|
مدمنين ومعنا العذر
من فتره وانا بيجي عبالي افكار غريبه عن اخويه .
اخويه صارت ادمان .انا كنت مفكر انا بس اللي هيك بس اتأكدت من 3 اعضاء كمان . هالافكار متل لو اخويه راحت للأبد .يعني توقفت نهائيا .مو فترة بسيطه متل ما حصل قبل هيك. في اخويه مجتمع كبير . مجتمع شبه متكامل .(بشر ,معلومه ,ابتسامه , مرح ,حزن ,حب,عراك,صداقه) كل شيء المهم كان بدي اعرف في مين تاني مدمن اخويه هون . مين رح يجنن لو فقد اخويه . |
كنت بس هلأ لاء :سوريا:
|
لاء هلأ بس كنت :سوريا:
|
انو مو جنان خالص بس اكيد رح افقد شي كتير كبير بحياتي
الله لايقدر اخوية ادمان بس حلو ومفيد |
بالبداية كان ادمان بس هلاء مبقا فرقت
ان دخلت وان ما دخلت |
أنا مدمن...
|
تضرب انت وهالادمان
قال ادمان أخوية قال;-);-);-) |
اقتباس:
خيو محمد بتعرف شغلة انا اول ما فتت على اخوية كنت كتير متعلق فيا ومعظم العالم بيعرفو قديش اجتني فاتورة الانترنت من ورا اخوية المهم هلأ لولا كم عضو انا تارك اخوية من زمان :سوريا: |
انو الى حد ما ;-) ... بس مو ادمان ادمان ...:shock:
|
الله لايقدر و نفقد أخوية
لأنو صارت متل بيت تاني لألنا وتعودنا عليها و تعرفنا فيا على ناس صارو أخوة و أعز:سوريا: |
انا صوتت لا كنت مفكر ادمان هيرويين او كوكايين
ادمان شو يا زلمة عم نفوت تنسلى ونشوف هالوجوه الحلوة الطيبة ساعتين زمان ونطلع |
واحد مشاركاتو رح توصل لــ 7000 شو بتتوقع منو .. يكون مدمن ولا لأ
|
على قولة عادل امام بالشهر؟
|
عن جد أخوية شي حلو كتير
إذا مرت فترة طويلة شوي ما دخلت بحس ناقصني شي وبشتقلها |
انا كتير مشغولة بس لمل ما كون عالنت بفكر فيها و لما افتح اخوية ما بقدر قوم الا شحط
|
مممممممم
والله يا حبيب انا او 6 شهر كانت بالنسبة الي
هوس وادمان والله مرة وانا عم فكر انو ممكن تتسكر صرت ابكي بعرف انو أجدب بس هلاء ل بس اكيد الها معزة كبيرة واذا راحت راح افقد شي كبير كتير بس الحقيقة مو متل الاول بس بحن لايام الخوالي ايام العز :cry: :cry: :cry: |
بما أنو أنا جديد هون عندي ادمان بس بجوز بعد فترة يخف الأدمان شوي .
الله وكيلكن رح ارسب بالدورة(اللغة) مشان أخوية . |
| الساعة بإيدك هلق يا سيدي 02:52 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون