|
مشكلة مع الموقع
مرحبا ادارة
اليوم صارت معي مشكلة صغيرة وهي شي الساعة 2 معد حسنت فوت على الموقع وعم يعطيني خطأ امت فتت من جهاز تاني مشي الحال وحتى هونيك كان في مشكلة انو وقت فتت باسمي دخلت وعين الله علي بس وقت فتحت موضوع ماطلعلي لا الموضوع ولا واحد من المشاركات فشو صاير ؟ بعدين فتت على الموقع من جهازي الأساسي عن طريق الجوجل مو عن طريق المفضلة . ممكن توضيح |
الحكيم عم يشتغل على هالمشكلة:سوريا:
|
اقتباس:
|
مرحبا
انا عم عاني من مشكلة عويصة ماعم اقدر ادخل على الموقع مع العلم انني ساكن بالسعودية وحاولت افتح الموقع من عدة اماكن بس دائما بتطلعلي رسالة " ماتواخذنا بس في إن بالموضوع " وهلق فتت لهون بطلوع الروح عن طريق برنامج البروكسي واذا فتت هالمرة المرة التانية ماراح اقدر فوت لانه برنامج البروكسي الو مدة معينة وبينتهي فلازم تلاقولنا حل بالايبيات تبع السعودية وجزيتم خيرا :سوريا: |
اقتباس:
عم حاول عدة مرات حتى يمشي الحال |
اقتباس:
اليوم تمام بس الموقع تقيل شوي مع أنو خطي adsl |
شو عم يصير ليش عم يخترب عندي المنتدى
|
ياجماعة شو عم يصير بالمنتدى ليش ما عم يفتح متل الخلق والعالم .
شوفونا القصة . العام ناطرتني |
بالنسبة لسوريا، المشكلة بمزود الخدمة aya ومزود الخدمة تبع البريد ، (متل ما بلغنا) على الجمعية كلشي 100% تمام ،
بالنسبة لمستخدمي aya والبريد ، بك تحكو مع قسم الدعم الفني، وهني مجرد يصلحو المشكلة من عندهم مرة بيمشي الحال وبيصير الكل بيقدر يدخل بيسر وبدون مشاكل ، بس الموضوع متل ما قلت من طرف مزود الخدمة ، ان كان في امكانية تحكوهم (سواء تتصلو فيهم او اي طريقة اتصال مع ايا و البريد ) ، بنكون ممنونيكم ، وحيمشي الحال بعدها.. بالنسبة للسعودية، الي صار متل ما اسلفت سابقا هوي ابغض الحلال، احنا مش مبسوطين بحجب دولة مهما كان ، بس الي كان عم بيصير من مشاركات السعاودة كانت اكبر من احتمال الأعضاء هون ، عموما ... على اعتبار الإشتراك موقف حاليا بأخوية ، رح يتم فك الحجب عن السعودية ككل ، وبرجع بزكر لو تم تكرار الإسائات الي مصدرها السعودية ، رح نحجب السعودية حجب نهائي لا رجعة به ، ولا حتى بالبروكسيات رح يتم السماح بالدخول، بالنسبة للشوام الي بالسعودية ، سواء الآن او لاحقا ، رح نوجد حل ليهم ، لدخول الشوام السوريين اقصد ، المقيمين بالسعودية ، بس لسع تقنيا مش متبلور الموضوع بزهنا كيف ممكن نقوم بتنفيذ هذا .. هلاع |
اقتباس:
يعني بفرض انت سوري وعايش بمصر وادارة الموقع حجبت الموقع عن مصر لاانه يوجد كم مصري مسيء فماذا تكون ردة فعلك تجاه تصرف ادارة الموقع الا ترى ان الادارة حكمت على 70 مليون مصري من خلال عدة اشخاص ؟ وكمان لاتزر وازرة وزر اخرى واصابع ايدك مو كلها متل بعضها ! والمشاغب سواء كان في السعودية او خارجها من السهل ان توقف عضويته او يطرد اليس كذلك ؟ ايضا |
دكتور مرحبا
في مشكلة تانية هي يوم فوت على المنتدى وبكس على المواضيع الجديدة كلشي بكون تمام , بس لما بسكر الموقع وبفوت بعد شي ربع ساعة وبكبس على المواضيع الجديدة بضل المواضيع يلي طلعتي أول مرة موجودة فشو السبب؟ وشكرا للتجاوب |
بالنسبة لموضوع مشكلة تصفح الموقع مع آيا و البريد ،، بدي منكم التالي فضلا ، (ليلي بسوريا)
يعمل التالي مرتين ، مرة لمن يكون الموقع شغال 100% ومرة لمن يعطيك رسالة خطأ وما يشتغل الموقع .. Start>> RUN >> tracert akhawia.net بيعطيك نتيائج ، اطبعها كما هي (او سكرين شوت ) وحطلنا ياها Start>> RUN >> tracert - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ايضا ابطبعها وحطلنا ياها ، هيك ممكن تساعدونا كتير نتبين الخلل، برجع بقول المشكلة مش من عنا ، بس انا متأكد انو فيني اعمل شيئ يصلح المشكلة حتى لو كانت مش من عنّا سببها ، (اش معنى لكن قبل ما كان في مشكلة وهلق صار، مع العلم انو احنا ما اتغير اي اي شيئ عنا بالإعدادات الي ليها علاقة بهال الموضوع، بس دام في مشكلة ما كانت وهلق صارت وحتى لو كانت عم تبصير مع مواقع تانية، بس دام في مواقع ما عم بتصير معها ، وعم تشتغل دائما 100% ، فهذا يعني فينا نعمل هال الشيئ وفينا نكون شغالين 100% وبغد النظر عن الجمعية والبريد ورأي برمجياتهم واجهزتهم وطواقمهم البالية !) اصدي بغد النظر المشكلة من عنا او من عند غيرنا دام في مشكلة لازم تنحل ..و لازم انحلها .. الي بسوريا وبيقدر يساعدنا بهذا الموضوع فضلا ما يقصر يا شباب لازم انحل المشكلة --- شغلة اخيرة ، لحظة ما يشتغل الموقع ويعطيك رسالة خطأ ، مثلا انت دخلت akhawia.net وعطاك خطأ ، جرب ادخل - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - و شوف اذا بيشتغل ، نفس الشي اذا انت داخل- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وعطاك خطأ جرب akhawia.net من غير دبليو ، وشوف اذا بيعطي خطأ و خبرنا شو بيصير .. |
اقتباس:
يعني كمان رجعت المشكلة القديمة لأنو المنتدى صرلو اكتر من شهر وهو بطيئ وعم يعلق وماعم احسن ارفع شي من الملفات ؟ |
انت وين باشا ؟
|
اقتباس:
المشكلة سيزار انو صرلو فترة منيحة هيك صاير بالموقع هي المشكلة بس عندي ولا في مشكلة فنية بالمنتدى ؟ وشكرا للتجاوب |
هلأ بشغلة من عندك ولا من السيرفر تبع أخوية هي عند الحكيم
بس شغلة التنتيع عم نعملا دراسة ميدانية بحيث كل ما واحد نتع معو بيعطي خبر و هيك جاري العمل عل موضوع ;-) |
| الساعة بإيدك هلق يا سيدي 22:27 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون