|
القاعدة ........ شيت بن لادن
سمعت أنو من اللي هجمو على مبنى التلفزيون السوري كان في "طفل" "مجاهد" بعمر 13 سنة ..
صرلي عم اعلن على العام و الخاص أنو وجود الأطفال المجاهدين في سوريا و مثلا بالأخوية بدو حزم .. بس لا حياة لمن تنادي .. اذا طلع الخبر صح أنو كان في طفل بالهجوم .. و هو أكيد صح . بتمنى نلاقي حل .. على الأقل هون بالأخوية . بانتظار الاقتراحات . |
مش فاهم عن شو بتحكي
|
:shock: :? :cry:
وصلت الشغلة للاطفال كمان :cry: مابعرف شو ممكن يكون في حل..... بس مابظن انو ممكن يكون في حل سريع:cry: الشغلة بدها توعية كبيرة بين الاطفال خصوصا وكمان بين الكبار انو الطفولة الها خصوصيتها وانو لازم اللي بدو "يجاهد" يكون واصل للجهاد عن قناعة مو عن تسيير وتسخير من بعض الناس التانيين ومن تنويم مغناطيسي :cry: وكمان يكون هاد الجهاد ضد عدو حقيقي يعني اهم شي التوعية انو مين هوي العدو :cry: وهيك شغلات بظن انو بدها وقت لتصير وبدها ناس قادة عالتأثير بهيك نواحي ومابظن كمان انو هيك ناس موجودين هلأ لانو الناس اللي ممكن تأثر واللي هني رجال الدين بالدرجة الاولى عم يكون الون تأثير سلبي بدل الايجابي..... اما الحل السريع مابظن انو موجود :cry: |
اقتباس:
يعني ننسى ؟؟؟ ما ضل عنا لا عدو ولا صديق ... طيب و بالأخوية ؟؟؟ شو نعمل ؟؟؟ |
اقتباس:
وبالاخوية هون فينا نشتغل شوي عالتوعية....... بس انو اغلب الناس اللي عندون وعي كافي للتوعية اخدين القصة عدوانية وهجوم ومسبات بشكل انو ينفرو الاخر منون ويخلوه يزيد بالعدوانية تبعو ..... التوعية وخصوصا بالامور اللي علاقة بالدين بدها شوية دبلوماسية مو هجوم..... بس حتى هي التوعية بدها وقت يعني مانو حل سريع هيك رأيي والظاهر انو ماحدا تقريبا موافقني فيه :( واللي عندو حل اسرع واحسن بكون ممنونة عيونو |
اقتباس:
قولك مو صعب يلتقى فريق ؟؟؟؟ |
|
اقتباس:
كخطوة صحية بس انا مو شايف توعية شايف خناق وهالطريق خطاء لانو بيخلي كل طرف يتمسك بموقفوا وويحس انو الي عم يعملوا صح ومشان هدول الي هجمو ع مبنى التلفزيون كلون اطفال اكبر واحد فيون عمروا 17 سنة يعني :( :( :( :( |
برأي أول شي قبل ما نتناقش بالخلافات
لازم نلاقي النقاط المشتركة بين كل الاطياف ومنها بيبدا مشوار التوعية |
استخدام الاطفال كدرع للاختباء خلفه هو رمز الجبن ..
مين بدك توعي لتوعي .. عوجة .. :aah: |
اقتباس:
أنا معك بكلامك وموافقك..:( بس ليش ماسألنا انفسنا ليش هاي الأطفال عملوا هيك؟شو السبب اللي دفعهن؟ ممكن تقولوا من اللي شافوا وسمعوا من بن لادن؟؟ لكن الإرهاب مافيه حدا تكلم عنه وفتح مجالات له ولزق الدين فيه الا امريكا؟؟ أول دوله ارهابية وتدعم الإرهاب بكل أشكاله وتشتري نفوس مريضة يقال لهم مسلمين مقابل تشويه الإسلام واهله..يعني يبيع دينه وعرضه من أجل حفنة مال ولحتى يشوه صورة الإسلام فقط هاد صورة بسيطة ..ممكن شفتو موضوع تنصير طفل سعودي مابتكر مين اللي كاتبوه..شوفي كيف الفضائيات علمت الأولاد الإرهاب والقتل كل الأخبار قتل وتفجير؟؟ وقناة mbcبكل ارقامها شوفي كيف يلعبوا في أفكار الأولاد ..وهيدا واقع ملموس بنشوفوه بتصرفات أولادنا وللأسف وإعجابهم بالغرب لتصل أن الطفل المسلم يرسم الصليب على يده ولايعرف معناه؟؟ وقناة mbc2بالتحديد هي اللي بتعلم العنف؟؟ أنا معك في التوعية على مستوى المنتديات وحتى على مستوى الجوار والحياء والأصدقاء وبالنسبة لمستوى أخوية صحيح هالكلام للأسف..لكن لما تتحاوري مع هدا بهدوء وأدب في أي موضوع او حتى تردي..يجي واحد متخرج من الشارع من بذاءة ألفاظة)وباعتذر على هالكلمة وهاد هو اللي حاصل..ويبدا يسب ويشتم ويستهزأ.........كيف بدك تتحاوري وتوعي؟؟ولك حتى بيطلعوا من الموضوع ويبلشوا بالشتائم؟؟ وبداية لازم نعرف شو السبب اللي بيدفع هالأطفال لعمل هالشئ؟ ومشكورة أختي لى الإقتراح.. |
أكيد وسائل الاعلام إلها الدور الكبير بالتوعية بس أنا بختلف معك أنو mbc2
هي اللي عم تعلم العنف ليش خيو ما هيي قناة للكبار والواحد لازم يعمل مراقبة على شو بيشوفو أولادو والشخص إذا كان لهالدرجة فيلم بدو يأثر بشخصيتو وبمسيرة حياتو معناها هوي ضعيف بعدين هالقناة بتبث أفلام اجتماعية وعاطفية وخيال علمي و........... بس يكون الفيلم عنيف الانسان مو مضطر يحضرو بس بوافقك بشغلة قنوات الاطفال لانو أفلام الكرتون بتأثر بشكل كتير كبير عالاولاد لأنن لسا ما بيعرفو يتحكمو بحالن وبإنفعالاتن نحنا لما كنا صغار كان لأفلام الكارتون طعم تاني كنا ننطرا مناطرة هلق أفلام الكارتون اللي كلها عنف بيحطوها كل يوم والوحيد الحلو(تيمون وبومبا) مابيحطوه غير مرة بالاسبوع بس كمان لازم يكون فيه أفلام كرتون دينية سواء بتعلم المسيحية أو الاسلام أو ... وكل واحد يخلي ولادو يتفرجو على البرنامج الخاص بدينن |
اقتباس:
لكن أنا بقصد أن الأولاد يشوفوا هالقناة..ممكن تشوفي موضوع كاتبوا أحد الأخوان(تنصير طفل سعودي)بالمنتدى والله مابتذكر مين اللي كتبوا...لوشفتي الطفل بسادس ابتدائي وراسم الصليب على إيدو بالسكين..مجرد ابن جيرانه إقترح عليه هالشئ..وقال أنو بيشوف هالشئ على هاي القناة...هيدا طفل اكيد راح يتاثر؟؟ والحمدلله بالنسبة لي ماعندي فضائيات ولله الحمد ولا بيشرفني ولادي يشوفوا هالقذارة..وبيكون بديل أفضل لهم...بدل هالقنوات اللي بتربي الأولاد على العنف..ولك العمى حتى العاب الأطفال بالسوق كلها مسدسات وسيوف وسكاكاين..يعني عنف بعنف الله يخيجنا من هالدنيا على خير..ولايفتنا ومابقول للقائمين على قنوات الmbcالا الله لايفوقكم...خوفوا الله ياولاد البراهيم شو علمتوا أولاد العالم :jakoush: ومعلوم أن أكثر وسيلة للتأثير على المجتمع هي الإعلام |
بظن انو الموضوع انحرف عن المعنى الاساسي الو
الموضوع مانو عن عنف الاطفال بشكل عام الموضوع عن الاطفال المجاهدين يعني اللي اقتنعو انو اذا جاهدو في سبيل الله وقتلو كم عدو مشرك رح يفوتو الجنة (وهون تعريف الجهاد و العدو هوي المشكلة يعني ماعم يقتلو عدو صهيوني مثلا وماعم يقتلو حدا احتل ارضون ولاحدا عم يهدد السلام ببلدون بس يقتلو حدا ببساطة مختلف عنون بالقناعات الدينية او السياسية بس غالبا الدينية) بتمنى نرجع بسياق الحديث للموضوع الاساسي :سوريا: |
اقتباس:
جيبولى دليل انه تنظيم القاعدة اله ايد بالموضوع ولا يالله كل شى بصير بنلزقه بالقاعدة يعنى بجوز الى ناوى يفجر التلفزيون الناس الى مو عاجبها ينذاع القرأن الكريم بالتلفزيون ولا ومحتجين كيف القناة الفضائيه بتجيب تفسير القرأن الكريم على الفضائيه يعنى شو ما عمل الواحد مو خالص من لسانكم القاعدة بس بدها تعمل شى مو خايفه من حدا بالعكس عندها اعلام بتذيع من خلاله هالاشياء بقى بكفى حقد على القاعدة دوروا على القواعد التانيه بسوريا ولا ننسى انه فيه متشددين مسيحيين ومتشددين يهود |
اقتباس:
لأنو شكلك كتير متأكد...!!!! :? :shock: يا حباب احكي شي واقعي او ارجوك لا تحكي .. فأطلاق الاتهامات بالهواء مو حلو (بشان مصداقيتك) ...;-) يا حباب المسيحيين بكل تاريخون بسوريا ما عملوا ولا حركة تشدد او مقاومة خاصة فيهم بل دايما قدموا التضحيات والشهداء من ضمن الاحزاب وحركات التحرر الوطنية الموجودة بالبلد ... لاننا كنا ومازلنا من ضمن هالنسيج ياللي بيكون المجتمع السوري.... |
اقتباس:
هلا الأطفال بالأخوية هن فريق الناشئين اللي راح يكبر ويملاء الأخوية بموضوعات قيمة فبئي اقترح على الإدارة بتخصيص شى قسم بالمنتدي خاص فيون |
اقتباس:
|
| الساعة بإيدك هلق يا سيدي 22:35 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون