ممكن يكون الجزء التاني .. لحلقـات (( هـز يا وز )) ..
http://www.akhawia.net/showthread.php?t=33417
بعد معاناة .. و تردد ..
و لاحقـاً للحلقة الماضية من نشـاطي الرياضي .. و برغم الصعوبات التي واجهتها في رياضة المشـي و الهرولة .. و التلطيشات المزعجة ..:frown:
قررت مبارح اني عيد المحاولة و انزل امشي مرة تانية ;-) .. (( كلو يهـون فـ الرشـاقة .. ))
هالمرة غيـّرت الطريقة .. بدل ما انزل امشي الصبح .. قررت تكون الرياضة المسـا .. .. ..:pos:
حضرت العدة .. تي شيـرت .. بنطلون رياضة .. كاسكيت .. و ياللاااا .. تحيا الرياضـة:gem: .. شعوري بإني رياضية كان رائع لدرجة اني حسيت اني ممكن شارك ببطولة كرة القدم !! نزلت ممشوقة القوام .. و بخطواط عسكرية واثقة .. و مين يصدق !! ولا تلطيشة !!:o
لحتى وصلت ع الجنينة اللي بأخر الطريق .. لقيت فيها كتير ناس .. و كان شكلها عائلي ..
نسوان عم يلعبو رياضة ع الآعد .. رياضة النميمة .. شو طبختي و شوفي هي شو لابسة و حضرتي عرس فلانة .. يعني شكلهن تعبو كتير !!
و رجال ختايرة في سن ما قبل الخرف بشعرة .. عم يتناقشو بأمور اللغة العربية الفصيحة !
و صبايا ماشيين بدلع .. و هي اول مرة بشوف رياضة المشي بجزمة كعب 7 !! :?
كان في كمان وحدة خرفانة مع رفيقتها .. مادين بساط ع الارض و عم يشربو شاي .. و كل ما مر من جنبهن اسمع وحدة عم تقول " صار بسنة رابعة " و المرة الجاية تقول " يعني هي رابع سنة " و بعدين " لهلآ اربع سنين " .. يمكن كان معلق السي دي !!:shock:
بس لا يخلى الأمر من بعض الازعاجات بس بطرق مسائية .. يعني هـز يا وز شكلها كانت تلطيشة الصبح .. المسا بتكون التلطيشات غير !!
في كتير شباب قاعدين بمناطق مختلفة .. عم يكشو دبان و كل واحد عم يكبـّس زرار موبايلو كأنو التغطية بس موجودة بهالجنينة !!!:?
و كل ما مر من جنبه .. يحطلي نغمة متوافقة مع المشية :shock: .. متل ( لك وين راااايحــه .. راحت تقمقش حطب ... علي الديك ) لما كون بعيده عنو .. ( مرة تانية بالصدفة شفتها مش عم تعرف تمشي كان كتير ضايق هالفستان .. .. ... فارس كرم ) ..
( وين الواوا .. ... .. ) بس ما لقيتلها مناسبة !!:oops:
برغم الصعاب .. تجاوزت الموضوع .. و كنت عم اتسلى و انا عم امشي و حاطة سماعات الووكمان .. بس بدون الوكمان :p !! و الناس محسبة اني ماعم اسمع شي .. وانا عم اسمع كل شي !! كه كه كه :p !!! تسليت و انا عم اسمع المواضيع المختلفة اللي عم يناقشوها العالم و انا عم امشي !! يعني جاسوسة:detec: !!! بس اطمنووو .. ماحدا حكا سياسـة !!
بعدين .. رجعت اتعشيت بطاطا مقلية و مايونيز و سندويش مرتديلا .. :eat:
بلا ريجيم بلا بطيخ !!:blush:

يعني باركولي .. صرت رياضية

كاتب النص الأصلي : الاتحاد الحلبي بس موغريبة انو هالمرة ماتعرضتي ولا لطلطيشة :shock::shock::shock:

و انا هيك عم قول ..:pos:
قديش كانت فرحتي كبيرة ..
بس مابنكر .. اتمنيت شي تلطيشة تطير و تجي لعندي .. :p

كاتب النص الأصلي : ملك الهكرز اي مبروك :gem: بس وين صاير هالجنينة بالله ؟؟ :shock:

لك ششش !! شو بدك تفضحنا .. ;-)
خلاص .. انت سماع القصة و بس :lol: !

كه:p

كاتب النص الأصلي : ghazool و انا هيك عم قول ..:pos: قديش كانت فرحتي كبيرة .. بس مابنكر .. اتمنيت شي تلطيشة تطير و تجي لعندي .. :p

كاتب النص الأصلي : Reemi مبروك مبروك..:gem: .. وانا كمان صرت رياضية مساءً:gem: .. شعور بجنن...

بوكره منعمل انا وياكي فريق رياضي مشان الشباب يشجعونا ..
و هـز يا وز × 2 :p

كاتب النص الأصلي : ghazool بوكره منعمل انا وياكي فريق رياضي مشان الشباب يشجعونا .. و هـز يا وز × 2 :p

بس لا يخلى الأمر من بعض الازعاجات بس بطرق مسائية .. يعني هـز يا وز شكلها كانت تلطيشة الصبح .. المسا بتكون التلطيشات غير !!

برغم الصعاب .. تجاوزت الموضوع .. و كنت عم اتسلى و انا عم امشي و حاطة سماعات الووكمان .. بس بدون الوكمان

كاتب النص الأصلي : توت توت توت لاااااااااااااااااااااااا اا تعليييييييييق ... :angel: :angel: :angel:

:shock:
لا تعليق ؟
ماصدقتك .. يعني كلمة لا تعليق لحالها بتحمل مليووون تعليق !!!:?

ياويلي !!:lol:

كاتب النص الأصلي : فيروزة لا تعليق على شوووووووووو

كاتب النص الأصلي : Reemi مبروك مبروك..:gem: .. وانا كمان صرت رياضية مساءً..:سوريا: .عم روح ع نادي رياضه يوم بعد يوم المسا.:gem: .. شعور بجنن...بس بينهلك ربي من التعب...:cry:

كاتب النص الأصلي : gazita مبروك يا رياضية وبدون تلطيش كمان تقدم ملموس:gem: بس شو مشان الريجيم غزول يعني الي بتحرقيه بالرياضة بترجعي تعوضيه:?

حكيك ع العين و الراس يا أحلى غازيييتا
:oops: :blush:
بس كان كتير صعب .. لأنو بعد هالتمرينات الشاقة متت من الجوع و صرت اتخيل العالم صندويش بطاطا و اسكالوب !! و كنت مستعدة التهم اي حدا قدامي ..:eat:
كه :p
( غزول آكلة الرياضيين )