بشأن الشباب المعتقلين
 

مرحبا اخواتي ..

هلأ هاد الحكي كلياتنا عرفانينو .. إنو الشباب العربي شباب الثورة الواحدة, شلون بدي إشرحلكون ياها ..

مثلاً نزلت لعبة الكاونتر عالسوق , ما ضل حدا بسوريا ما لعب هالعبة و قضا كتير أيام و هو عميلعبها .. و بعدها راحت .. و متل هالمثال كتير , و هون قصة الكاونتر مانها مشكلة لأنو شغلة تسلية مو أكتر ..

بس في كتير شغلات أكتر من إنو تكون بس للتسلية , و كمان الأمثلة كتيرة ..

هاي كانت مقدمة بس مشان إرجع لموضوع الشباب المعتقلين , إنو كانت فورة بس إنو نزل هون مواضيع مثبتة . و الشاطر صار يكتب أشعار .. و من هالحكي هاد ..و هلأ صار بس بدنا نعرف خبر شو صار معهون الشباب اللي جوا .. إساتهون جوا أو طلعو ؟

بقا ممكن حدا يردلنا خبر .. لأنو الله الوكيل هون مقطوعين بالغربة و ما عنا تلفزيون نشوف الأخبار و لاحتى شقفة راديو أبيض و أسود ..

سلامات وممنونكون إذا بتخبرونا ...

متل ما قالت مجود .. يعني لو طلعو اكيد كان وصلنا خبر ..

بس على الأغلب كريم بيعرف عن الموضوع ..

يللي بعرفو هوي التالي ...

الشباب ما طلعوا .. و مارح يطلعوا

خوش تبين للقيادة الحكيمة التالي

بعد اعتقال الشباب

ارتفع معدل النمو بالبلد للـ 4.50 % ... يعني ع شحطة بيصنفونا مع نمور اسيا

انخفضت نسبة البطالة من 60% للـ 1% .. و هالواحد بالمية هدول هنن التنابل يللي كعيت معهم الحكومة مشان تشغلهم و ما عم يرضوا

انعدم التضخم، و كل شي صار رخيص، حتى الاعراض

رغيف الخبز صار قد صحن السطلايت

المشاريع الاستثمارية على ابو موزة

انهوا كل المشاريع القديمة، و مشروع نهر بردى تطور و صاروا بدهم يعبوه هيلطية

صحيح ما شاركنا بالمونديال .. بس في اشاعة قوية انو الكاس رح ناخدو نحنا .. حاليا عم يتفاوض وليد المعلم مع الفيفا بهذا الشأن

و غالبا غالبا ... ببحر الاسبوع الجايي .. اسرائيل رح ترجعلنا الجولان .. مع فلسطين، و يمكن يعطونا كندا كمان، بس شغلة كندا معترضة عليها بوركينا فاسو بالامم المتحدة، و نحنا ما منحب نزعل حدا ...

و شو كمان شو كمان يا ربي ؟؟؟

اي تذكرت

ماي
و خضرة
و وجه حسن

بقا بعد هالانجازات كلها ... بدك يطالعوا الشباب ؟؟؟؟؟؟؟؟؟؟؟؟؟؟؟؟؟؟؟؟


لك كاسك يا وطن

:cry: :cry: :cry: :(

ك:cry: ا:cry: سك يا وطـــــــــــــــــــــــ ن

وكأس الجميع .. وهاي رجعة ..

يا ويلي على هل أيام

بترجع بس اذا في حياة لمن تنادي