي يكتب مواضيع دينية بالمنتدى اذا ما كتبتي موضوع عن دينك بالمنتدى الله ما رح يحطك بالنار. واذا قلتي للي عم يكتب موضوع ديني انو ما تكتب مواضيع دينية بالمنتدى هاد, كمان ما رح يحطك بالنار. انت يا ريت تخليكي واقعية |
اقتباس:
|
نقلتو من المنبر
|
اقتباس:
|
اقتباس:
|
| الساعة بإيدك هلق يا سيدي 16:59 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون