|
يلعن أبو هلحالة.............................
هاد مرة موظف وقف عند البقالية يلي بيحارتو وأشترى شوية غراض
وعند الدفع طلب من صاحب البقالية أنو يسجلهن عليه بالدين فرفض صاحبالبقالية وقلو ما بتعامل انا إلا بالكاش موني!!! فقلو الموظف متعجب بدك كاش ؟؟ قلو صاحب البقالية أي ليش لأ ؟ فجاوبو الموظف : لأنوالكاش غير متوفر بالأسواق المحلية لأنه تجمع بأيدي شلة من الحرمية والحرمية صارو كتار والكترة غلبت الشجاعة والشجاعة كنز لا يفنى والكنز موجود بالمغارة وااالمغارة ما بتفتح إلا لعلي بابا والأربعين حرامي والأربعين حرامي صارو ملايين والملايين عم تندفع لضعاف النفوس رشوة والرشوة صارت حق والحق يا حسرتي ضاع والأكل ما عاد منو غذاء والغذاء مقابل النفط والنفط جاب البلا على روسنا وروسنا تمرمطت بالأرض والأرض مقابل السلام والسلام صار استسلام والاستسلام ضيّع الكرامة والكرامة خسر أدام الوحدة والوحدة صارت حلم والحلم سيد الأخلاق والأخلاق تحول لنفاق والنفاق جمع نفق والنفق لازم يتكمّل ولحتى يتكمّل بدو متعهد بناء صالح وصالح ما عاد بهالأيام وبهالأيام صارت المفاهيم مقلوبة والمقلوبة بدها بيتنجان ولحمة واللحمة ماعادت تفوت لبيت الفقرا ولو نطحو الحيطان والحيطان صار ألها أدان وألأدان معبية البلد وهالبلد صار في أكل هوا والهوا صار فيي تلوث والتلوث عشعش بالنفوس. والسجل المدني والقضاء وللقضاء على القضاء صار بدو قضاء وقدر والقدر علينا مكتوب والمكتوب ما في منو هريبة والهريبة تلتين المرجلة والمرجلة ما عادت لكل واحد وكل واحد ألو ساعة والساعة أتية لا ريب فيها يوم يأخذ كل ذي حق حقه الذي شفط منه في الدنيا وعلى الدنيا السلام مشان الحصول على الأختام والأختام عند المدام والمدام كانت شامية وهلأ صارت روسية شقرا والشقرا بتهز الأرض والأرض بتتكلم عربي والعربي مو عرفان وين حاطو والله اذا منضل على هالحالة لتسحبنا الكلاب والكلاب أحسن من البني أدم وأدم علق علقة مصخمة مع حوا وحوا ما بتعرف غير كلمة بدي وعلى سيرة بدي بدي ألعن أبو هالحالة |
شو ما سمعنا رأيكن ولا كلياتكن مأرنبين و مبسوطين بالحالة:shock: :shock: :shock:
|
يا عمي الله يسترك ..... وطي صوتك ...
|
أرنب سيدي ...
|
اقتباس:
>>>>>>>>>>>>>>شو قلت ما سمعتك............................ |
اقتباس:
صرنا تنين ...........................سيدي............... ............... |
---تعديل اداري ---
\\\خفف خفف معلم خلينا عالارنب/// XXXXXX سيدي ... بس شو الحل ... يا بو نضارات شمسية .. حاطط هل نضارة مشان النور اللي عم يطلع من عيونك الحلوين ... الله وكيلك ما بتعرف هاد نور ولا شرار عم يقدح على قولة أبو حوت .. شو الحل برأيك .. على سيرة رأيك .. وين رأيك ؟ |
القصة التالية .. مقتبسة من وقائع حقيقة .. لموظف في أحدى الدول ..
دخل ألى دكان الخضرجي و علامات العبوس على وجهه .. بدي كيلو ليمون .. على عيني .. وبعد ما لفو بـ كيس .. قديه حسابك معلم .. خمسين ليرة.. كأن سطل من الماء البارد وقع على رأسة .. خمسين ليرة !!!... شو انا عم أشتري فضة ولا دهب .. الله وكيلك هيك سعرو معلم .. ماشي .. ماشي ..يخرج المية ليرة من جيبه و يدحشها في يد الخضرجي .. يعد أليه خمسون ليرة .. ليكمل الشهر و كل ما في حوزته .. ما لن يكفيه لـ أجرة مواصلات .. و كـ العادة .. نحنا بـ 5 الشهر |
حلوة يا بلدي
|
اقتباس:
|
اقتباس:
|
اللالالالالالالالالالالالالالالالالالالالالال ااااا نتفة...
|
موضوع مكرر ...
لذلك اقفل |
| الساعة بإيدك هلق يا سيدي 13:39 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون