|
عبارات لا تعجبني
عبارة: معلش بتصير بأحسن العائلات
ليش شبها عيلتي؟؟ هل المقصود إنو عيلتي مو من أحسن العائلات؟؟ عبارة: ...أنا..أعوذ بالله من كلمة أنا... ليش أعوذ بالله من كلمة أنا؟؟ أنا اللي بعرفو... إنو أعوذ بالله من الشيطان الرجيم... فليش يعني أحط حالي مع إبليس مثلا؟؟ ليش أعوذ بالله مني؟؟ أنا مو بشر وخلقة الله..؟؟ مو أنا بني آدم اللي الله خلقلي الجنة؟؟ وفضلني على كتير مخلوقات وعطاني عقل وخلقلي الدنيا وما فيها؟؟ جملة: يا زلمه...والله مشتاقينلك.... فيأتي الرد بعبارة: تشتاقلك العافية... إي شو يعني؟؟ يعني ما تزورني العافية أبدا وأضل مريض وعليل وما أشفى أبدا؟؟ وتشتاقلي على قد ما بعدت عني؟؟ وفي مقولة أخرى..."تسأل عليك العافية"....إي شو يعني تسأل علي العافية.... وما تلاقيني مثلا؟؟؟ عبارة: العمى في سماك.... شلون يعني العمى في سماك؟؟ العمى يضربك...إلها معنى... العمى يضرب جحيشك...إلها معنى... بس العمى في سمائي...شلون ؟؟ وشو المقصود منها؟؟ عبارة: يحرق حريشك.... ما عندي مانع إذا ما كنت لابسه.... بس شو هو حريشي؟؟.... عبارة: يفضح حريمك... شكرا ..الله يعطيك العافية....شو بتحب الخير .... والقايل "بس" إن شاء الله عبارة: يخرب كويشك... إذا ما بيوجع معلش...بس شوي شوي... بس شو هو؟؟ عبارة: يخرب فناك... هل المقصود بالفناء الخلفي يعني؟؟ ولا الفناء من "يفنى من الوجود"؟؟ ولا سحلية عدت على رقبتك وصحيت لقيت نفسك برعي؟؟ لأنو التانية ما بتظبط...كلو بدو يفنى من الوجود...فشو بدو بالخراب والأولى ما عندي فناء خلفي ولله الحمد جملة: أهلين يا خال.. فيأتي الرد بعبارة: أهلين بربك.... شلون يعني؟؟ عدم الملاكمة...كيف يعني أهلين بربي؟؟ يعني أنا ربي الله....ووقت بقولون أهلين بالشباب...بيرد علي وبيقولي أهلين بـ الله؟؟ شو المطلوب ولا شو المقصود ولا وين الغلط؟؟ عندكم شي تضيفوا يا جماعة؟؟؟ للأمانة منقول |
عبارات فعلا مش حلوة
|
هو صح عبارات مو حلوة بس بضحكوا :lol: و ما فيا شي اذا انتين عم يمزحوا مع بعض و آلون :p
|
|
اقتباس:
الموضوع هي عبارة عن عبارات نحنا منقولة لبعض احيانا . بس بجوز وحسب ما عم شوف كتاباتك أنت لبنانية وبجوز ماتعرفي منيح المعنى . بس اذا في شي هيك عبارات عندكن ياريت تحطيهن وشكرا على المشاركة |
اقتباس:
|
ولا سحلية عدت على رقبتك وصحيت لقيت نفسك برعي؟؟
:lol: :lol: :lol: :lol: |
وفيه عبارات تانيين حلوين
متل تفضلو لعنا: يعني تكرمو علينا وكونو أصحاب فضل علينا وزورونا أهلا وسهلا:يعني أنت إجيت لعندنا ونحنا أهلك وأرضنا سهلة الوطء يعني لحتى تدوس عليها بدون ما تتدايق |
عبارة: معلش بتصير بأحسن العائلات
انو شغلة فاضية وعادية اللي صارت معك وما دخل العيلة ابدا بالنسبة لكلمة اعوذ بالله من كلمة انا هي الكلمة المقصود فيها التواضع لانو كلمة انا ردددوها وبيرددها كل المتكبرين والمغرورين وتلاقيه بيضل بيقول انا وانا وآخر شي بيجيه جنون العظمة بعبارة: تشتاقلك العافية... العافية باللغة العامية القديمة هي المرض والدعوة سليمة |
على راسي
|
اقتباس:
أعوذ بالله من كلمة أنا....لأن كلمة أنا أخرجت أبليس من الجنة لما قال أبليس بالقرآن الكريم: "أنا خير منه خلقتني من نار وخلقته من طين" فبتجي هون بمعنى التكبر...والتجبر...يعني بمعنى ثاني أعوذ بالله من التكبر الباقي ما بعرف عنهن شي تحياتي |
يحرق ديبك على هالموضوع :lol:
لك ينجروك نجر :lol: |
اقتباس:
|
اقتباس:
والقايل انشا الله |
انا طبعا ما قريت كل المشاركات لاني قليل مروة
بس حابب اسال ليش الواحد لما حدا بيقلو يا وحش بينبسط ولما بيقلو يا حيوان بيزعل:clap: من العبارات الشائعة |
انو هدول الكلمات بلغتنا العامية ... وكل يوم بينقالوا وخصوصي بين الرفقات ... :سوريا:
مثلا بتسالني رفيقتي .. كيفك اليوم بقلا: مشتاقة ..بتقلي ميرسي تشتقلك العافية .. وهيك الباقي ... يخرب زوقك وفنارك ... والخخخخخ .... بس ما شفت شي بيزعج ... يعني :? ... لانو ما رح ينخرب زوقك او فنارك من هالكلمة ;-) |
اخخخخخ انا شو بكره لما بقول شغلة لحدا
وبكون ردو : ايه ايامك:shock: والاحلا لما يكون من عمري او عمرو قريب على عمري |
يحرق حريشك:p على هالموضوع كتير مهضوم:clap:
|
| الساعة بإيدك هلق يا سيدي 22:38 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون