الامثال والمصطلحات الشعبية المتداولة في الحبيبة دريكيش.
- صاحبك اللي بدك تبقيه لا تاخد منو ولا تعطيه
- إذا أردت أن تطاع فاطلب المستطاع
- اللي أولو شرطو أخرو سلامة
- الباباللي بيجيك منو ريح سدو واستريح
- رايحة جاية متل أم العروس
- متل الطبل المقفوع
- مثل الطبل منفوخ على الفاضي
- مثل الأطرش بالزفة
- طعمي التم بتستحي العين
- كلب الأمير أمير
- إذا ما طعميت التسعة ما بتاكل العشرة
- شو بيطلع بايدك ؟ روح بلط البحر
- اللي بيطلع بايدك اعملو باجرك
- وجهك بينشف البحر
- اللي بيطلع لفوق بتوجعو رقبتو
- الله يطعمك الحج والناس راجعة
- طنجرة ولاقت غطاها
- صار للدبانة دكانة وصار لأبو بريص قبقاب.
- صار للدبانة دكانة وصارت تفتح بعد الضهر
- بيلبق للشوحة مرجوحة وبيلبق لأبو بريص قبقاب
- اجا الأقرع تيونسنا كشف عن راسو وفزعنا
- كبرت يا انفي وصرت بتعرف تمخط.
- الك يوم يا ظالم
- الله لا يعيز حدا لحدا
- عديم ووقع بسلة تين
- اللي مالو عتيق مالو جديد واللي مالو عدو مالو صديق
- خلقان بتمو معلقة من ذهب
- ما عجبك ؟ فرجيني عرض كتافك
- الله بيخلق كل مين وبيبعت رزقتو معو
- كول على ذوقك والبس عذوق العالم
- برد تشارين بيخزن بالمصارين
- شمس شباط بتعلم بالبلاط
- اللي ما بيخاف من الله خاف منو
- طب الجرة لتما بتطلع البنت لأما
- خود البنات من صدور العمات
- مفتاح التم لقمة ومفتاح السر كلمة
- صديق عدوك عدوك
- عين اللي شافت عمت يا دل اللي ما شافت
- عدو عاقل خير من صديق جاهل
- كل ديك على مزبلتو صياح
- علي وعلى أعدائي
- حطو الحما وأبليس بالكيس طلع أبليس عم يستغيث
- ذل مالك ولا تذل حالك
- كلو عند العرب صابون
- ذل مالك ذل مالك عز مالك عز مالك
- في كل عرس الو قرص
- اللي بيعرف بيعرف واللي ما بيعرف بقول: كف عدس
- اللي ما بتعرف بترقص بتقول الأرض عوجة
- راحت الحزينة لتفرح ما لاقت لحالها مطرح
- حارتنا ضيقة و منعرف بعضنا
- اللقمة الزايدة مالها فايدة
- الحق البوم بيدلك عالخراب
- اللي بيشرب من النبع ما يغص من الساقية
- عاشر الغني بيغنيك وعاشر الجربان بيعديك
- الشجرة اللي ما تفي لاصحابها حلال قطعها
- اللي بياكل العصي ما متل اللي بيعدهم
- عصفور باليد ولا عشرة على الشجرة
- جنب العقرب لا تقرب وحد الحية فروش ونام
- ظن العاقل ولا يقين الجاهل
- لا معلق ولا مطلق
- ضربة المعلم بألف ولو شلفها شلف
- اللي من أيدو الله يزيدو
- النية سابقة الأعمال
- اعمل اللي عليك والباقي على الله
- بدك العنب وإلا قتل الناطور
- زوج العنيدة مات على الحديده
- هم الصبية كبير ولو كانت مريم وهم الدين كبير ولو كان درهم
- كل عنزه معلقة من كرعوبها
- العنزة الجربانة ما بتشرب الا من رأس النبع
- عادت حليمه لعادتها القديمه
- عيب عللي بيعمل عيب
- ألف أم تبكي ولا أمي تبكي
- العين بصيرة واليد قصيرة
- العين ما بتعلى على الحاجب
- الغايب عن العين غايب عن القلب
- إن شفت غريب آويه وإن مرض داويه
- يا غريب كون أديب
- إذا كنت غشيم ادفع نص حقو
- أول الغضب جنون وآخرته ندامه
- الغيرة بتقتل صاحبها
- هداك الغيم جاب هالمطر
- اللي ما بيغار بكون حمار:hart: :hart: :hart: :hart:
|
