| فلاش باك |
25/05/2006 21:21 |
ظواهر سيئة
بماأنوصرلي شي 5 أشهر بحلب بظن صار فيني أحكي شوي
المهم بلا طول سيرة صرت شايف هالشوفة أكتر من 20 مرة وهي عبارة عن ظاهرة نراها في كل محافظة بس هي يعني مو معقول أبداً .
القصة وما فيها أنو في مدينة حلب توجد منطقة اسمها منطقة المحافظة ويوجد دوار اسمه دوار البولمان وعلى أحد زوايا الدوار يوجد مشفى كبير اسمه على ماأذكر مشفى جراحة القلب والأوعية الدموية المهم كنت ماشي أنا ورفيئي هونيك شفت سيارة تكسي وقفت هونيك ونزل السائق مشان يقضي حاجة (حمام ) على باب المشفى الثانوي ( التاني ) وبعد شوي اجا سيرفيس ومعو ركاب ونزل كمان مشان يقض حاجة , وتاني يوم كمان شفت رجال ماشي وقف وعمل عملته وسألت رفيقي شو عم يصير هون ئلي هاد موقف ثابت للشباب مشان يقضو شغلتن , يعني ما فينو الواحد ينتظر حتى يوصل على بيته أو هاد الشوفير يلي معو سيارة ما فينو يروح على بيتو مشان هالشغلة , طيب ممكن يكون بيتو بعيد مافي أماكن عامة مخصصة لهالشي ولاشو !!!!!!!!!!!!
بعدن ترك كل الدنيا وأجى على حيط المشفى ما في غيرهون يعمل عملتو طيب يروح على شي جنينة ( وحتى الجنينة أنا مو مع فكرتها بس الرمد أحس من العمى).
شو رأيكم بالموضوع وعلى مين الحق على الدولة أم على الناس يعني مو لازم الدولة على القليلة تخالف هدول الناس وايمتى بدنا نتعلم( بس نتعلم) نظافة المدينة .
ملاحظة: دائما في 3 دوريات شرطة ومدري كم متور شرطة , قال عم ينظمو المرور هنويك لأنو هونيك شارع الفتلة يعني بس لو شرطي مجند يحطوه هونيك ويسلخ كل سيارة أو سيرفيس شي مخالفة من كعب الدست بتحرم الناس تعمل هيك عمايل .
طبعا الدولة حاطة هونيك 3 حاويات زبالة يعني زبالة مع .................. شو بيطلع, وهي مشفى يعني خود على بلاوي والبقية معروفة .
الشغلة التانية يلي لفت نظري هي في بسطات عم تبيع دواء من دون علب شي وجع راس وش للالتهاب .
لك وين الصحة وين العالم ما يجو يشوفوا شو عم يصير على البسطات
|
