|
عقد الياسمين
كتبتها بمناسبة تفتيح شجرة الياسمين عنا بجنينة البناية:D شوقيمتك يا ياسمين بدون ستي...........:cry: لما بمر جنب بيت عتيق قديم حيطانو مهرهرة بتحس انو لازم بالضرورة يكون هاالبيت متعربشة على حيطانو شجرة ياسمين كل ماقربت منها وشميت ريحتها انا عن نفسي بحس اني صغرت اكتر من 10 سنين لورا لما بلمس وردة الياسمين بحس انو اصابع ايدي صاروا ناعمين لما بشم ريحتو بتذكر لما كنت صغيرة وعم اسمع دقات قلبي الملهوفة لعقد الياسمين يلي عم تعملي يا ستي وما كنت عرفانة انو اجمل لحظة بحياتي رح تكون لما ستي تلبسني الطوق وتعلقلي ياه برقبتي وانا اركض واركض واركض بها الحارات العتيقة وعقد الياسمين ريحتو بأنفي وهو عم يطير معي ليلمس وجهي اه على ها الأيااااااااااام وينك يا ستي كنت فرحانة فيه متل كأنو عقد الماس كنت شوف فيه حالي قدام رفقاتي والجيران كنت دور فيه كنت حبو يطير لجاكر فيه البنات وقلون ليكو ستي شو بتحبني عملتلي طوق ياسمين على ايدها شو قيمتك يا ياسمين بالقرن الواحد والعشرين؟ وينك يا ستي؟ |
:cry: :cry: :cry:
دخيلك حكيلي ماجده الرومي شو بتئربلك:yahoo: |
محاولة جيدة :D
|
يعني شو بدي قولك ..... الله يسامحك دبحتيني وذكرتيني بزمن ما بقى يرجع :cry: :cry: :cry:
بكل الاحوال كتير حلو يسلمو ايديك:D :D |
شكراً على المرور :D
|
اقتباس:
ايه ذكرتيني بأحلى سنين حياتي هونيك بالحارات القديمة :cry: شكرا كتير الك كلمات رائعة جدا :D دمشق مدينة الياسمين |
اقتباس:
انو ها الحارات العتيقة مو بالشام :p باللاذقية :cry: وعلى كل حال مو مشكلة :D |
:D :D :D
ميرسي كتير |
الياسمينة انزرعت لما اولدت
بنفس اليوم ستي قالتلي هيك وأن بعرف انو هيك لاني بحس هيك، الياسمينة بتحبني وطبعا أنا بحبها حاولت لاقي اسم للياسمينة بس كان اسمها احلى من أي اسم ياسمينتي حلوة كتيررررررر مو متل الياسمينات الباقية انا وهي اصحاب كتير كل يوم الصبح بحكيلها شو حلمت وآخر النهار بخبرها شو شفت لما حبيت ياسمينتي حبت متلي ولما ازعلت زعلت معي ولما اضحك بتضحك معي ولما ابكي كمان بتبكي معي بس لما سافرت ما سافرت معي قالتلي انو بتموت اذا تركت هل الشباك وانو راح تتدبل بدون ستي انا ما صدقتها وسافرت بعدها اكتشفت قديش انا بشبهك متت ودبلت راجعة قريبا استنيني |
لك ِ ولياسمينتك .. ألِفُ البياض وعبقك ِ فاح .. هنا .. و فاح |
| الساعة بإيدك هلق يا سيدي 23:05 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون