there is something about mary
 

بعرف هيدا عنوان فيلم كتير ظريف بس ما نزلتو بقسم الافلام لأني ما عم بحكي عن تقنية الفيلم أو عن الاخراج أو عن الممثلين
كلامي عن عبارة قطعت بالفيلم لربما يكون من المهم أنو نتناقش حولها:
كانت ماري قاعدة مع صديقاتا لما سألوها ليش تركت حبيبك السابق مع أنو كان شكلكون كتير منسجمين
ردت ماري:
لأنو قال لي: لو أنو (وورن) مانو بحياتك كنت طلبت إيدك للزواج
مع العلم أنو (وورن) مش زوجها ل ماري ولا حبيب سابق ولا ابنها
(وورن) أخوها ل ماري بس متخلف عقليا

وسؤالي موجه للشباب وللصبايا بنفس الوقت:
إلى أي مدى بتقبل فكرة أنو تتزوج شخص عندو حالة مرض بالعيلة ومش أي مرض يعني التخلف العقلي أو الجنون أو حتى مرض وراثي متل الصم مثلا
ومش لعبة أكتر أنك تتقبل فكرة تمضي حياتك عايش مع متل هالانسان المريض بنفس البيت وتشاركه نفس غرفة القعدة والمطبخ والحمام وكل شي حتى ساعات راحتك وأيام العطل

فيه مثل بيقول اللي بياكل العصي مو متل اللي بيعدا

هلق انو يكون في حدا بعيلتها مريض
ربنا يشفيه ما عندي مشكلة ولا في اي مشكلة بالموضوع

أما انو يسكن معي ..... :shock: أو اسكن معو :?

مو معقولة بنوب ولا مستعد اتحملو أبدا

أسئلتكون صارت محرجة كتير .........

المهم هي ما يكون عندها شي بعقلها كل شي عادي

اتخيل لو الشغلة معك لا سمح الله وبعيد الشر وكان عندك اخ هيك وقالتلك الخطيبة المستقبلية نفس الكلام اللي قلتو انت هللأ شو بيكون موقفك صديقي
طبعا بعيد الشر عنك وعنا وعن اهالينا الله لا يمتحننا بيهيك اختبار

اي بس الموضوع المطروح .. مو اذا كنت انت فيك شي ..

أول شي شكرا للكل على مروركم

بس خيو ليش الإحراج يعني كل إنسان عندو وجهة نظر بهالحياة وأكيد منحترم وجهة نظر الآخرين لو شو ما كانت لأنو بالنتيجة كلنا بشر

مظبوط لأنو حبيبتي إذا الشخص نفسه فيه شي نادرين اللي بيقبلو يتعايشو معو
مع أنو يمكن هوي نفسه يكون متجاوز مرضه بس المجتمع ما بيرحم

خيي ما هيك
وما فيي قارن هالشي بهالشي .... ويمكن اذا كانوا من البداية متفقين على الموضوع ما في مشكلة ...

هلق حكي مافي شي من الإنسانية بس أنا كم مرا بدي أتجوز و بعدين ولادي شو ذنبون

صياد الطيور ليش ما فيك تقارن ؟

يا خيتي ... اذا كان عندها حدا بالعيلة فأنا ماني مضطر أتحملو ... شي أكيد ما رح أنهي علاقتي الي صرلها فترة مع حبيبتي من شان هيك سبب
بس كمان مو ذنبي اتحمل ....

أما اذا كان المرض مو مأثر علينا ..فعادي جدا

أنا ماني مضطر اتحمل حد بيقربها مريض يقيم عندي
بس بعتقد انها مجبرة على هالشي ؟ يمكن رأيي غلط ما بعرف

:shock: :shock: :shock: :shock: :shock: :shock: :shock: :shock: :shock: :shock: :shock:

الموضوع خطير
هلأ في حالتين انو اذا كان المرض وراثي بالعيلة بصراحة رح خاف ومابعرف شو ممكن اعمل..... يعني بصراحة رح خاف انو تطلع الشغلة كمان براس ولادي..... خصوصا انو اذا كان مرض مافي مجال انو ينكشف عنو خلال الحمل بطريقة انو اعرف انو الجنين اللي ببطني معاق من اول الحمل واتراجع عن الحمل...... يعني هيك مخاطرة رح تكون كبيرة كتير وعن جد مابعرف اذا رح تكون عندي الجرأة اني اخد قرار اتزوج شخص بعيلتو هيك مرض وراثي

اما اذا في شخص بعيلة حبيبي عندو اعاقة سواء جسدية او عقلية بس مانها وراثية فهاد مارح يأثر ابدا على علاقتي بحبيبي حتى لو اضطرينا انو نسكنو معنا بالبيت..... بعرف انها صعبة كتير بس مستعدة اتحملها لانو اكيد الشخص اللي بيستاهل اني اتجوزو بيستاهل تضحيات مني

وشكرا ريمي عالموضوع :سوريا:

أنا بحترم وجهة نظرك
بس تفكيرك فيه شوية انانية أو شرقية

أنا بشكرك على مرورك وعلى رأيك:سوريا: :سوريا:

أنا ما قلتلك رأيي صحيح
قلتلك ممكن يكون غلط

ليش يعني
 

شو القصة الكل عم تتشكريهون الا احنا شو الشغلة طائفية