|
ماذا لو حدث اعتداء جنسي على طفلك او اخوتك الصغار ؟
تخيل أن أحدهم أعتدى على طفلك أو على أخوتك الصغار جنسيا مذا تفعل ؟
الكارثة تكمن في أن الطفل احيانا لا يتحدث عن أي أعتداء جنسي قد يكون وقع عليه من قبل أصدقاؤه في المدرسة أو من قبل شخص بالغ ! تقول الأبحاث أن أكثر الأعتداءات الجنسية تتم من قبل شخص تثق به الأسرة أو من قبل الأصدقاء في المدرسة ، وأن الأطفال دون سن العاشرة هم أكثر تعرضا للعدوان الجنسي سواء كانوا بنات أم أولاد ، وأن الإعتداء لايشترط أن يكون بفعل فاحشة بجسد الطفل وإنما ممكن أن يكون لفظيا أو بحدوث تلامس جسدي أو بلمس الأعضاء التناسلية للأطفال من قبل أخرين . ويري الباحثون أنه يجب على جميع الأسر أن تعلم أبنائها الفرق بين التلامس الجسدي العفوي والتلامس المقصود والمتجاوز للحد . كما أن الأطفال يجب أن يتعلموا بأن أجسادهم ملكا لهم ولا يحق لأي إنسان أن يلمسها أو يؤذيها ، كما أنه لا يجب أن يخافوا من قول لا لأي شخص قريب او غريب يقوم بفعل غير عادي لهذا الطفل ، كما يجب أن نعلم أطفالنا أسماء أعضائهم التناسلية من المقدمة إلى المؤخرة حتي يسهل عليهم التحدث عن أي إعتداء وقع عليهم . |
اقتباس:
بقى خلي اللي رافضين الثقافة الجنسية يوعو على اهميتها وانو الها دور ايجابي ومو سلبي بحماية الاطفال والشباب من الانحراف وتحياتي :سوريا: |
على فكرة هالموضوع كتير منتشر بس ما حدا بيحكي عنو
و من المهم جدا التوعية بأنو الاعتداء بيحصل من مجرد اللمس مشكور عالموضوع |
و الله يمكن إذا عرفت أدبحو يلي عمل هل عملي
و مشان الوقاية ما في إلا الثقة و الحكي بين الأهل و الولد |
انا بشوف انو الأعتداء الجنسي ممكن يسبب عقدة نفسية للمعتدى عليه تروح معو سنين
والثقافة الجنسية ببلادنا العربية معدوة مو قليلة بس كمان السيطرة على هالموضوع صعب شوي ..... لأنو الطفل ما فيو يفرق بين اللمس العادي واللمس المقصود ولو عرف ما بيقدر يحكي ..بيخاف او بيخجل |
اقتباس:
والله معك حق بيستاهل الدبح ياللي بيعمل متل ها العملة بس كمان يجب ان لا تكون هناك مجرد توعية في المجتمع وبين الأسر فقط بل يجب أن يكون هناك منهجا يدرس في المدارس رغما عن انف الأسر التي ترفض أن تتحدث في هذه المواضيع مع أطفالها |
انا رايي انه الموضوع بده توعية بلد بحالها لا عيلة ولا مدرسة بس... |
|
اقتباس:
ولكن يبقي على كل أم أن تتحدث مع بناتها وعلى كل اب ان يتحدث مع أولاده عن مثل هذه الأمور ويقومون بتوعيتهم لإيقاف مثل هذه المهزلة |
وهناك شئ أخر نسيت أن أخبركم به أن إنتشار الأفلام الجنسية الإباحية سبب من الأسباب التي تساهم في وقوع مثل هذه الإعتداءات على الأطفال خاصة وأن الطفل يعتبر فريسة سهلة لهؤلاء السفلة .
كما يجب التأكيد على ضرورة العلاج النفسي لأنه مهم جدا للأطفال الذين تعرضوا لإعتداءات جنسية |
العلاج النفسي للمعتدي بلدرجة الاولى لانو اذا بتبحث مزبوط بتلاقيه هو متعرض لهيك شي بزمانوا
او عندوا ضعف كبير بالشخصية لدرجة عدم القدرة على مواجهة المرأة بلشي اللي بدو ياه بقى بينفث عنو بهيك جريمة |
اقتباس:
|
بالنسبة ألي لازم تحزير الاولاد هنن و صغار انو ما يخطلطو كتير بالناس و لو بيعرفون منيح و بس :سوريا:
|
بتصل على 911 ...
وبعد الاتصال بروح بقوصو لهالقرد |
اقتباس:
|
شوف ابو مزيد كلامك مظبوط بس فيه استثناءات
لأنو مرة سمعت عن قصة مقرفة لدرجة كبيرة ومقززة انو فيه واحد حيوان كان يغري الأولاد ليطلعو لعندو عالبيت بالألعاب وبهيك شغلات وبعدين يتحرش فين ومرتو حاضرة وما يطلع معا تحكي شي علما أنو هالابن ستين كلب كان عندو أحفاد بس هلق فطس وارتاحت البشرية منو |
يتحرش فيهون وللا يغتصبون
|
أنا اللي سمعتو أنو تحرش بس يعني مهما كان الوضع ف هالشي مو طبيعي منو ولامن مرتو
|
| الساعة بإيدك هلق يا سيدي 10:06 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون