احدث طريقه لبيع اسطوانات ا لغاز،،،،،،
 

زمان كنا كتييير ننزعج من الزمور اللي بيصدر من السيارات الي بتبيع اسطوانات الغاز:aah:

او اللي كان بحمل كم من اسطوانه غاز على عربيه وكيف كان بده يخلي الناس تشتري ماعنده حل الا انه يضرب بمفتاح الغاز على الاسطوانه وتخيل انت الازعاج اللي بسير :jakoush:

بس هلا الحمد لله كتيييير تطورنا عنا هون بعمان صارت سيارات الغاز عندها موسيقى موحده يعني اللي بده غاز بيعرف انها سيارة الغاز اجت من الموسيقى الهادئه :سوريا:

فشو رايكم بالموضوع

عقبال سيارات الخضره كمان يسير عندهم موسيقى موحده او اغنيه :o
مثلا اغنيه

على البطاطا البطاطا ياعيني على البطاطا:p:p:p


تحياااااااااتي

بنت الاكارم

فكرة حلوة بس هي طلعت من فترة بمسلسل سوري اسمو
بقعة ضوء

نحنا موجوده عنا كل سيارات الغاز عنا عندهم موسيقى موحده وممنوع الزامور بجد مو مزحه

وحقيقيه مو في مسلسل :clap::clap::clap:



بس سيارات الخضره بتزعجنا كتيير :jakoush::jakoush:

بس ما قلتيلنا شو هي الموسيقا تبع الغاز
على دلعونة

زامفير ... او خوليو :lol: :lol:

لا سمفونيه لبيتهوفن:p:p

شهيتيني روح على الاردن بس منشان شوف هالمنظر الحضاري

يا اهلا وسهلا فيك

بس استنى شوي لبين ما نغير كمان سيارات الخضره:سوريا:

عشان تشوف الحضاره على اصولها:lol::lol:

بالمهلى والله
لاء ما فيني خايف اذاصار متل ما عم تقولي يصيبني طفح حضاري

حلو بس انا بحب الزمور العالي لأنو بذكرني بحنين الوطن :cry:

أي على مهلكن علينا شوي
من سنة ونص أو أكتر محافظ مدري رئيس بلدية طرطوس طبق هالفكرة
وكمان موجودة بصافيتا بس ما عم يلتزمو فيها متل طرطوس
والأغاني لفيروز حصرا
بقا شو رأيكون بهالتطور

فعلاً هي ظاهرة كتير حلوة بعمان

وانا لما اجيت عمان كتير استغربت وجودها

الحمد لله نحنا ملتزمين فيها ولا حد بيقدر يعمل اي زامور لانه بيدفع غرامه بس شو كل شوي بتسمعي سمفونيه بتهوفن كتييير حلو هالشي8)8)8)

:o بعني بيتهوفن صار بياع غاز ؟؟واع

العام الماضي كنت في عمان لمدة اسبوع (في جبل عمان) لم اشاهدولاسيارة خضرة طيلة

مدت وجودي زرت عمان اربد صويلح المفرق والزرقة

هلق مافي غير الزمور العالي يذكرك بحنين الوطن

نيالي على شو الاردن ارخص دولي
بتكلفني 300 $لكل الاسبوع
ان شاء اللة طالع
كمان مشوار بشهر9